ابو صــويـر

ههههههههههههههههههههه والله انك مصرقع ياخف دمك وحتى لو صار ملطوش والله موضوع حلو تسلم يمينك يالمصرقع

لا ان شاء الله جعلهن مايسوقن ... الحين وهن مايسوقن شف المشاكل والمعاكسات أجل وش بيصير أذا ساقن .... الله يحفظ شباب وشابات المسلمين من الفتن ....

جزاك الله خير على هذا النقل المبارك

*** أحاســـيس مصوره ***

قعيسي حرمه ... مشكور على ردك الزير ... الرائع مرورك على الموضوع وهذا شرف لي الجريح ... عفوا ومشكور على مرورك

ياهلا ومسهلا ......... هذي الساعة المباركة الي نشوفك معنا ياخيي الجريح ...... والله مابغيت تجي .... نور المنتدى بتسجيلك عاد أنهج علينا بالمواضيع الحلووووة الي عودتنا عليها

ابو الفزعات والله كلامك رااااائع ... وانا أوئيدك

ياهلا ومسهلا الله يحييك ,,, لنا الشرف بتسجيلك معنا وننتظر مواضيعك

هههههههههههههههههههههههههههه والله انها خبال مسيكين سعيدان ماتهنى بحبه لكن الله يعوض عليه كل التشكرات للمبدع المصرقع

ألف شكر للأخ حلوووس على الموضوع

... السلام عليكم ورحمه الله وبركاته ... الى أخواني الشباب .. نحن نعلق عليكم الأماني .. أقول لكل واحد منكم * أما أخواتي .. بنات حواء .. أتعرفن أين يكمن جمالكن ؟ * الى كل من اسودت الدنيا أمام ناظريه .. وشرع اليأس بنسج شباكه على قلبه أقول له * الى من سار في الدنيا بلا هدف .. و سمح للحيرة أن تمسك بزمام حياته .. أقول له * أحبتي.. إني دا عي فأمّنوا : اللهم ارزقنا هاتين العينين * و أخيراً أقول لكل من أسدى لي معروفاً .. _______________ أسأل الله العلي العظيم .. أن يظلنا بظله يوم لا ظل الا ظله .. .............. مع تحيات / ابو صــويـر ...

سبحان الله .... موضوع رائع

جزاك الله الجنة

بوركتي يا بنتها ........

السلام عليكم هذا مويضيع على الطاير في زحمة الإمتحانات .... وتعرفون الواحد تحلى له المواضيع في وسط الاختبارات ..... -------------- وانا قاعد أتصفح أحد المجلات .... شفت صفحه طلبات الزواج .... ويابخت من وفئ ( وفق ) راسين بالحلال .... وطنط عنايات الخطابة ... الخ من اسماء الصفحات ولكن المضمون واحد ..... وهو وضع طلبات الزواج ..... قلت ابقلدهم .... واسوي لي صفحه صغيره مره لكن إنشاء الله إن فيها فايده .... يالله نبدأ ...... الطلب الأول ... الطلب الثاني ... الطلب الثالث ... تحياتي لكم ابو صـــــويـــر ...

هلااااا والله ومسهلاااا يحييك ربي ..... توه ماينور المنتدى ..... وعجل علينا بمواضيعك المنعفطه

