مجنون حصه قام بنشر May 31, 2004 ارسل تقرير Share قام بنشر May 31, 2004 كان ضايق صدري وقلت لامي وش رايتس نسافر لسوريا نشم هواء ( رومنسي الولد ) قالت امي قداااااام قمت وحجزت لسوريا انا وام الشباب <----- يمون الولد مالكم في الطويله ابختصر السالفه وصلنا سوريا واستقبلنا واحد شنبه يوقع عليه الغراب أثر امي اعجبها الشنب قالت هذا الرجال اللي مهوب انت يامجنون حصه شنبك يوقع عليه الذباب قلت هالمره ابمشيها لأمي تتريق ام الشباب عشانها فرحانه بسوريا ويوم وصلنا للشقه مار اغير ملابسي واقول للوالده ارقدي يا اميمتي الين باتسر الصبح ونروح نتمشى وانا ابطلع اجيب مقاضي للبيت مع ابو شنب <--- السواق طلعنا انا وياه ورحت لاقرب بست ( ملهى ليلي ) قالو وين يبو الشباب تونا المغرب السهره الساعه 12 في الليل وما تدخل الا تجيب معك العائله قلت لعنبو بليسكم انا منحاش عن الرياض والعوائل وتبوني بعد اجيب عائله وبعد مابخششت البدي قار حقهم جاب لي حرمته ام اربعين ودخلت معي بس اشترطت ماتقعد معي على الطاوله ومن دخلت وهي مبحلقه عيونها في خشتي كان البدي قار يناظرني وهو مقهور من ابتسامتي وشكله في نفسه يقول هذا ليش مبتسم وقلت لزوجته يالله انتهت مهمتس روحي لرجلتس وخليني لحالي ابي اروق وجلست من سبع الين 12 وانا مروق اشرب في هالعصير اللي مدري وشو وطعمه مر ويطيش وكل ماقلت لهم سيدر جابوه لي وبدت السهره وبديت اصفق من قلب وزاد تصفيقي بشكل غريب حتى انا نقدت على نفسي وحتى نفسي نقدت علي شوي يوم صفقوني هم الين احولت عيوني وطلعوني برا رحت للشقه مع تكسي لاني مشيت السواق عشان مايعلم امي وانا في الطريق مع التكسي جاني تغار غريب مع شوي حموضه همين طرشت في التكسي قال راعي التكسي يلعن شكلك سكران قلت لا والله ماشربت الا سيدر قال انزل يلعن ابو هيك اشكال < ---- هذا حال شبابنا للاسف يهزئونهم برى الصدق كنت مغفل ولا دريت وش شربوني لكن اللي اعرفه اني صرت دايخ يومين وصلت الشقه وامي خايفه علي تقول وين رحت جعلك الريح الساعه 3 الفجر وتوك تجي نمت ساعتين همين رحت اجيب خبز من الخباز عشان امي تفطر وياليتني ماقابلتها طلعت علي بنت ام 20 سنه يمكن ادون بسنتين ولا اعلى بسنه كانت شايله لبن في صطل وماااار انا انبهرت لانها خامه السطل على صدرها انا من الأنبهار قلت لها ياليتني سطل قالت شووووو قلت ليتني سطل قالت روح بعيد ارجوك وفجأه هذي الحلقه الاولى والحلقه الثانيه بعد يومين رابط هذا التعليق شارك More sharing options...
