دايم السيف

نديم حرمه .. اشكر مرورك وتعليقك بس كيف تقول البنت اقل مصروف من الولد بعد اسبوعين زواج ولد عمي. اختي شرت القماش ب 2700ر يال وتفصيله ب1500 ريال عند خياطين شارع المتنبي تبي الفاتوره جبتها لك .اما انا واخي وولد عمي كلنا ثيابنا عند الغسال وما يتعدي 30 ريال كيف تقول البنت اقل مصروف من الولد فهمني بس لا تجنني

يا سدير كوم .. والله لو ادري ان اختي تقرب الانتر نت اني لحش رجليها حش وامصع اذانها واخلي عبره لمن اعتبر انا لو تشوفني .. تراي صارم في البيت ولي شخصيه قويه

اشكر كل من علق علي الموضوع والفيصلي الان عنده القدره ولله الحمد ان يعسكر في سوريا او مصر بس انا اقترح انه يعسكر في ابها او الطايف رغم انها اكثر تكاليف من المعسكر الخارجي

الاخ - موراكو ليش تقول يخسي ما يقرب حرمه هو احد قايل لك انه يبي يسوي حفله بعدين حرمه . سبق ان زارها .نبيل شعيل .ورابح صقر . وسلامه العبدلله.وحمدي سعد . ومحمد السليمان . وعبد العزيز الراشد. كل ها الفنانين جو لحرمه وعندي ما يثبت وش زود خالد عبد الرحمن عنهم بعدين خالد مهوب فنان البدو هو فنان الشباب المراهق الناعم وفنان البنات فنان البدو .حجاب وخلف وبطي مرشد البذالي .. بعدين لي ملاحضه عليك.. ليش كاتب اسمك با الانقليزي مسوي فيها مثقف يعني

فعلا كلامك صحيح يا قلب العنا انا شفت دابو في حرمه ومعه ابو داوود .. كنت متوقع ان الموضوع فيه صفقه انتقال بس مادريت انه باسل علي العموم يستاهل باسل خلوق وفنان

لا شك ان للإعلام دور كبير في مسيره اي نادي .والفيصلي حضي هذه السنه بوهج إعلامي غير عادي وطبعا هذا بتوفيق الله سبحانه ثم جهود الاداره والاعبين وبتكاتفهم وحماسهم وإصرارهم .اعطو الاعلام فرصه ليسلط الضؤ علي انجازاتهم وعلي نجومهم .. ولكن خلف هذا كله يقف رجل الاعلام الاول با النسبه للفيصلي وجماهيره .والذي بسببه بعد الله سبحانه سلطت الاضواء علي الفيصلي وكان يقف خلف كل خبر في الجريده ويقف خلف كل لقاء تلفزيوني ويتعشم فيه ابناء النادي ان يواصل دعمه الاعلامي الموسم القادم وهو الاهم وليس غريب عليه هذا . حقيقه يجب ان يحذو حذوه كل محب ومخلص لفريقه انه الاستاذ/ عبدالرحمن السيف شقيق الاستاذ / خالد السيف نائب رئيس الفيصلي وهو يعمل علي ما أعتقد صحفي في جريده الاقتصاديه ومراسل التلفزيون السعودي للقناه الثانيه والثالثه ومراسل قناه العربيه تحيه لهذا الرجل الرائع والمثالي ..وقريبا سوف اخصص مقال لهذا الرجل بعد جمع اكبر عدد ممكن من المعلومات عنه . وتربطني صداقه قويه بإصدقائه وسوف اجمع عن طريقهم المعلومات لكي نعطي هذا الرجل حقه من التكريم ورد الجميل وعلي دروب الاعلام والاعلاميين نلتقي

مشكور يا روفو....والضاهر ان العلك الابيض سبق وكليته شكله مار علي حتي اني استغربت طعمه كن فيه لزوجه

الله يستر ...فعلا الادمان باين عليهم خصوصا الثالثه من السطر الاول

يمكن النصر يرغب في انتقال التمياط له من اجل تحسين النسل بس هل يقدر التمياط يفهم لغه الاعبين اعتقد صعب

شكرا ..البزم..علي معلومتك ناقد معلومتك معصبه ليش

ناقد لا ذع... مساك الله با الخير فعلا كلامك صحيح وش يبي يستفيد القاري اذا كان خالد عبد الرحمن .جاء لحرمه او ما جاء.. بس أفاء عليك عرفت منهو جاي عنده وليش جاء ووشوله جاي وعرفت موعد جيته الجايه وتاريخها وساعتها وبيني وبينك الدعوي فيها صفقه بعارين

عندما يبلاك الله وتراجع تعليم البنات في المجمعه .اول ما يلفت نظرك ريحه العطورات تشمها من علي بعد كيلو.. وثلاثه ارباع الموظفين يلهثون وري الموضه يلبسون اجمل واغلي الاقمشه وافخر انواع الشمغ والغتر .وهذا شي جيد اذا كان دخلهم لا يتأثر بما يصرفون علي انفسهم وعلي شكلهم الخارجي والغريب في الامر ان اغلب الموظفين علي بند الاجور..يعجبني موظف اداره التعليم للبنات عايش مثل اللبناني بعكس اخوانا موظفي البلديه بينهم وبين الموضه عداوه وما يغير الموظف شماغه الا مع الترقيه .. اذا راجعت البلديه تحسبهم توهم ذابحين الضحايا اوتوهم منزلين رد جح من ظهر تريله اهتمامهم في مظهرهم صفر اما العطورات فحدث ولا حرج ....هذا ما شاهدته اليوم عندما راجعتهم في معاملتين لم يكتب لهما النجاح

حدثني احد اصدقائي وهو من حرمه عندما كنا جالسين في منزل احد الاصدقاء ....0 وقال لي ان الفيصلي سبق وأن اقام معسكر في دوله العراق المجيده وتحديدا في محافظه البصره . بصراحه انا لم اصدقه وقلت لم يعسكر اي فريق من المنطقه خارج المملكه الا فريق الفيحاء ايام تولي التويجري زمام الامور في الفيحاء وكان معسكرهم في تونس الخضراء 0 ولئني لا احب ان اكذب احد..طرحت هذا السؤال عليكم تجنب للإشاعات. من لديه اي معلومه عن هذا الخبر لا يبخل علينا وهل كان معسكر للقريق الاول .او مباراه وديه فقط .ومن كان في وقتها رئيس للنادي .ومن ابرز الاعبين الذين رافقو الفريق .ومن رئيس البعثه واي معلومه لا تبخلون علينا..

سدير كوم .. المشكله ما هي جوال بس ياليته جوال المشكله ان البنت الان صارت عله عله لا تظهر ولا تدخل .الحين شف قدامك البنت تسهر الي بعد الامتحانات والاب نايم والام نايمه واخوانها نايمين با الله عليك هذي حياه .والنتيجه راسبه او تقدير زفت لا وتشغل الانتر نت طول الليل تبحث عن اسئله مسربه من ناس يلعبون عليهم وينصبون شباكهم لإصدياد ها المتخلفات أقول انا إذا تزوجت ان شاء الله ابشرط عليهم إن جابت زوجتي بنت يربونها اهلها وتعيش عندهم اريحلي .البنت هم لا يطاق

الاخ سدير كوم خالد عبد الرحمن ..هو عباره عن انسان يجيد العزف علي اله العود وله جمهور عريض علي مستوي الخليج نتمني له الهدايه وان يتوب الي الله ويترك مزامير الشيطان وعرف عن هذا الشخص بذات الاخلاق العاليه ولا يعيبه الا انه فنان ---------------