منتهي

اقول تراي رايح معهم للقصيم بس مدري صورتي ظهرت معهم ولا لا ابيها صورت الغلاف تكفون تراي ذاك اليوم مشخص بنظارات شمسيه عقب صلاة المغرب ومصور مع الدرع بس الله يهاديهم جحدوني وماعطوني صورتي اوريها امي وترى فكرك ممتازه بالحيل

أقول بس تكفون اقرو على لاعبينا المعوذات ترا خطر ينظلونهم في الدرجه الاولى يقولون هناك قصمان يطيحون الطير من السماء اخاف يقصبون لاعبينا بعيونهم وبعدين ترى عندي تبرع 500 ريال سارقها من درج الوالده من اسلمها له واهم شي الاخلاق واللعب النظيف لو مايجينا السنه الجايه الا كاس اللعب النظيف - ولا اكثر ماكثر الله عندنا كسات مساجد حرمه كلهن مربطه بسلاسل نفك منهن ونصف في الدرج اقول كثر الله من امثال الاداريين المتطوعين وانصحهم بالاستمرار مع الفريق والجد والاجتهاد <---- يحسبها اختبارات متأثر

يســـتـــــا هـــــل أخــــلاق عالــيـــــه ومــســـتوى ممــيـــز انـــيـــــق ســـــديـــر

dsjhig,k h hbf'hg ,hggi avt,kh هه وش هالانقليزي اللي داخلن عرض والله يستاهلون الابطال ونبي ياشباب نحضر ونصفق لهم بس يقولون التصفيق حرام يالله المهم الحضور

مالك لوا <------- محترف طاش ماطاش انا جيت واتوقع يجي بعدي عرق الاثله لانه قبل يسهر تالي الليل واعتقد ان سبب سهره الدجه وما تسوي

اقوله : الله من زين الشعر السؤال : ابي اعرف كم عدد شعرات راسك ؟؟

هلا شباب ترى مانمت من البارح كاتب الموضوع في الليل الساعه ثنتين انتسان منيب واهم او ثنتين وربع وهالحين الساعه ثمان او ثمان ودقيقه وثلاثين ثانيه ماجاني النوم قلت ابشوف الشله (شلة الانس ) وش رادين على موضوعي -- هو معجبهم ولا اكتب ثاني الساعه 9 الصبح عرق الاثله اي ضب تسنهن صل الله يحلل الضب عندهن تدري عاد انهن وراثه ابن عن جد وجايبهن ابو حرمة جدي من الزبير وكانو منول مايعرفون يمشون بالنعال !! كل واحد ماسك نعاله وضامهن في ابطه ويمشي حافي !! يعني صدقني ما انكرفن الا معي تقول حلا افااااا اجل الذباب قبل فوق راسي وتسلم على ردك اول نفر انتا في اول نفر رد انا مبسوط فيراني : وياك طال عمرك والمسلمين اجمعين الابداع ردك يالفيراني بس وراك صاير من فصيلة الفيرانيين انا خابر فيه فيران وجراذي بس فيراني يعني تملك وماخبرت احد يملك فيران..ي اقول لاتزعل ترى امزح وانتسانك من فصيلة اللي يزعلون مشكل كتيييييير بس اشوى انت من فصيلة الفيران ..ني <----- ماسكه على الفيراني الله يصبرك علي قل امين اقول يالفيراني ترى ما احب انقل عن احد اي موضوع هالموضوع من دمجتي المحترمه حفظها الله ورعاها وجعلها ذخر للاقلاع والمقلعين

هذي المسحاة بس مدري هي مكسوره ولا من الجدد اللي صنعوها من الحديد شي الاهو شي مهوب شي بس هو شي وشو ترى يستخدمونه في التمثيليات خصوصا المسلسلات المصريه

يسعدنا ويشرفنا رؤية عرق الاثله لاننا لم نرى عرق الاثله من قبل نعم اخواني الاعزاء رئينا الاثله وتسلقناها كثيرا وها نحن اليوم نرى عرقها ونسقيه من دمائنا يعيش عرق الاثله يا يعيش يا يعيش <----- على باله في اذاعة المدرسه منول على العموم ياعرق الاثله تراك مشهور في الاقلاع والمعروف لايعرف وانا الصدق اقرا لك مواضيع اقول ابيك توقع لي على فنيلتي العلاقيه !!!!! ممكن