فتاة سوق السبت قام بنشر May 31, 2004 ارسل تقرير Share قام بنشر May 31, 2004 يــــــــــازين ديرتنـــــــــــــا زينــــــــــاه اها بــــــس هلا بمجنون حصيصه .. . وش هالحركات .. من شفت اسمك وانا داريه ان وراك شين عظيم قلت هذا بيمحط الساخر محط بمواضيعن فلته ..والله تستاهل التشجيع والتثبيت نجي عاد لخنبقتــــك وخذاريف في الحتوته : بس حتسوه شنبك مايوقع عليه ذبان كركركركركركر .. وانت وخشك بعد توك جاي واصل من السفر وعلى طول ملهى <<<< صدق انك ياعيال ديرتنا ماشفتوا خير يالقراوه (وصلت الشقه وامي خايفه علي تقول وين رحت جعلك الريح الساعه 3 الفجر وتوك تجي) ^^ ^^ ياحليل امك تسنها داعاوي امي بس امي تزود.. لاقالت بروح لفلانه ترد علي قائلتــن: وين تروحــــــين ريحـــا تزكرتس او جعلتس للريح ام علي مدري وش تبي ام علي (شايله لبن في صطل) ^^ ^^ لا تكثر مناظر كليبات نانسي ابو جعل لا تبطي واجد يا مجنون حصيصه ننتظر القادم .. فلا تبخـــــــــل <<<< ناشلتها من مسلهمه قبلها تقولها هماه لاتطول لامصع اذنك << ماتنعطى وجه هالمشرفه ياله تحيــــــاااتـــــــــــــــــــــــــــي رابط هذا التعليق شارك More sharing options...
حميان بيتش قام بنشر May 31, 2004 ارسل تقرير Share قام بنشر May 31, 2004 السلام عليكم هلا بمجنون حصه ...هلا بالموهبة الجديدة اجل متعذرن بالوالدة وماخذها معك لسوريا ... والوالد ماراح معكم يعطيك العافية ....... وتشكر على هالمقطع نحتري الحلقة الجايه بس لا تتاخر رابط هذا التعليق شارك More sharing options...
راعيها قام بنشر May 31, 2004 ارسل تقرير Share قام بنشر May 31, 2004 الزواج من الخارج تحسين نسل بس اذا جبتها يبغالك سكيورتي عند الباب ههههههههههههههههههههههههههههههههههههه رابط هذا التعليق شارك More sharing options...
راعية جبل عسره قام بنشر June 1, 2004 ارسل تقرير Share قام بنشر June 1, 2004 هههههههههههههههههههههههههههههههااااااااااااي يا حليلك انت وأمك اجل مستانسين في ذا الروحه يا ويلاه اميمتك قاعدتن في الشقة لحيلها من المغرب ليييين الساعة ثلاث << ورا ما تنام ؟؟ المراد : مشكووووور على الموضوع وننتظر القاادم بفارغ الصبر تحيااااتي رابط هذا التعليق شارك More sharing options...
مجنون حصه قام بنشر June 1, 2004 الكاتب ارسل تقرير Share قام بنشر June 1, 2004 فتاة سوق السبت شكرا جزيلا بس وشو الشين العظيم عسى مهوب شين عساااه زين اما عيال ديرتنا ماينعطون وجه فانتي صادقه والدليل امثالي وشرواي<-- شرواك الطيب ريح ام علي اللي تقصد امتس هي بنت خالت الحلى اللي يسمونه ام علي اللي اذا كلناه مانشبع منه واللي يحبونه البنات خصوصا الين سمنن بناتنا وصارو مايدخلن مع الباب ويقولون ان التربيه والتعليم مخططين يزودون الابواب حقت الفصول ويصير عرضها مترين على فكره منهي نانسي عجرم ما اعرفها ولا هي ذيك الزينه اللي قاهره بناتنا ايه ذكرتها اثرتس مشرفه وانا توني ادري اجل اسفين على الرد اللي فوق وسامحيني هالمره والمره الجايه اتوب حميان بتش تذكرني بماليزيا وايامها مطيري بتش والفندق الثاني مدري وش اسمه ياحميان ابوي ميت من كم سنه وتعرف الوالده حزينه عليه قلت خل نوسع صدرها خصوصا انها حدها حرمه ان شدت الرحال قالت ودني لحرمه خل اشوف اخوي ابشر ياحميان منيب متأخر راعيها : هو تحسين نسل صحيح خصوصا البياض اما السكورتي فهذا غلط لان الدين عندنا وعندهم واللي يخاف من ربه يحميه راعية جبل عسره : ايه فالين ابو جدها حتى امي ابشرتس صارت تطلع تقضى الخضره والفاكهه وتمشى لحالها بدت تنطلق وتعودت على الوجوجه وتراها مانامت تحتري وليدها تطمن عليه مع انه مايستاهل المراد : العفو ولا شكر على واجب اهم شي رضاكم رابط هذا التعليق شارك More sharing options...
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان