مواقف طريفه لحميان

السلام عليكم ......صباح / مساء .. الــــخير ....حياكم الله

أولاً :-

ابي اسألكم (( مريتوا على نشرة الأخبار اللي نشرناها)) ؟

اضغطوا على الرابط :-

أخــبـــار الــتــمــاســيـــح والـبــطات في ((منتدى حرمة)) .

المهم الـــيوم ابععطيكم بعض المواقف اللي حصلت لي ، بس ((بدون تعليق)) مانبي استلام وخاصه من (( القروي))

---------

موضوعي عن اسقم ويك اند في التاريخ !!

نزلت الرياض يوم الاربعاء وانا بالمطار التفت ( يمنةً ويسره)<< < فلم مصري

وين السواق ؟؟

ماهوب فيه !!

وادق على البيت !

وين السواق ؟؟ انا بالمطار !!!!

العجيّز : والله ارسلناه يودي اكل لبيت خالة بنت الجيران !!

وشو ؟؟ ليش .؟

العجيّز : توها والده !!

قلنا ماشي ..

عاد خبركم اللي يرجع للرياض يكون مطفر !

قلت يا ولد بدل ما اركب ليموزين 120 ريال !! اركب تاكسي 30 ..

ولا ؟

المهم والله وانواع الزحمه مع هذاك السواق اللي حلف مايمشي الا ومعاه 6 بالكامري !!

وانواع الهنود انواع الزيوت لدرجه واحد منهم حط راسه ونام على القزازه

الا والدوريه موقفتنا ( مضلل) !! ...وخبصة ما فكنا الا رب العالمين

-------------------------------

التفتيش وما ادراك ما التفتيش ...

الاربعاء بالليل اخذت واحد من العيال الخبط بينه وبين اسم ولد عمته ..

المهم وقفنا عند التفتيش ..

الجندي : ها ه فين تشتغل ؟ والا اقلك فين الرخصه والاستماره واثبات خويك ..

التفت على سعد وقلتله : (منصور عطني اثباتك)

سعد زحلقها ومشت ..

لكن الجندي نقز علي : ليش تناديه منصور واسمه سعد ؟

قلت الخبط بينه وبين ولد خالته ..

نقز لي سعد الثور وقال ولد عمتي !!!

يالدلاخة الموقف !!!!

الجندي نفض ام ام ام السياره الله يجزاه خير طلع اقلامي الضايعه وفواتير مغاسل مضيعهن ..

وبعد ساعهسمحلنا معاليه بالانصراف .. طبعا صكت القهوه ورجعنا !!

------------------------------------

اخواني وما ادراك ما اخوني !!

3 جنوط وطاسه

انواع العبط

الله يعين ابوهم بس !

قلت اباخذ هالسلق اطلعهم نغير من نفسياتهم . كودهم يطلعون متحضرين شوي

و شوي والتلفون يدق ..دن دن دن دن

الو ؟ << سحليه

قلت هلا والله امري

قالت حمود موجود ؟ (جنط رقم 2 )

قلت من يبيه ؟؟؟؟

قالت ام نوره.

قلت سمّي ؟

حمود اخوي الصغير ؟ اكيد ؟؟؟؟

قالت ايه هو صديق بنتي بالمدرسه.

قلت شوي بس.

واناد اللوح تعا تعرف وحده اسمها نوره ؟

قال يووووووه لزقه !!

يلعن ام القهر يا ناس !!!

ويكلمها ويضحك ..

شوي يوم يقول : يمه اروح لها ولا تجيني ؟؟

امه قالت خلها تجيك السواق مع ابوك.

المهم قفل السماعه ..

نص ساعه ويدق جرس البيت ..

انا : ميــــن ؟

انا محمد سواق نوره.

ايوه !! وش تبي طيب ؟؟

وين الشيخ حمود ؟

الشيخ حمود ؟؟ يلعن ام كذا !!

وانزله وافتح الباب ويا ليتني ما فتحت

الا نوره وشغالتهم مع السواق على بي ام جديد !!

وانا اطلق اخوياي معه كابرس اس اس !!!

ما يستفاد من القصه

1- شبك اخوانك زين.

2- الدنيا مسخره ... الصغير يطلع مع وحده بعلم اهله واهلها مافيه مشكله !

3- غيّر اخوياك بانتظام !!

----------------------------------

انت نكهة المنتدي

نرجوا المزيد