القروي

^ ^ ^ ^ ^ قسمن بالله تراي ابعلم أمتس

ههههههههههههههههههههههههه أجل تصافقن هالقوارير في الفريزر في هالبراد يالله لك الحمد وانا أقول من وين جاي ميرندا فروالة منه أثرهم لاعبين بالاجنة وطالعن لأخواله ههههههههههههههههه

مفعوص اللعبة زينة ... بس ماصدقنا نخلص من الدراسة علشان تخلينا نتبع بالانقلينزي في الكي بورد ههههههه اييييييييييه يا أيااام تبع ياولد .. وانا أحط الاصبع على السطر وامشي مع اللي يقرأ ويعرق الاصبع مع الحماس ثم تنمسح الحروف هههه خوش تدريس

عصير ربيع ابو مكاك << ياثقل الطينة هههه << الطينة والا تربة صفراء هههههه<< صفراء والا بيضاء ههه << بيضاء زي القشطة ههههه << قشطة والا زبدة هههههه << زبدة والا حصة هههه << حصة والا فسحة ههههه << طيب ضف وجهك الكلمة هي ... فسحة

وين يبيعونه فيه كمل معروفك وعلمنا مكان نقدر نشتريه منه .. أبيه يخفض ضغط الدم الشرياني عندي والظاهر ان اخوي عنده مرض التقرن الجريبي الجلدي <<< ايه هين .. المهم وين اشتريه منه الله يعافيك

جب خبز صامولي لاخوانك بكرة ولاتبطي << رسالة رقم 8 ( أمي ) رسالة رقم 33 << احراج للي ماعندهم جوال كشخة ههههه

منسم في عين العدو ان شاء الله

للرفع علشاني ابقراه باتسر ان الله احياني

تسلم والله حتى البعوضة تعرف تتنقى الدببه عندنا .. ماعمري انقرصت من بعوضة ... الله من العصاقيل !!!

أبيتس تشوفين لنا وش فيها هالبنت تصيح v v v ياهي شوها بعد أزعجتنا في المنتدى ماعندتس لها رضاعة

ياشين الخيانة هذي نهايتها <<<< واحد أغبى الجميع .. من جد المغازل مهوب زين << احلف

أزين صورة عندي هذي v v v v v لايفوتكم ذراع الأم ياهو مغري صدز

أحد داق علي بيجر ياجمااااعة <<<< قديييييييييييييييييم اتوقع يدخل عقبي راعي حرمة << ياهو أني طموح

شوارع .. <<< ازعاااااج ( بعض الناس ههههه ) كلمتي هي فصفص

يكرتلا هلاقب دنع هيكتم <<< ماكنهم تكارنه في مكه يتهاوشون هههههههههههه

أسمي الاول ... وليد << نصااب بس قسمن بالله كان أبوي ناوي يسميني بهالاسم بس عيا جدي قال هذا اسم خواجات سؤالي : ليه فيه ناس تقل شباب ( كبريت ) ( شخاط ) بسرعة يزعلون وينرفزون ويحسون انهم مقصودين بكل شي ؟

القمر / صورتي هههع انا أقول الكلمة قروي

مهوب عاقل هالعبد شايل خروف هالنجدي فوق راسه تقل عندهم عيد الضحية هههههه

مسفهل أخوي .. هلا بك والله وغلا هالحين اختار لهم رقم براسي والصور متغيرة في كل رقم .. صح والا لا ؟ وبعدين ما أدري الا وانا راعص البلورة والا بسم الله ناطتن علي نفس الصورة اللي بالرقم ماجاب لي صورة ثانية .. ليه طيب ؟ مشكور لكل اللي ردوا .. ملاحظة : عطيته عمري اللي هو ؟؟ ورعصت البلورة ومادريت الا وهو معطيني صورة لصروالي السنة وفنيلتي العلاقية وبالمارية قال لي تراهن الأصيل << قم بس قم ياشيخ جربوا وحطوا أعماركم هههههه

http://mr-31238.mr.valuehost.co.uk/assets/...ash/psychic.swf ^ ^ ^ شوفوا هالرابط بتحصلون مجموعة من الارقام وكل رقم عنده صورة معينة ماعليكم الا الآتي أولا أختر رقم مكون من رقمين مثلا الرقم 80 ثانيا أجمع الرقمين المكونين لرقم 80 يعني 8 + 0 ثالثا أطرح الناتج وهو ( 8 + 0 = 8 ) من الرقم اللي أخترته يعني 8 - 80 واتجه بنظرك إلى الرقم الناتج في الصور وأحفظ الصورة زين رابعا أضغط على البلورة الزرقاء وشف وش يطلع لك كرر المحاولة مع أرقام أخرى ... وش بتلاحظ فبلش << متروع تحياتي لكم

