سيف الجزيره

هذي بعض الفلاتر جمعتها من اكثر من موقع وانشالله تعجبكم فلتر يعطيك تأثيرات مميزه وانشالله يعجبكم للتحميل تحريك الصور بجميع الاتجاهات بكل مروونه للتحميل مجموعه رائعه تحتوي على 19 فلتر ومن ضمنها فلتر الذي يقوم بصفط الورقة للتحميل فلتر يتيح لك وضع الظل بأشكال مميزه وحسب رغبتك للتحميل وانشالله تشتغل معاكم وتعجبكم ... اخوكم سيف الجزيره

سعه صدر = جربعه وتصيد ضبان

يابعدهم = واقف بحالي ماحولي احد

يعطيك الف عافيه على المجهود الكبير ... ----- هذا فلتر للفيضانات فلتر جميل .. للتحميل وسلامتكم اخوك سيف الجزيرة

الا يازين جوهم = يمدحون مطار الملك خالد (الرحلات الدوليه) الرحلات الدولية

اليورو = يازين العنقليز

ههههههههه صارلتلي اكثر من مره من زود الفهاوه اللي بعدي مكتووم وبقلبه اشياء وده يقولها بس محد معطيه وجهه

متى يجي الشتاء = على وسط رمضان بأذن الله . . . . وسط رمضان = تبدى الكشتات

السلام عليكم ورحمة الله وبركاتة .. تعريف Real-Draw pro V 3.01 : برنامج يعمل على تصميم الصور و التواقيع بمميزات و تأثيرات رائعة وهو اسهل من الفوتوشوب للتحميل Serial no: Serial: 793198206801 Unlock: 650286424965 واتنمى لكم التوفيق اخوكم سيف الجزيره

يعطيك الف عافية قولدن أي على الفلتر الجميل .. انا معك من ناحية ان الفلاتر الموجوده كافية بس تعرف الواحد يطمع بالمزيد ووده يطور نفسه بأسرع ما يمكن خاصه ان البرنامج قديم موب جديد وودي اعرف تقدر تقول كل خفاياه اخوك سيف الجزيره