أبها: عبده الأسمري تمكن أعضاء هيئة الأمر بالمعروف والنهي عن المنكر في محافظة خميس مشيط بواسطة مركز هيئة العزيزية صباح أمس من القبض على ساحرة من الجنسية الوافدة وصفت بأنها أكبر ساحرة تم القبض عليها في منطقة عسير حتى الآن وذلك بعد متابعة وتحريات لفترة طويلة تجاوزت العام بعد متابعة هذه السيدة وهي تتردد على المشاغل النسائية وبعد جهود مكثفة تم القبض عليها أمس بالتعاون مع الشرطة أثناء وجودهم في المنزل بحي أم سرار في خميس مشيط وتم العثور على أدوات متعددة للسحر والشعوذة إضافة إلى طلاسم غريبة ومتنوعة لأغراض السحر وتم جمع المضبوطات وتحويل المرأة إلى مركز هيئة العزيزية لاتخاذ الإجراءات اللازمة ومن ثم تحويلها إلى الشرطة لاستكمال إجراءات التحقيق معها. وتم تحرير محضر بالمضبوطات ووجدت حوالي ألف ساعة يدوية نسائية وعدد كبير من الملابس الداخلية وشعر مستعار وأطياب مختلفة وأنوع متعددة من البخور وأكثر من 82 نوعا من المساحيق وحروز وطلاسم سحرية وأشرطة وأفلام خاصة بكتابة الطلاسم السحرية ومحابر خاصة لهذه الأقلام وعدد كبير من المسابح والتي تستخدم في أغراض السحر والشعوذة. وأوضح رئيس هيئة خميس مشيط علي بن صالح الشمراني أن القبض جاء بعد جهود مكثفة لأعضاء الهيئة بتوجيهات من المدير العام لفرع الرئاسة بعسير عامر العامر وبعد التحريات اللازمة تم ضبط الساحرة ومعها الأدوات المستخدمة مشيرا إلى أن أعضاء الهيئة يواصلون أعمالهم للقبض على السحرة ومتابعتهم والقضاء على هذه الظاهرة الخطيرة. من جانبه أكد رئيس هيئة مركز العزيزية حسن هتشان القرني أن الساحرة من المحترفات لهذا العمل السيئ مشيرا إلى أنها تستخدم أعمال السحر في أغراض التفريق بين الأزواج وسحر المحبة والشعوذة وإيهام المرضى بعلاجها لهم حتى إنه تم ضبط شعر فتيات محاط بقفل وقد تم ضبط مبلغ 2500 ريال معها إضافة إلى جهاز جوال مشيرا إلى أنها من السحرة

أثابك الله .... وبارك فيكي ....

هلا ومسهلا ...... نورتنا يالغالي ......