هلا صدى الذكريات أيه عدته .. الاول انمسح مع الخلل الفني شكلك ماقريتا أول سطر بالاحمر هههههه << كاتبه بالاحمر كنه تعليق موجه في دفتر مدرس

كتبت هذا الموضوع وبسبب خلل فني انمسح وأعيد لكم كتابته وأعتذر لو صار فيه تغيير عن الأول لأني مانسخته عندي ولكن الفكرة وحدة !!! الموضوع أولاً أحب أعرف لكم الطاية .. هي مكان نرقى له بالدرج ونصير قريبين من السماء ونقدر نعد النجوم فيها لين يطلع ثواليل في يدينا .. والا تدرون الطاية مكان عالي نقدر نويز منه على الجيران << وش هالتعريف !! وبتعريف دقيق << ( دقيق والا طحين ههههه ) .. الطاية هي السطح حق بيوت الطين بس مايكون فيها دش زي سطوح هالحين <<< الله من زين التعريف !! ثانياً المقدمة حقت القصة ... بيت الدرجة .. أسم يطلق عادة على المكان الموجود تحت الدرجة << ( لا يااشيخ ) وعادة مايكون مظلم وفيه براصي وخنفسان وفي الربيع قد تختبيء فيه الذرانيح . في عصرية يوم الخميس قال ابوي لأمي .. وين شراباتي ؟ .. ورانا اليوم عرس فهيدان ورجليني كلها شقوق ومشق ودي أدهنها بوازلين والبس شراب !! قالت أمي .. والله هقوتي يابوسليمان أن شراريبك << ( جمع شراب ) في بيت الدرجة .. وانا بروح ادورهن لك هالحين .. ذهبت أمي إلى بيت الدرجة لتبحث هنا وهناك عن شراب العائلة حق أبوي ( شراب العائلة شراب اسود ممكن نلبسة كلنا في وقت واحد ويتمطط اذا صارت اصابع رجلينك متتفخة ) .. وأنا كالعادة أتبع أمي وأمشي وراها وأجلس عندها ثم أنبطح حولها على السميت ( السميت عبارة عن تراب قاسي لونه رصاصي غامق ) وأمارس هوايتي المحببة وهي متابعة الذر وكل مامرت ذرة أرعصها بأصبعي ( الذرة نقطة سوداء تمشي في الارض ) وكذلك أمارس هواية تنبيط القعاسي بأصبعي ( القعسي هو عبارة عن نملة بس حجم عائلي ) واذا مرت من عندي جعابة أكون محترم نفسي ومعطيها معاهدة الأرض مقابل السلام ههههه و الجعابة عبارة عن قعسي سمين ولكنها قشراء ماتنتحارش تعض على طول ) .. وبينما كنت ألهو في البراحة صرخة أمي فجأة .. وهي في بيت الدرجة والسبب مرور برصي من قدامها ( ونقطة ضعف أمي البراصي ماتدانيهن ) .. وبأعلى صوتها قالت أمي : وجعة .. بلش يبلش البني ماكنسنها زين ( تقصد مانظفوا بيت الدرجة بأتقان ) . فذهبت أمي لوالدي طالبة منه الفزعة لأنها خافت ودخلها الماء ( يعني خايفة مرررة وجتها أم الركب ) . راح أبوي معها لبيت الدرجة وكان المكان ضيق مرة ويالله ان الواحد يفترك فيه فما بالك اذا دخلوا اثنين ... ومن هنا بدأت القفشات والمزحات بين الوالد والوالدة خصوصاً الوالد وأنواع المصالة السديراوية .. كل ما هزعت امي تدور الشرابات نغزها مع جنبها وقال : عععووووووو << مصاااالة .. تقوم أمي وتفز وتقول : هااو .. انهبلت يا بو سليمان ؟ ( هااو = كلمة تعجب تطلقها الحريم السديراويات بكثرة أيام الصيف لكثرة السواليف اما الشتاء فيكونن قافصات من البرد ) ويكرر أبوي هالحركة .. وأمي ترد بنفس الجملة وعلامات التعجب بادية على محياها ( بادية والا تبسي كه كه كه ) بعد هالمصالة من ابوي طلعت أمي من بيت الدرجة وهي زعلانه وفي رواية أنها تتغلى .. فقامت بحركة سريعة بنسف شعرها من فوق جبهتها على وراء وبنظرة سريعة لأبوي وابتسامة جعلت ضروس العقل حقت ابوي تطلع من مكانها .. فقال أبوي .. يووووه يالعروس يااهي تذكرني بمنول وليلة دخلتنا .. تذكرين ؟ قالت أمي وهي تمس في ثوبها من فوق لتحت ( مدري هالحركة أغراء والا تكوي فيها الثوب ههههه ) ورفعت يدينها ورعصت شعرها علشان تبين الفرقة اللي في النص لين طلع حد شعرها النازل جنب عيونها تقل حرف ثمانية بالزبط .. عندها أصدر أبوي آآآهات متقطعة كنه مكينة قامت تنتع خلص ديزلها ههههه . . وقال بلهجة مرتبكة وحروف مبعثرة : قووه نروح ننام في الطاية .. الليلة براد يالله لك الحمد !!!! <<< هذي كلمة السر ههههه بينهم علشان ما أفهم !!! رقت أمي للطاية بتفرش المطرحة ( المطرحة شي فيه قطن منتفخ ولونها خضراء وفيها ورد أحمر صغير ومع الاستعمال المستمر يطلع فيها خرايط مدورة من سوء الاستعمال .. والدوائر اللي يسببها الولد تصير عادة فوق .. ودويرة البنت