السلام عليكم ورحمة الله وبركاتة ... هذي بعض مصطلحات الكلمات السعودية المشفرة --------------------------------------------------------------------- الدلخ : وهذاا إنسان غبي جداااا. ويرفع الضغط .... وينرفز. وينصح الاطباء بالابتعاد من الاشكال هذي. المنسم : كل ما مريت عليه تسمع صوت سسسسسسسسس و ذلك راجع إلى تهريب الهواء من رأسه و السبب في ذلك هو أن في رأسه فتق لذلك تلقاه دايم يغطس رأسه في سطل موية عشان يعرف من وين التنسيم . المهوي : هو مرحلة متأخرة من التنسيم و المهوي وصل لمرحلة متأخرة جدا بحيث يفقد أهله الرجاء منه ... الشخر المخر أو أبو مشخر ! : من نفس فصيلة المنسم ! السلنتح : قليل الأدب وفي بعض المدن والقرى تعني به المطفر المنتف. جحلط ( بتشديد اللام ) : وهم مرحلة متقدمة للسلنتح مزّلب : يعني بايعها بتراب ! مسفّح : يعني طاير في العجّة وهو ما عنده ما عندي جدتي , يعني بالعربي الفصيح من جنب العارضة الصتيمة : وهو الشخص اللي ماعنده ماعند جدة جدتي ...!!... ويصدق أي شيء يقال له المسبة أو المسبوة : هو الشخص اللي يكون مروع في صغره لدرجة أنه يصبح شبه فاقد للعقل ... الفاهي : هذا الله يخلف مهما تقول له أو تصارخ عليه تلقاه فاتح فمه و بس و إذا كلف عمره و تفاعل معك رد عليك و قالك : هه الحقنة : هو الشخص الغثيث اللي ما يفكك لين تعطيه اللي يبيه منك و مهما تسوي له عشان تصرفه عن الموضوع حقه ينشب في حلقك لين يأخذ منك اللي يبيه , وهذا يفسر قول العرب : أغث من حقنة العلة : هذا اللي ما تأخذ أنت منه أي شيء و لا عنده استعداد انه يسمع منك مهما حاولت وهو كالمرض يعلك لين تنفقع مرارتك منه...... العربجي : يظن معظم الناس أن العربجي هو الشخص الشديد حق المشاكل و اللي ما يمشي إلا وهو مشخص ببنت البكار ( أسم لطريقة لبس الشماغ عند العرابجة ) و حاط مفاتيحه في سلسلة و لا بس نعال سجاديه و يسحبها تسحيب لين جاء يمشي و دايم فاتح صدره و رازه على فوق و كانك ولد أبوك قله شيء بس . لكن في الآونه الأخيرة ظهرت إشاعات تقول بأن العربجي هو اللي يسوق الحمار( الله يعزكم) لكن صرح مصدر موثوق من عائلة العرابجة بأن هذه إشاعة مغرضة أطلقها عليهم أحد الخكاري... المرجوج : هذا ما عمره صلح شيء صح في حياته ما يمديك تفتح فمك إلا و طار في العجة بدون ما يفهم وش السالفة. و الارتجاج الحاصل له يختلف تماما عن مشكلة المسبة أو المسبوة حيث يكون الارتجاج هنا نتيجة صدمة و ليس نتيجة روعة . المطفوق : من فصيلة المرجوج ... إلا أن مايميزه هو انه اذا مر من عند كاس أو جيك أو ابريق أو أي شيء فيه سائل لازم يكبه ( أي يسكبه ) برجله وهو مايدري ،، ولا تخليه يمر بجنبك وانت معك صينية فيها بيالات لأنه لازم يطخها بيده أو بكتفه ..!! أيضا لاتخليه يصب قهوة لضيوف لأنه لازم يكب القهوة على ثوب واحد منهم..!!!!!..... السربوت : هذا اللي ما يخلي مكان ما يروح و قد كان الأولين يطلقون لقب السربوت على من يشرب الدخان لكن الحين الله يخلف الناس تدخن بيديها و رجليها و لحد يقول لهم شيء. السمرمدي : وهو من نفس فصيلة السربوت. الداشر : هذا قليل الأدب و لا يحب يماشي إلا السرابيت . و إذا قيل فلان دشر فلان أي خرب أخلاقه لكن في الأردن الشقيق كلمه دشره تعني أتركه.. الملكع : أما هذا فيعرف حتى السكن( اي الجن ) و مقطع السمكة و ذيلها و مهما تحاول تلف و تدور معه تراه فاهم و عارف وش تبي بالضبط فلا تتعب نفسك . زعّيط : مسوي نفسه يفهم في كل شيء وهو من جنب العارضة. وفي رواسة يقال انه مهايطي. المصرقع : هو كل شخص ما يهمه شيء و اللي يطري على باله بيسويه لأنه ماخذ الدعوة سعة صدر و هبال ... المفلت : هو كل شخص ما تقدر أنك تأمنه على شيء لأنه مهوب تكانة و يتميز بكل أنواع الإهمال و التطنيش.... الخكري : ببساطة الخكري = نعومة + دلع + ليونة والله لايبلانا... اللزقه: هذا الشخص اللي علطول معك وقدامك ووراك وكل شي وتطلع مع الباب تلقاه تركب في السياره تلقاه يطق القزازه وهاكذا. الزنقّبي : ( بتسكين النون وضم القاف ) يعني العزوبي. الصديع : اي كلمه في راسه يطلعها ولا يتنباء بأفعاله سواء كانت صح ام خطء . الجنط : من فصيلت الدلخ. المريوح: هذا اللي نفسه شينه. وسلامتكم .. وانشالله اكون جمعت اكثر الكلمات الموجوده في الشارع السعودي أخوكم سيف الجزيره

السلام عليكم ورحمة الله وبركاته بصراحة ما ودي أطول الموضوع .. كثير من الناس اللي يشتغلون على الفوتو شوب يحتاجون فلاتر لتحسين أداء عملهم . وبصراحه انا واحد من المبتدئيين بالبرنامج الكبير هذا وعندي مشكلة في جمع اكبر عدد من الفلاتر الموجوده . واتنمىىى من كل قلبيي اللي عنده فلتر كويس ما يبخل علينا فييه واكون له شااكر . وانشالله انا ماراح اقصر أي شي جديد عندي بحطه لكم . الكل راح يستفيد من هالفلاتر بإذن الله . ومنها بعد يكون مرجع للجميع الفلاتر الموجوده ويعطيكم الف الف عافيه