كان يا ما كان كان هناك شخص يدعى علي بن لبدان المهم علي بن لبدان هذا كان كل امنياته في الحياه انه يصير شيخ قبيله لكن ما فيه مقومات وما احد بيعطيه مجال لان الشياخه لها ناس واخرهم علي بن لبدان بعد ما يأس من الشياخه في قبيلته قال يا ولد انا بافصل لي جنبيه زي حقت الشيوخ واكتب عليها الشيخ علي بن لبدان المشكله ما فيه دراهم قام باع الغنم كلها علشان يفصل الجنبيه(الحلم) فصل الجنبيه وكتب عليها: الشيخ علي بن لبدان قاتل ميه ومعتق ميه علشان الشياخه تكون على اصولها المهم طق في الارض بعد ما باع كل شي علشان هذي الجنبيه هائم على وجهه لا فرس ولا حتى حمار ولا قليل ولا كثير ومشى وابعد عن ديرته بعيييييييييييد المهم من كثر التعب جلس تحت شجره ونام خ خ خ خ خ وهو نايم الا ويشوفونه مجموعه رجال جوا قربوا منه وبدون ما يحس طالعوا فيه طالعوا في الجنبيه: الشيخ علي بن لبدان قاتل ميه ومعتق ميه الله يكفينا شره هذا ماهو بسيط هذا مطلوبنا هذا اللي بيحل مشاكلنا المهم صحوه برفق ولين شيخ وقاتل ميه يعني العفاشه ما تنفع معه المهم قام الشيخ علي خير وش فيه (من الخوف طبعا) هم : لالا ابدا بس قلنا تتفضل عندنا هنا يا شيخ علي هو: هاااه الشيخ علي طيب طيب (اول مره يسمعها في حياته) هم : تفضل تفضل المهم راح معهم قهووه وغدوه وريح وقيل عندهم وقالوا له روس القبيله عازمينك الليله على العشاء وطلبناك ان تقول تم قال تم تم المهم اجتمعوا وتشاوروا قبل ما يجي الشيخ المزعوم ويوم جا وتعشى واللي عليه بالخير قالوا له العلم سلامتك حن قبيله ضعوف ما عندنا فارس ولا عندنا شيخ وقطاع الطرق ذبحونا ما يمر يومين الا وهم داخلين عندنا ياخذون اللي يبغون من حلا لنا وحن لا حيله ولا بصيره لمعت عيون الشيخ علي من الفرح قالوا له اسمع حن بنحطك شيخ لنا كلنا طبعا الشيخ علي على طول قال انا موافق(حلمه القديم) قالوا بس فيه شروط الشيخ علي يتمتم :انا لله وش شروطه؟ طيب وش شروطكم قالوا فيه ثلاثه اختبارات ان نجحت فيها تاخذ الشياخه وان ما نجحت فما لك عندنا الا ضيافه ثلاثه ايام الشرط الاول اختبار الفروسيه والقتال الشرط الثاني اختبار الشجاعه الشرط الثالث اختبار الذكاء المهم فكر الشيخ علي شوي وهو عارف ان ما فيه ولا شرط ينطبق عليه قال يا ولد خلني استفيد قدر المستطاع على الاقل اذا جاء اختبار الفروسيه اخذ من عندهم فرس واحط رجلي قال لهم انا موافق قالوا اختبار الفروسيه بكره جهز نفسك جاء اليوم الثاني قال انا جاهز قالوا له نبغاك تقاتل قطاع الطرق وترهبهم علشان ما عاد يرجعون لنا قال طيب بس ابغى فرس متعوده على الكر والفر قالوا جاهزه والسلاح جاهز طبعا الرجال عمره ما ركب خيل قال ابغاكم تربطوني على الفرس ربطه ما تنفك ركب الفرس وربطوه ربطة الشر اخذ سلاحه قال وينهم قال في الجهه الشماليه قال طيب وراح يوم ابعد وهو يفرك جهه الجنوب ومشى الا والله ان قطاع الطرق قدامه ويوم تشوفهم الفرس وتقول بسم الله وعليهم والشيخ علي يحاول ينزل يمين شمال يحاول يوقف الفرس ما فيه فايده رايحه لهم رايحه وهو مربوط ربطه شينه وهو يطالع الا شجره قدامه ويوم وصل جنبها وهو يتمسك بها مضبوط لكن الربطه كانت اقوى وهو يقتلع غصن كبيييييير ويوم شافوه قطاع الطرق وبيده الغصن الكبير هذا وطريقته في اقتلاع الغصن خافوا منه وسلوموا واستسلموا قالوا هذا الداهيه عزا الله بيذبحنا كلنا اللي قلع ذاك الغصن وراعي هذا الهجوم الخاطف ما لنا الا نستسلم يوم شافهم الشيخ علي مستسلمين قال يالله يا كلاب واحد منكم يربط البقيه والا والله لاذبحكم ذبح الشاه المهم ربطهم كلهم وسحبهم وراح للقبيله وهم قدامه مربوطين