طلال

اتصور ان المبالغة في هذا المسلسل اكبر من حجمها بس تدرون ان انا رايي من راي miss_rajjh لان هو سميي

الحمد الله اني منيب مسخن ولا لي دخل بشما والي بعدي شكلة من النوع الي يحب البزران ويقدر حديقة الحيوان

بصراحة حلو الفلاش

اخوي حصيص مشكور كثير على هذه النصائح وحرصك على الرقي بهذا المنتدى وتحياتي لك أخوك طلال

حلوة >>> طه <<< جاي الاختصار بعد سهر متواصل وتعب ودك بس تخلصين وتنامين من ناحية القيمات والبسبوسة ممكن لاكن نايم في العيد مستحل , كان يصير اسمي على كل لسان . طه الي بعدي راعي همبرقر وما ينام الى وهو متحضن جوالة

معلية يا شباب ردي متاخر شوي كنت مشغول حبتين بس تدري يا حصيص انا اتفق معك في موضوع السوني 2 عزيزي هتان السبب الاول والرئيسي هو البيت والاهل هم الي ممكن يطلعون اولادهم تحف او يطلعونهم عباقرة وفاهمين , يعني انا اتفق معك انة لازم الاهل يكون عندهم وعي كافي قبل اولادهم عشان يطلعون بصورة افضل اخوي حميان انتا احلى يا عسل وبعدين ما جبتها انا لاني مدرس ولا انا حول مهنة التدريس , مهنتي بعيدة عنها كثييييييير لاكن تدري نورت الموضوع بطلتك علينا <<< مسوي يحتك بالمشرف . هلابكم والله ومشكورين على تفاعلكم وردكم على الموضوع أخوكم طلال

وجهة نظر نحترمها ونحاول ندرسها ونقدمها للوزارات والجهات المختصة ونشوف وش يصير مشكور على مرورك وردك يا هتان بس ما تشوف انه فية عينات من هالطلبة موجود في المدارس الحين او انقرضوا

لا يا حصيص مهوب انا بس حسيت بمعاناته وحبية انقلها لكم بس تدرين لو انة انا كان صفقتهم قبل لا استقيل هلابك والله

واحد من الشباب يقاله الاستاذ سعد , مسكين كان من افضل المدرسين في مدارس وسط الرياض لاكن الزمن لعب فية لعب وقلب حالة من حال الى حال وتمنا انة ما عمرة درس او دخل كلية المعلمين وصار مدرس . خلونا نشوف وش صار مع صاحبنا الأستاذ سعد ( 1 ) صويلح من الطلبة المهملين الأغبياء الذين عادة ما يتلطمون ويجلسون في آخر الفصل ، والأستاذ سعد مدرس العلوم متحمس ويشرح لهم عن فوائد الحليب . وجه الأستاذ بعض الأسئلة لصويلح.. الأستاذ سعد : يا صويلح ، كيف تحافظ على اللبن من الفساد ؟ صويلح : نخليه في البقرة يا أستاذ . الأستاذ سعد : طيب هات ثلاثة أنواع من منتوجات الحليب .. صويلح : جبن مثلث ، وجبن قوالب ، وجبن سايل . ( 2 ) يلتفت الأستاذ سعد إلى فهد في الزاوية الثانية من الفصل . الأستاذ سعد : وأنت يا فهد ، قل لي من وين نستخرج السكر ؟ فهد : من الخيشة يا أستاذ .. الأستاذ سعد : طيب كيف تثبت أن الأشياء تتمدد بالحرارة وتنكمش بالبرودة ؟ فهد : مثلاً .. اليوم في الصيف أطول من اليوم في الشتاء .. الأستاذ سعد : إجلس الله يصلحك ، وتابع معي . ( 3 ) الأستاذ سعد : اسمعوا ، أحسن واحد في الفصل هو الطالب سعيد . يا سعيد : ما ذا فعل " جيمس وات " عندما رأى البخار يخرج من الغلاية ؟ سعيد : أكيد سوى شاهي .. احمر وجه الأستاذ سعد وظهرت علامات الغضب . ( 4 ) لما أحس نويصر أن الأستاذ زعلان وغاضب قال عندي لك يا أستاذ نكتة بتوسع صدرك ، قال له الأستاذ سعد : عطناها يا نويصر . قال نويصر : فيه مدرس علوم رزقه الله بولدين توأم سمى واحد ( أول أكسيد الكربون ) وسمى الثاني ( ثاني أكسيد الكربون ) . الأستاذ سعد : طيب يا نويصر ، عندي لك سؤال قبل ما أكتب استقالتي . نويصر : تفضل يا أستاذي الكريم . الأستاذ سعد : هل يستطيع الناس العيش على الأرض بدون أوكسجين . نويصر : طبعاً لا يمكن .. الأستاذ سعد : ( فرحاً ) ممتاز .. صفقوا له .. طيب متى اكتشف الأوكسجين ؟ نويصر : اكتشف عام 1773 م .. الأستاذ سعد : ممتاز جداً ، صفقوا له . نويصر : لكن سؤالي يا أستاذ .. كيف كان الناس يتنفسون قبل هذا التاريخ ؟ وبعد أن سمع الأستاذ سعد سؤال نويصر ( أذكى طالب في الفصل ) بدأ يجمع أوراقه ، وتوجه إلى غرفة المدير ، وقدم استقالته . وهو الآن يبيع لقاح نخل في سوق الحمام ، وعايش في سعادة وراحة بال ولله الحمد ..