السلام عليكم وشلونكم وش اخباركم في يوم من الايام جالسين نلعب كوره وامي مغير توايز مع الباب تراقبني لايخطفوني ( زين ) وصويلح ولد الجيران هو واخوه سلوم قاهريني عيال عمهم جايين من الرياض وانا اتمنى اسلم عليهم وهم يقولون لا !! يقولون توسخهم اذا سلمتا عليهم اللي قاهرني اني اول ماشفتهم قعدت اشمشم في ملابسهم واتمسح فيهم بيديني -- بس انا غبي نسيت اسلم عليهم بيدي قبل يجي صويلح !!! يوووووووه ياهم نظيفين ومدري وش حاطين في روسهم يقولون انه جل يوم قالو لي انهم حاطين في روسهم جل رحت لامي وقلت لها ابي اكد شعري وأبي جل مثل عيال عم الجيران اللي جايين من الرياض !!!! قالت امي الله يهاديها مهوب وقت الجح ياوليدي باقي على الجح شهرين ويوم فهمتها القصه قالت ماعندنا الا خل انتسانك تبيني احطه على راسك يمكن تصير مثلهم المهم ما اطول السالفه حطت امي الخل ويوم نشف شعري ولاه كأنه دعلج ينغز ويوم كديته انكسر المشط وسطه وعيا يطلع من شعري رحت لهم وجلسو يضحكون علي ويقولون وشوله المشط قلت هاذي الموظه ياغبيكم !!!كل هذا وريحت الخل فايحهوهم ريحتهم طيب ودهن عود مثل اللي نشمه في الاعياد وبعد شهرين قال ابوي بنروح للرياض وجلست يومين ما انام من الفرحه ويوم وصلنا للرياض رحت اتمشى على رجليني ومافي مخباتي الا ريالين ودخلت على مطعم يقولون اسمه هرفي وانا جوعان قلت لهم ابي بيض مسلوق وكثر الشطه وقام يخربط الفلبيني ولا فهمت من كلامه شي بس اني اشرت له اثنين وانا اقصد ا ن ما معي الا ريالين والرجال فهمني غلط؟؟؟؟ المهم عطاني من هالسندويشات الكبار اللي اول مره اشوفهن في حياتي انا اخبر السندويشه حقت الفسحه صاموليه طويلهومعها جبن مبشور نشفت بطونا من كثر ماناكلها وتعودنا عليها صرنا اذا ما افطرنا عليها توجعنا بطونا !! بس هذولا اللي اسمهم هرفي صاموليهم مدور وغريب المهم دقيت العشتو الين خلصته ودفيته بالببسي الين تغرت وانا اقول الله يديم الرخص الله يعز الحكومه كل هذا بريالين المهم مع الشبعه ابطلع من المطعم ونسيت الزبيريات تحت الطاوله ويوم وصلت الباب ويردني الفلبيني اللي لابس لبس بنات ولاف قماش على خصره تقل بيرقص قلت خير انشاللله قام واشر على الحساب وانا اقول اوف نسيت احاسبكم والله الفشيله بغيت امشي وبس ويوم رحت احاسب ماعرفت اتفاهم معهم بس كل اللي عرفته ان حسابهم 33 ريال وضاق صدري وقلت لهم انا مافي معلوم حساب هذا كلام اثنين ريال وانا اقول جيب بأثنين ريال هوا مافي معلوم كلام انا انا مافي معلوم كلام هوا في مشكل كثير وشوي دخلوني في المكتب الداخلي وجلدوني انواع الكرتيه مع اني شجاع وقوي بس الكثره تغلب الشجاعه وما امداهم يعطوني بقسين مع البطن الا وانا معطيهم اكلهم كله ومعه الببسي ويقوموني من على الارض ويطلعوني برا المطعم وزي مادخلت جوعان طلعت جوعان بس اللي قاهرني ماعطوني الريالين حقتي

المشكله اني مامعي لغات تكفى ترجمها لنا بالسديراوي

ههههههههههههههه هههههههههههههه ههههههههههههههههه حلوه ياعطيب اقول شغالتكم زينه ولا فنسى مثل شغالتنا اقول عطيب تبادلون بالشغالات قل تم ترى شغالتنا سنعه وتطبخ بس فيها عيب واحد لازم تشتري لها مزيل حق العرق كل اسبوع لانها مخيسه بس بعد يومين لقتها امي تسبح بمزيل العرق تحسبه شمبو وابشرك انحلت المشكله

موضوع زينن بالحيل اقول القروي انتسان طقيت عليه القزازه و عطيته منديل طيب الاصبع داخل في الخشم الى وين ؟؟؟؟ حدد لو سمحت

نسيت اقول انه من حمولت التبانا

مسلهمه : وش هالطقس الشين تكفين خلي حسن كراني يبقش عيونه زين يمكن مافيه عج يمكن انه ضباب يبقش يعني يفتح خبير الارصاد الجويه تبين <--- اول مره اشوف خبير ارصاد اسمه تبين اراه مصغر اسمه انتسان قال تبن اكبر وبعدين المملكه كلها فيها كراني ينصب علينا من جهه وجبر الدوسري من جهه اما تبين اول مره اسمع به بس شكله من حمولتن طيبه