زي الغنم ويوم شافوا القبيله قطاع الطرق مربطين قالوا عزا الله شيخ ولد شيخ ويفكون الرباط اللي مربوط فيه على الفرس ويهنونه ويكرمونه ويريح الشيخ علي وهو يقول في نفسه راحت الفرس ورحت انا فيها جا اختبار الشجاعه قالوا له فيه اسد دايم ياكل حلالنا ونبغاك تقتله قال هاه اسد عدلوا بدلوا قالوا اسد قال طيب اتركوه عليه بس ابغى فرس بس غير الفرس هذي (ما تنفع له يبغى وحده حبيبه ما هي حقت مشاكل) قالوا طب وتخير يا شيخ علي المهم لقي وحده هناك شكلها ضعيفه مالها في المشاكل قال هذي قالوا يا شيخ علي هذي تعبانه ما هي حقت كر وفر وانت بتقابل اسد قال انتوا تعلموني الكر والفر وبعدين من هو اللي بيقابل الاسد انا والا انتوا قالوا خلاص يا شيخ علي انت ادرى المهم اخذ الفرس التعبانه ويوم يبغون يربطونه قال لالالا(خايف من الورطه القديمه) كل معركه ولها طريقه اخذ الفرس الحبيبه هذي وتوكل من وين الاسد هذا اللي يطلع لكم قالوا من الشرق قال طيب خلاص ازهلوه ويوم ابعد وهو يروح غرب مشى وهو يقول: قالوا اسد مجنون انا؟ ومبسوط من الفرس تمشي على اقل من مهلها مشى الرجال الى ان تعب وهو يشوف ذاك الشجره الكبيره قال اريح هنا المهم ربط الفرس وطلع هوه فوق الشجره ونام شويه الا والاسد محضر الله لا يوريكم الشجره هذي بالذات محل ما يتكي الاسد الفرس من يوم ما شمت ريحة الاسد وهي تحط رجولها وتعود لاهلها والشيخ علي نايم في سابع نومه نام الاسد والشيخ علي ينقلب ويطيح على ظهر الاسد وينفر الاسد لكن الشيخ علي من كثر الخوف تمسك مضبوط لانه عارف انه لوطاح انه بيروح فيها ويحاول الاسد يطيحه يحاول لكن الرجال متمسك مسكه خواف يعني متسمر فيه ويحاول الاسد يطيحه يمين شمال ما فيه فايده الرجال مسمر ولا هو ناوي يفكه المهم وبينما الصراع (صراع من اجل البقاء) قائم بين الشيخ علي والاسد القبيله هناك بعد ما رجعت الفرس عرفوا ان الشيخ علي تعرض لمكروه وهم ينفرون كلهم ويلحقونه ويجون الا والله الشيخ علي متمسك بظهر الاسد والا سد يحاول يطيحه ويجي واحد من القبيله ويقتل الاسد ويطيح الاسد ويموت والشيخ علي متسمر فيه ويجون عنده الا وهو زعلان مررررررررره زعلان قالوا الحمد لله على السلامه يا شيخ علي قال الله لا يسلمكم قالوا ليش قال من اللي قتل الاسد قام واحد وقال انا قال الله لا يوفقك قالوا لييييييييييييييييييييييييييييييييش؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟ قال انا كنت قاعد اروضه ابغاه ركوبه لي وتجي تقتله حسبي الله عليكم المهم اعتذروا منه وتسامحوا منه والرجال يسامحهم وياخذونه ويرجعون على القبيله ويعشونه ويحتفلون به الفارس العظيم مروض الاسود المهم هو يفكر يقول راحت علي الفرس لانه عارف انه ما بينجح في اختبار الذكاء لان ما فيه مجال للحظ في هذا الاختبار جاء موعد الاختبار النهائي اختبار الذكاء المهم جابوا تنكه وحطوا نصها عسل والنص الثاني الله يكرمكم (بعر) وغطوها وقالوا يالله يا شيخ علي تقدر تقول لنا التنكه هذيك وش فيها المهم الرجال قعد يفكر في وضعه لانه عارف انه ما راح يعرف يفكر كيف الكرم اللي كان فيه والامجاد اللي عاشها اليومين اللي راحت مع هذا القبيله اللي نادوه باغلى اسم عنده وهو الشيخ علي فكر فكر وكيف بيكون وضعه بعد ما يروح من عندهم وهو يتكلم مع نفسه وهو يتزفر زفرات من قلبه وبدون ما يحس طلع من لسانه جزء من الشي اللي يفكر فيه قال : اللي اوله عسل اخره( بعر ) كلهم صاحوا صح صح جبتها يا شيخ علي وهم يحتفلون به وهو ما يدري وش السالفه الا بعد ما فتحوا التنكه واخيرا تحقق حلم الشيخ علي واصبح شيخ قبيله وسلامتكم مع تحياتي للجميع