تصير تحت هههههه ) .. يوم شفت أمي في الطاية رقيت ودي أساعدها وهي تصرفني وأبوي كل شوي ينادي ويقولها : هاااه أنجزي خليني انهج واروح للزواج وانا شاتر .. وهي ترد بصوت منخفض على غير العادة : وه .. وه .. يابوسليمان .. أبتلشت بهالمقرود عندي ( اللي هو أنا ولا فخر ) بعدها صرخ أبوي بقوة وقال : يا ولد أنزل تعال يالهيس الاربد .. أنزل ورح جب لامك واخوانك خبز من المجمعة على رجلينك ( قمة الظلم ) بس برضة كان عندي أصرار بالجلوس ومساعدة أمي ... قالت أمي : أبيك يالقروي تسد فتحة المثعب ( المرزام ) بقطعة القماش لايجلسون هالشياب يطلطلون علينا ( المثعب = هو خشمي هههه أبوي دايم يقولي انت وخشمك هاللي غادي كنه مثعب قبلة يصب ههههه فتخيلت ان المثعب هو خشمي هههههه .. عاد الصدق المثعب = او المرزام وهو خشبة أو حديدة ملصوقة في الجدار علشان تصرف موية السيل من الطاية .. ) وسبحان الله من سديت فتحة المثعب ( المرزام ) أسمع صوت الشياب في السكة ( يعني شارع ترابي مابعد زفلت عرضه مترين ونص ) وكل ما مر شايب قام يتنحنح : أحم .. أحم .. أنهج علينا يابوسليمان لاتصيف على العرس << كنهم دارين وش بيصير .. وكل شايب اذا شاف فتحة المثعب منسدة بقطعة قماش عرفوا أن الدعوة فيها إناااا .....وجلسوا يتنحتون وينظلون ( ماتشوفون اشباهنا مغلفصة كله من العجلة ههههه ) .. وأمي كل ما مر شايب وتنحنح وقال أنهج علينا يا بوسليمان .. قالت : وجعه !! لو عطس الواحد كان سمعوه .. بلشة تبلش هالمشافيح !!! رقى أبوي للطاية أخيراً ... وقال لي : يا وليدي رح الله يصلحك جب لنا خبز .. قلت طيب !! وسويت نفسي أنزل مع الدرجة بس جلست وتوزيت أبشوف وش عندهم يصرفوني !!!!!! قال أبوي لآمي : وش هالزين ماشاء الله .. يازينتس يام سليمان حاطة حنا وديرمة وكحل يخلي قلب الواحد يرتجف تقل مكينة فورد هههه . ردت أمي وهي ترفع شعرها وتحط جديلتها على كتفها كحركة إثارة : وه .. يازين حتسيك بعض النوبات !! أبوي : يازين السماء صافية والنجوم كثيرة والقمر قمرين فيذا واحد وفي السماء واحد .. وين المطرحة خلينا نرقد قبل لا يجي هالمقرود ( اللي هو أنا ) أمي : ترا الشياب أبحلونا بالتنحنح .. وكل شوي يقولون أنهج يابوسليمان لاتصيف على الصلاة .. تنكد أبوي .. وقال هذولي بينكدون علينا ويبي ينظلونا .. مشافيح ماهمهم الا متابعة خلق الله .. وبينما كان أبي وأمي يتبادلون أطراف الحديث ... مر شايب وتنحنح وقال بصوت عااااالي مسموع : لاتنس الدعاء .. اللهم جنبنا الشيطان وجنب الشيطان مارزقتنا .. بعدها تنرفز أبوي .. وغلدم .. وعصب .. والظاهر أنه سوى كل شي بعجلة ونرفزة .. وكل شوي يقول لآمي : لاتعدين النجوم غمضي .. تجلسين تعدين النجوم ويجي ولدنا ثواليل في يدينه ... وبعد فترة هدوء لم أسمع أي صوت ولا حركة .. قلت وين راحوا ؟ وناديت بصوت عالي : يباااااااااااه .. يمااااااااااه .. وينكم ؟ وأطل عليهم وحصلتهم متلحفين وطالع طرف راسهم وهم يناظروني وقال أبوي أنزل يالوح رح خذ من مخباتي خمس تريل ( 5 ريال ) ورح لدكان الترتسي واشتر لك ببسي وحلاو وفصفص .. قلت وش عندكم متوزين عسى مافيه عقرب ؟ أجي أشوف ؟ قال أبوي : والله لالوحك بهالعصا يالهيس الاربد .. رح طس من قدامي .. قلت : طيب تعال .. تقدر تقوم هههههه !! بعدها ذب علي المثعوبة وصحكتني مع جبهتي وأنحشت !!! ( المثعوبة عبارة عن جيك بس معدن ... يستخدم للوضوء ) !! بعدها نزلت ... وخذت من مخبات أبوي خمس تريل ... وطلعت للدكان ... والآن .. وبعد هذه السنين .. كبرت وعرفت كم كنت بثر مع أبوي وأمي .. وكنت سبب رئيسي في أشباه أخوي الصغير ( ثمرة ذيك الليلة ) حيث أثرت نفسيت أبوي على الانتاج وكنت انا والشياب سبب في أشباه أخوي اللي كل من شاف وجهه قال ( وجهك وراه تقل عصر الجمعة ) .. مايستفاد من هذه القصة : التروي .. والروقان .. وسعة الصدر .. أسباب رئيسية لتحسين الإنتاج !! والدليل شوفوا الفرق بين أشباه عيال منول ( وانا منهم ) وشوفوا أشباه عيال هالوقت ( تقل دوافير ) !! تحياااتي لكم ... وأسف على الإطالـــــــــة !! وش رايكم بالتسطير والتلوين ذكرتوني بالمطالعة منول