راعي قهوه وفلة حجاج اية بس ماعندي غنم الحبيب الي بعدي يحب المرقوق وياكل بردقان واجد تراني جايع اسمحولي ما تغديت

أضن جواربي او شي جديد زي جوارب دوت كم يمكن تكون حلوة بس اذا فتحتو الله الله بالعروض السنعة والخصومات لعضاء المنتدى

حاظر

تصدقين كنها مواصفات ذيب السهيلات <<<< لا تزعل يا ذيب بس كنها مواصفات الصورة وش اسوي دخلت ولازم ارد لاكن انا مامعي ددسن والبس طاقية الي بعدي شكلة طبيخ من الدرجة الاولى ودب نوعا" ما

والنعم في الاسرتين وفي الجميع

هههههههههههههههههههه حلوة في ســـوق الخضره .... لا كرت ولا ورقه ....

تصدق انك ذيبان يا ذيب ابد هاذا انا بالظبط شكلك طلعت عصاك السحرية الي بعدي ما يصبر عن النوم يعني بالعربي ما يسمع بالوسادة ويحب الفمتو

مرحبا يا شباب, صراحة حلو تسجيل الحظور ذكرتوني بالعمل بس الفرق ان تسجيل الدخول عندنا في العمل اول شي تدخل الكرت وبعدين رقمك السري وتوقف في جهاز ودخل يدك وعيونك فية عشان يقرى بصمتك ويقرى عيونك عموما" هلابكم كلكم واسف لتأخير أنشاء الله موجود اليوم وبكرة ان الله احيانا

صادقة في مسألة كرهي لسوق والله انك جبتيها اما حب الفول والتميس ما عندي مشكلة فيها الاخ الي بعدي شكلك راعي سواليف وتحب الشاهي

بلعكس اقدر السفن اب لاكن الحمد الله ماعندي امساك والحبيب الي بيدخل بعدي شكلة مخروش ويطير بالعجة

مشاء اللة مررررررررة كـــــــــــــــــــــووووووووووووول بس احنا في انتظار قصة العلوج

الاخ جالس متربع لين الحين وانت متربع <<<< بأدي >> يعني بعدي <<< يا حلو وبعدين انا فكيت الشفرة يا قمر ومشكور على مرورك اخوي جالس MrCoOl اللة يحلي ايامك ومشكور على مرورك وردك الحلو

وعليكم السلام ورحمة الله وبركاتة والله اني بخير والحمد لله ابشرك كلهم طيبين الحمد الله المهم نسيت اقولك ما دريت وش صار امس انا والدحمي تدري رحنا مطار الملك خالد عشان نسفر جمعية >>>> شغالتنا الارتيرية<< المهم يوم جيت اخذها من البيت الى وهي طاقة الشخص على سنقة عشرة والسواق الارتيري قاعد يصيح وتونا ندري ان فية علاقة حب في البيت بين >> قيس وليلى << قصدي محمد وجمعية الزبدة ركبة في الجمس وهو محمل عفشها وتبكي عطتني شريط قالت لي عطة السواق قلتلها تيب > طيب < عاد وصلنا المطار بحمد الله وسلامة وحطينا عفشها على الكاونتر وانا قايل لدحمي ان ما معاها الا عشرة كيلو زيادة , طلع عندها زيادة بس 102 كيلو زيادة التفت الدحمي علي وقالي بتنقلون معها انتوا , ضحكت وقلتلة هاذي كلها هدايا لشعب الارتيري المناضل قالي وهو معصب لية امك ارتيريا يوم انك تهديهم , التفت الدحمي على الشغالة وقالها انتي يا الســـــــــــــــودة قالت وهي فازعه ( نئم ئمي ) قالها انقدي الله لا يهينك قالت لية قالها عشان الشعب الاريتيري يحبك اكثر , المهم انها نقدت الدراهم وقالت لعيون السواق مهمد ما اردك يا أمي . عاد رجعت انا و الدحمي وقلنا خلنا نسمع الشريط وش فية ولقيناه مقاطع اغانيي >>> يا ورد من علمك تجرح , انت الدنيا وكل الشوق , أجر الصوت من جرحا" براني , من بين الناس حبيتك , واخر اغنيا كانت >>> با ودعك يا الضنى <<< المشكلة موب في الاغاني لكن البلا بين كل مقطع ومقطع يطلع صوتها يقول >> أه يا مهمد يابئدي << وبعد ما سمعنا الشريط انا والدحمي عرفنا معنى الحب الحقيقي ولا جانا النوم هاك الليلة والسبب هو الفراق الي صار بينهم ذكروني بقصة عدنان ولينا في ارض الامل يا شباب اذا انا غلطان في شي تكفون نوروني انا والدحمي خايفين نكون السبب في قتل الحب العذري

الاسامي الحلوه بنسبة لي ديم , سديم , لمى او الاسامي الي فيها الــ مثل البندري , الهنوف

صراحة حلوة الدخلة هيييييه هييييه وياهلا بك والله ومرحبا طلال

واللة يا المسلهمة ان اسلوبك مرة روعة >> من جد مفروض تكونين مؤلفة مسلسلات فكاهية في هذا الموضوع او غيرة من مواضيعك ما تخلى من الفكاهة والضحك وخاصة في اختيار الكلمات القديمة الي هي ذاتها تسحرك لاننا فقدناها ولا نسمعها الى من اجدادنا والناس الكبار في السن بذات . عموما" شكرا" كثير على هالمواضيع الحلوة واللة يوفقك . أخـــــوك طلال