سديراوية في التجنيد ,,, أدخلي هذا الرابط وبتعرفين السالفة http://harmah.org/index.php?act=ST&f=11&t=1039

هذا الكلام لايقال في هذا المنتدى ,,,,,, أرجوا من المشرف العام حذف الموضوع لما فيه من سب وشتم ,,,,, النقاش لايصاغ بهذه الطريقة ,,,,,

يكثر في فياض الصمان الابل لكبر المساحه وحسن المرعى وكثرة الربيع وقت الامطار(الله يجيب السيل) وايضاً وجود الدحول التي تختزن الماء في الصيف (الدحول : جمع دحل وهي الحفر العميقة الملتوية في الأرض وتكون في اماكن منخفضة من الأرض تنحدر السيول فيها اثناء موسم الامطار) من هذه الابل حاشي مراهق ممشوق القوام ابيض اللون كثيف الشعر على الرقبة والحلق والرأس وذروة السنام يمشي متبختراً بجماله كل همه يتندح بين هالنياق الصغار خاصة (البكار) ويضمنها لا هيئة ولا شرطة ، المهم مرّت الايام وهو على هالحال همه أكل وشرب وغزل في هالنياق يوم جا ذاك اليوم على عادته الى هاك الناقه واردة الماء وتبي تشرب وماقدرت قال هذي فرصتك وقم وافتح لها حنفية الوايت كلها قال: اشربي لعن ابو الفقر لا تروحين للدحل وانا فيه على غير اهلها ماتجيب راس مالها. شربت لين رويت ومسحت شفايفها بمنديل عشان مايتلعوط الروج وقالت الله يعطيك الف عافيه توني زملة من نزلة هالدحل وعلي هالخف الكعب يزلّّق قال الحاشي على شانك تحملت الصعايب ** اذوق المر لأجل رضاك حالي ابتسمت الناقه وصكّته بذيك النظره اللي بغت تجيب اجله تنهّد وقال الله اكبر كيف يجرحن العيون ** كيف مايبرى صويب العين ابد احسب أن الرمش لا سلهم حنون ** واثر رمش العين ماياوي لاحد يوم روّح لي نظر عينه بهون ** فزّ له قلبي وصفّق وارتعد ضحكت الناقه ودرت انها لعبت في مندوبه عطته وراها ومشت على هونها وهي تومي بذيلها يمنة ويسره وقلبه يروح يمين ويسار قال آآآآآآه وانعطف هاك الشعر فوق المتون ** وانثنى عوده وقفى وابتعد طال الليل على خوينا الحاشي متى يجي الصبح؟ كل شوي يطالع في ساعته الريموندويل ماصدق اانه يسمع صوت الراعي يذّن طمر من محلّه وراح يدور عند الشبك وهو يطقق خفوفه طبعاً ماله أصابع ويروح ويجي لين طلع النور وجاالراعي وفتح لهم هو يقاله صغير والا الأبل مايصّك عليها ماصدق خبر وراح عند الوايت يحتريها تشرب جا الراعي قال : خير انشاالله وش جايبك انت وخشّتك كل ذا ضما؟؟ تلعثم الحاشي قال : هاه لااا أبد مافيه شي بس طاح كبكي امس هنا وجيت ادوره قال الراعي : اقول بلا استهبال كبك وانت عليك ثوب ساده يالله ظف وجهك مع البعارين لا ألكمك لٌقّط وجهه خوينا وراح قال: خيره انها ماسمعت وش قال لي الراعي كان طحت من عينها ولا عطتني وجه المهم وهو يكلم نفسه الا هذي رفيقته تقابله يوم شهق من الفرح ( أمّا بعير يشهق كثّر منها) وقال كفاني عذاب الله يجازيك بافعالك ** جرحت الضمير ولا طرالك تداويني ضحكت الناقه ذيك الضحكة اللي شلعت قلبه وقالت ياعل قلب ماشكا الحب والتاع ** تنهار من فوقه محاني ضلوعه ياما نهيت القلب لا شك ماطاع ** ماطاع يدله والليالي تلوعه أثر الموّلع دمعته تجرح القاع ** والى ذكر مافات هلت دموعه الحين تاكد الحاشي انها تبادله نفس الشعورارتاح خاطره واسفهلّ وماعاد خذته الدنيا. مرّت الايام وكبروا وكبر حبهم معهم ،يلتقون كل يوم ويتبادلون المشاعر والاحاسيس وفي يوم من الايام وهم قاعدين على ذاك الطعس الا يوم مرت ذيك الناقه العفراء طيّّر عيونه رفيقنا مشبّّه عليها مهوب قصده شي! انتبهت له الناقه خويته وطمرت من محلها قالت خلها تنفعك الله يمّليك بركتها انتبه خوينا انه اخطأ ولحقها وقال: وّقفي اشرح لك الموضوع التفتت عليه وقالت مدام قلبي لك شفوق وميلاف ** وراك ياخلي قليل المروفه قلّي عسى مابه على الخاطر خلاف ** عسى حبيبي ماقصر دون شوفه لا لا تعسر القلب في كل محراف ** واحذر يجي عقب الموده حسوفه دوك الدموع بحاجرالعين وقّاف ** لاانت بماسكها ولاهي ذروفه تحسّف ابو الشباب ودرى انه غلطان وانه زعلها رد عليها وقال لك حق تزعل ثم لك حق نرضيك ** مااقوى زعل حبيب قلبي وعيني مدام قلبي ياريش العين مغليك ** اطلب ولك روحي ومافي يديني يوم الله احسن صورتك خصّني فيك ** فيك الجمال وصادق الحب فيني وقفت وتبسمت وارتاح خاطرها وهو تنهد قال هاه طاح الحطب ؟ قالت اه ياااني لو كنت أأدر اسيبك (شويكار مهيب ناقه) وعاشوا في سبات وتبات وخلفوا حواشي وناقات

هههههههههههههههه الله يقطع بليسك يالمصرقع ,,, بس والله حركة الصور