القروي : 200000 ريال يبيها سلف الله يعطيهم العافية ويزيدهم من فضلة مشكور الوايلي

ايييييه يادختورة .. فيه ناس يقولون عني ملقوف ههههههه وش أسوي بهم ؟ << يحب المطاق المهم .. أنا مشكلتي أني حاولت اتعلم انقلينزي وجلست أكثر من خمسطعشر سنة أدرس دورات ومع ذلك مافهمته ولا عرفت له .. ويوم أني رحت لدكتور نفساني .. قال لي أؤل السبب يابني .. فدفد ( فضفض ) : قلت له والله يادكتور الظاهر أن انحن عائلة مهيب مرتبة وقطن هاللخبطة اللي براسي من هالحوسة .. ودلينا ننام بدري وهمين ننام في العصر .. غدينا نطلع ذهينين وشطار فيذا المدرسة .. قاطعني الدكتور وقال : أطن !! << ( قطن بس بالمصري هههه ).. انحن .. دلينا .. همين .. غدينا .. فيذا .. أوم يابني ربنا يخليك لأهلك دنا مش فايئ لك ولا شوف خلئتك مرة تانية .. وكمان عاوز تتعلم انجليزي ؟؟ وبعدها تعقدت من الحياة .. وش الدبرة ؟

الدافورة هع هع هع كم عمرك ؟