هلا قولدن أي ,, مسأله الأوامر انا اقصد فيها اللي يحب مثلا وش وظيفه امر أو عنده امر مو عارف شلون يركبه وهي أولاً واخيراً هوايه . بصراحه انا مدري عن الأعضاء هنا كم اعمارهم بس حبيت اقولك ان العمر ماله دخل باللي اقوله والانسان يعرف الشين من الزين ودامه داخل النت اكيد بيعرف يفرق والناس اجناس اخوك سيف الجزيره

يعطيك العافيه روفو ,, لو بنتكلم عن الاتصالاات بنتعب والله . اذا فيكم شده نسوي معارضه عند باب الشركه علشان البحث ينقزونا تقول جح , انا اتمنى ان واحد ويتشجع ويفتح شكره ثانيه وتنافسهم وخلونا نشوف وش بيسون . وشكراً

يا زين هالخدود تقول كيستين سمنت ابيض

ههههههههه يعطيك العافيه اختي وان كان عندك البوم عن بلير لا تقصرين نبي نضحك شوي

ههههههه يعطيك العافيه يالاصفر على المشاركه الحلوه هذي والى الامام

مسلسل عبود ( أبوسر ) السلام عليكم تحيه عطره لكل قراء منتدى حرمه الكرام. أما بعد,,, جت في بالي اكتب مسلسل جيد وحلو كله اكشن ( بينعرض على قناة mbc ) وهي طبعا عباره عن قصة شاب مناضل اسمه عبود من بدايه حياته الى يومنا هذا. وانشالله راح يكون على شكل اجزاء. والله يعينا, وانشالله تكون المواضيع تعجبكم واتمنى من الجميع المشاركه والرد عليها. وشكراً لكم ---------------------- الحلقة الأولى: في من يوم من الايام ذات الجو العليل والعصافير تغرد فوق الشجره والبزران يلعبون التبه ( الكوره ) , كان فيه رجال جالس على الدكه رحت بجلس عنده ومنها ناخذ ونعطي بالكلام نضيع وقت , يوم قربت من عنده طلع الرجال اعرفه ومشهور بالديره (....) ويلقب بأبو صلعه (سموه كذا لأن صلعته مميزه من بين الصلعات كلها على الجوانب خنافس وبالنص صلعه خضرا, وهذا طبعا نهاية كل شاب سعودي ) المهم سلمت عليه وجلست جنبه ولا الرجال ضايق صدره , قلتله: سلامات وش فيك انشالله زوجتك مافيها شي. قالي: الله يسلمك زوجتي زي القطو مافيها الا العافيه بس اليوم يوم مهم بالسنه ( عيد الحب ) , انا تنحت وش السالفه متى زادت الاعياد عندنا اللي اخبرها عيد الفطر وعيد الاضحى بس !! اما عيد الحب اول مره اسمع فيه. قلتله: طيب وش يعني؟ وش يطلع ذا عيد الحب؟ جبلها فصفص وعصير توت ابو كيس وانتهت السالفه ( قروي ) : . قالي: لا تستهبل ياخي ترا جد لازم اجيبلها هديه بالمناسبه هذي وانا مطفر ما بجيبي ولا ريال ومستحي ارجع للبيت. والله المشكله شلون بنحلها جلسنا نفكر ونفكر ونفكر ونفكر ( ايه وبعدين ) ومالقينا حل . المهم الرجال راح للبيت وهو ضايق صدره ومنحرج من زوجته الجميله . وهو في الطريق لقى علبه تونه مصديه , شالها وحطها بجيبه كالعاده للفطور بكره . دخل البيت وجت زوجته ( نضال : <--- ترى ابوها ما خذ اسمها من مسلسل بدوي قدييييييييم كان يطلع على القناة الاولى ) كانت المسكينه تنتظر الهديه بس ما لقت بيده شي وشغلت المكينه وبدت