احجز فندقك
ابن لام الدويسي

أخيرا أم صالح تهجو شايبها با لليبي

Recommended Posts

مغير متكي ونا والبنــــات انعــــاني **** حتى مرفقك منا شكت الوسادة

ونا في الشقاء والهم طول زماني **** فلاحة ومسدة والحياة مرماده

وصغاري اللي ربيتهم في احضاني **** عليهم حملت المر ذقت انكاده

قديش ماحطيت فــــــي كشبـــــاني **** وزازيت بيهم ركبتي لوساده

وديتهم م القلب كـــــــــل حناني ***** أيـــــــام المعيشة عالعباد مكاده

وقديش ياما درت بين سواني **** غاب القمر والليل شين سواده

اللقط الطايح من نخل جيراني **** م الفجر لــــــــول سروة الجبادة

وياما سهرت ومامنامي جاني **** إن مرضوا عليهم دمعتي بداده

زيت البلاد وليم هن دويانـي **** وصرة تراب انديرها كمـــــاده

ولا فيه حاجة نذوقها بلساني **** الا وين ماشبعوا وفيه زيادة

وياما وياما ريت في صغراني **** ماضي مشى ما فايده في عواده

واليوم في نعمة الله عطاني **** كبروا ضناني وهم لي اسناده

مغير الشقاء مازال ماخلاني **** الا القلب متريح ونال مراده

ياالله ياعالم اللي جواني **** الدوم السعادة ماعليك مكاده

شارك هذه المشاركه


رابط المشاركه
شارك

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.

سجل دخولك الان