تبكي , شرحلها وضعه وبدى ينصب شوي لين ما هدت الاوضاع واقترح عليها انهم ينقزون للسطح يغنون ويرقصون على نور القمر ( جو شاعري ) اييه بدت الحفله وغنوا اغاني زمان : فوق النخل فوووووووق يابا فوق النخل فوووووق <--- اغاني عراقيه للمعلومه . وقضوا ليتلهم بالاغاني وكل واحد ينسي هم الثاني. (فيهم عرق طقاقات) وفي الصباح الباكر صحت الخاتون ( نضال ) من النوم ووجها تقول شرخ توه منفجر وراحت للمطبخ تجهز الفطور لبعلها. وهي تحوس بالمطبخ سمعت صوت من الدرج ؟!؟ استغربت قالت لا يكون كالعاده فار ولا شي, فتحت الدرج ولا المفاجأه !!!!!! قامت تصايح منهبله ما تدري وش تسوي, بالوقت هذا صحى ابو صلعه من النوم مخترع يحسب زوجته انحرقت رفع يده للسما وبدا يشكر ربه , راح للمطبخ ولقى اللي ما توقعه ولا فكر فيه لقى بزر طالع من علبه التونه ؟!؟!؟!؟ يالله تخيلوا ( فيلم هندي ) سحر ولا وشو ؟! بس موب أي بزر مميزات والله ( عيون خط ومربرب ومتعوب عليه ) , فكروا وش يسون فيه يرمون ولا وشو بدى ابو صلعه يحك براسه والشرار يطلع منها على كيفك كيفك, خربت نضال جو التفكير اللي كانوا فيه بسؤال: شرايك نخليه ولدنا ؟؟ ,سكت ابو صلعه ما قال شي خاصه انهم مساكين ما يقدرون يجيبون عيال . تشاوروا بالموضوع والرضا كان هو الجواب فقرروا انهم يربونه. في اليوم الثاني قالوا مايصير نخليه كذا لازم نسميه بأي اسم قال نضال نبي نسميه اسم قائد او شي كبير بزمانه ( انا نصحتهم يسمونه ا ح ب 6 6 6 ويربونه واذا غلت اسعار اللوحات اللي كل يوم نشوفها بالجرايد يبيعونه ) بعد تفكير عميق من الاخ ابو صلعه جا اسم عبود فيه اول الاسامي حيث ان عبود اسم البنشري جارهم ( ونعم الاختيار ) فسموه عبود. -------------------------- = بعد 10 سنوات = كان عبود الولد الوسيم يلعب مع ربعه ( ريهام, توتو أبو عضلة, أبو عميل, الفقمه, فتى البلكونة, ... الخ ) < هذي القابهم ما ودنا نذكر اسامي الله لا يبلانا و طبعا كل واحد له قصه خاصه مع عبود > وهم يلعبون بأخر العاير ( اخر الشارع ) لان ابو عبود كان زيدي وعبود كان بخاري ما ادري شلون جت بس شغلهم بالبيت كله تجميع . المهم كانت عند عبود عاده غبيه اللي هي كل خمس دقايق يمسك واحد يقوله تعال ابيك بسر وهو ماعنده الا الخرطي مسوي فيها ابو مازن كل يوم اجتماع مع رؤساء الاحزاب . المهم مع الوقت مسكوها عليه ربعه وقاموا ما ينادونه الا ب ( عبود ابو سر ). وبعد كم سنه من القصه هذي اختلف العلماء في سبب تسميته ب ( أبو سر ) فكان جزء منهم يقول لانه عنده اسرار واجد زي ما شرحنا لكم قبل شوي . والجزء الثاني وهو مذهب الخوارج ( وين وين انا رحت ) يقولون ان السبب ان عنده سر تقول بانيو كبير . اعزائي انشالله تكمله القصه في الاجزاء القادمه, ترقبوا عبود أبو سر في الخارج للسياحة. وشكراً أخوكم سيف الجزيره مسلسل عبود ( أبوسر )

والله انك صادق يا طلال ذا ( ابو سر ) داهيه مشكور على مشاركتك اخوي سديراوي بس ما اتوقع ان السالفه كذا اخوكم سيف الجزيره

من عيوني حبيبي غالي والطلب رخيص بعلمكم على كل شي بالصور بعد علشان يكون الشرح شامل ووافي بس انتظر تصلح العله اللي عندي لاني ما اقدر ارفق صوره مدري ليش المهم ماعلينا --------------- البرنامج طبعا يتنزل عن طريق الموقع التالي http://ftp.newnet.co.uk/pub/mirrors/mirc/mirc603.exe نزلوه عندكم على ما تضبط العله اللي عندي

السلام عليكم ورحمه الله وبركاته ,,, هذي أحد مذكراتي مع الشاعر الفطحطل امرؤ القيس نجي نشوفها في ذات مساء والطقس غائما الى غائم جزئي والرياح شمالية جنوبية احتمال أن تثير زوبعة رملية ودرجات الحرارة عالية جدا ..وكان مساءا مخيف وعتم والاشجار تئن تحت زمجرة الرياح.. والقمر مختبئ خلف الغيوم وهو في أبهى حلة في ليلة الاربع والعشرون00 تارة يطلع على استحياء وخجل وعلى وجهه غطوة ورأسه شيلة 000وتاره نستحي منه ونعطيه ظهورنا لانه يطلع بالشلحه .. وهلم جرا كنت متكئا في عزبتي التي أقطنها أنا وامروؤ القيس جنوبي الرياض في منطقة يسكنها الاوباش والهنود الاصليين[ على بالنا أمريكا ] الا وهي منفوحة... كنت متكئا على أريكتي الفارهة وفي يدي اليمنى بيالة زنجبيلا والاخرى صامولي00 كنت داخلا جوا شاعريا غير طبيعيا.. وشيشتي ترى مني جفاءا غير مستغربا لما كنت احس بيه من لوعة الحبيب وفراق [ الصحيب ] وامرؤ القيس متمددا على ظهره أشبه مايكون بالبنشري عندما يناظر الصرة من وين تهرب.. وكان في يده اليمنى بيبسيا [بيبسي شفرة مايعرفها الا بعض العرابجه ] وفي يده الاخرى مرآة00 وكان يقحن من البيبسي ويناظر المرآة وقد امتلئ وجهه قهقة قال لي ياسيف يابن أبيك [ أجل ولد جيرانا ] خذ المرآه وانظر من هو هذا الرجل الي قد مر علي زوله وكأنني قد شفته من قبل000 أخذت المرآه أنا لم أتوانى الا وأطلقت قهقة أكبر من قهقهته أشبة ماتكون بقهقة [ أميرة الفضل ] أمحق قهقة .. قال ماذا دهاك ياخ العرب ؟ قلت صدق المثل البنقلاديشي الذي يقول [ أبو طبيع مايجوز عن طبعه ] هذا أنا ثكلتك نينتك[ امرؤ القيس ولد نعمه متربي تربية ملوك ] ها ها ها .... كسر هيبة ذلك الموقف المضحك الجميل00 طارق طرق الباب عندها هببت واقفا كالبغل وقلت قم قامت عصبك يابو القس ..صرف العدة وخبي الشيشة الظاهر إن هذي شرطة أداب منفوحة000 قلت من الطارق ؟ قال : أنا رسول عمر بن هند ملك الحيرة.. يوم سمعت طاري ملك [ جثمت ] على ركبتي وأنا أبكي وأصرخ وأقول والله ما عاد اتعودها !! قال امرؤ القيس : بحنكته وهو يدربي راسه من كثر الشراب على رسلك يابن ابيك أعرفك انت دايم عجل. فتحنا له الباب وقال هذه رسالة من الملك يأمر امرؤ القيس وسيف الجزيره الحضور إلى قصره في موعد أقصاه يومين.. وقفت أنا ولا أكاد أقوى على الوقوف ووقعت كلماته وقع الخناجر المسمومة في قلبي ونزل علي الخبر أشبه مايكون بنزول العربجي في بطن خكري تغيير وجهي وأحمرت عيناي وأشرئب لوني وتدودلت سعابيلي خوف من السلاطين والملوك 000 نظر أبو القس إلى ساعته مليا [ كأن فيه حاجه غلط ] قال شغل حصانك لا وقت للانتظار والا والله ليعضن الملك أذني [ صار عمر بن تايسون حاشا ماصار ابن هند ] انتهى الجزء الاول 00 الجزء القادم من القصه ماذا حصل لسيف الجزيره وامرؤ القيس عند ملك الحيرة000 سلااااااام

الله مير يحيك باركر

والله هالامور قد صارتلي بس مالها الا حل واحد تنضبط وترجع البضاعه وتقولهم شوي وجايكم ولا توريهم رقعه وجهك لمده سنه ----- السؤال: لو طب عليك ابوك وانت تدخن وش تسوي؟؟ (طبعا هو مايدري) اخوكم سيف الجزيره

أجرنا واجرك اخوي سديركم من جد الله لا يبلانا ... بس انتبهوا لا تروحون الا وعندكم واسطه أسألوني اخوكم سيف الجزيره

ليش اخوي روفو ؟؟!! انا اقصد بالسياسة بأشياء تنفعنا وتعلمنا بالاشياء اللي صايرة حولنا موب سب بفلان وعلاان اخوك سيف الجزيره