Booking.com

Recommended Posts

[align=center]

الســــلام عــلــيــكم ورحمة الله وبركـــــــاته .......

وكل سنه وانتم طيبين

حيال الله ربعنا الاولين salam.gif مدري وش اقول بس مالي عذر على التغيب ( الله يعيينا على المدير mad.gif ) المهم انا جايبن معي وريقتن من الصحيه كودها تعدي على هالمدير ادعولنا ياجماعه ..

بس انتم وشلون نبي نعتذر منكم ... انا من تالي منيب فيد منول ما عاد نفضى ( اخس يا رجل الاعمال ) ، و من ديره لديره امس جالسين نتقهوى اخر النهار في موسكو ومير يعرض علينا واحد صفقه في باريس ونطمر ونوقعها ونتعشى عندهم ولزموا علينا نمرح عندهم بس قلت لهم ان المذن حق المسجد اللي في اخر العاير رايح يعتمر وموصيني ا أذن الفجر عنه وتركوني animals_bunny1.gif ....

عاد من وعيت وانا قدام هالكمبيوتر وقلت ما دامنا مشقرين على النت وراء ما نسير على ربعنا ومير اشوفلي ذيك السالفه اللي تروق لكم قلت خلنا نعرضها لهم كودهم يرضون عننا .....

بسم الله ... يحكى أن ... لا هذي ( يحكى انا ) مهيب راكبه على السالفه نقلبها سباحين ونقول ( ذاك الواحد والواحد الله وكل ابليس مخزيه الله ) ... فيه واحد جالسن مع مرته وعياله و مبسوط بيت ملك ومره وعيالن صالحين وسياره اخر موديل ... مسكت معه يوم من الايام انه يخربها و يعرس ( يا مال الضعفه ) ولا وده ان مرته والا عياله يدرون يقاله يبي يوسع صدره .

المهم انه ما قصر و أعرس عرس مسيار .. وحاطن في راسـه ان العرس مؤقت ويبي يصرفها بعدين ( ايه يحلفون ) ولا وده احدن يدري عنه .. بس مرته الجديده ودها الناس يدرون .....

الجديده بدت بحركاتها علشان يعرفون الناس من دون ماتقول ( ان كيدكن عظيم ) خصوصاً في السياره اذا نزلت من سيارة رجلها ياما ناسيتن شنطتها ومره جادعتن عطرها ومره روجها ...لا ومره تاركتن شيء مانيب معلمكم وشووو ninja.gif تبي اهله يدرون .. بس هو ذهين ما تفوت ليه هالحركات اذا جاء يروح لعياله نفض السياره نفض ..

جاء يومن من الايام ولا الادمي طالعن مع زوجتها الجديده للسوق وتأخر على عرس يبي يحضره هو ومرته القديمه المهم وشب على الجديده يبي يطلعها من السوق ( حرمه ودخلت سوق ) وهي ودها تأخره علشان ينكشف الموضوع المهم انه طلعها ورعص على البنزين طاير ونزلها في بيتها وراح طاير لمرته القديمه ومن العجله نسى ينظف السياره دخل وغير ملابسه ونزل هو و ام عياله وركبوا السياره

وفي طريقهم ناظر تحت رجليه ولقى ( تكرمون ) جزمه نسائيه ... طاااااح قلـبـه . blink.gif .. والتفت يم أم العيال وشافها لاهيه برويحتها gurl.gif وصار يحرك الجزمه برجله الين حطها تحت الكرسي وهو أنواع العرق والوجه محمر ... وعند اول أشاره ( فائدة الوقوف عن الاشاره ) فتح الباب شوي شوي ونطل الجزمه وقفل ( وياباب مادخلك شر ) وقـــال : اااااااه .. ورجعت المؤشرات لوضعها الطبيعي ... المهم انهم وصلـوا العـرس GlolololooooooooooooooSH.gif ..

يوم جو ينزلون صارت ام العيال تقلب على جزمتها .. وتقلب السياره فوق تحت مالقت شيء ... وتسأل رجلها ابوعلي ما شفت جزمتي توني فاصختها في السياره ومدري ين ر احت ؟؟؟؟؟؟؟؟؟ wondering.gif

[/align]

شارك هذه المشاركه


رابط المشاركه
شارك

وأنت هالحين فرحان mad.gif

صاد عنا من مبطي وانت غايب يامال الزوجة الثانية اللي تخليك تعرق وتنحرج وتحوسك حوس وانت تنظف سيارتك smile.gif

يالله خذ موضوعك للسطح وارفع يديك وهذا جزاء اللي يغاب Ta_clap.gif

كالعادة تبطي وتغطس وتجيب الجديد ,, رح الله يصلحك مسامحينك والله ياطلت وجهك انها تفتح النفس في هالمنتدى smile.gif

ياااهلا والله وغلاااااا بك <<< مااش يحبك عجز يقاوم المفاجأة برجوعك smile.gif

شارك هذه المشاركه


رابط المشاركه
شارك

[align=center]

salam.gif

القروي انت فيذا blink.gif

هلا و غلا .. عساك استانست بشوفتي ( واثق )

الا هالحين يوم انك ترفع يدي وش انا مسوي 006.gif .... اجل وش يبي يزين لنا المدير ؟

باتسر ابجي لابسن شرابت تحتها بلاكاش ... شكل الشغله فيها فلكه dry.gif

والله ياقليبي تناثر يوم شاف ردك tra-ast7y.gif .... تسن اللي مكلمني ( .....) blink.gif

شكرا على ردك ويشرفني انه الاول ... وشكرا على تثبيتك الله يثبت قلبك على طاعته [/align]

شارك هذه المشاركه


رابط المشاركه
شارك

ههههههههههههههههههههههههههه حميان الله يرج سموك ياشيخ على هالسالفه رهيبه user posted image

بس كمل وش رد عليها ابو علي يو سألته عن جزمتها اكرمكم الله كخخخخخخخخخخخخخخخخخخخخ

ياحض ابو علي والله انه لاقيهاااااااااااااااااا ههههههههههههههههه

اقول حميان تخبر لي احد يزوج مسيار ياخوي ذبحتني العزوبيه blush.gif هههههههههههههههههههههههه

ولاودي اعرس زواج رسمي ودي بالسريه التامه مثل ابو علي كخخخخخخخخخخخخخخخخخخخخخخuser posted image

ههههههههههههههههههههههههههههههههههههههه

ماتعرف جوال ابو علي يمكن يدلنا على احد كخخخخخخخخخخخuser posted image

كثر لنا من هالسوالف تراها تجوز لي كخخخخخخخخ هع khaleejee.gif

تم تعديل بواسطه عبودي

شارك هذه المشاركه


رابط المشاركه
شارك

وووووووووووووووااااااووووه حميان كيف الحال ( ميانه )

الله من الدلاخة في بعض الحريم اللي أنسرق رجلها ما تبي تنسرق جزمتها .

الا على فكرة زوجها ( جدع ) اليمين وإلا اليسار !!! 01mm.gif

جدع : تعني ( نطل) بالسديراوي و ( نطل )تعني سرق بالقصيمي

و ( ن) نون الحرامية

( طل ) نظر من دريشة السيارة

وإذا إجتمعت ( ن + طل ) يعني في الموضوع إنه 01mm.gif

وجدع بالمصري تعني ( راقل ) والراقل هو أي واحد يوقف العمدة عند حدووووووووه . 009.gif

حميان الله لا يحرمنا منك يا راقل Ta_clap.gif

شارك هذه المشاركه


رابط المشاركه
شارك

الـســـلام عــلــيــكـم ....

هـــــلا بــعــبـــووودي هلا

زارتنا البركه اقلط خذ راحتك .....

بس لا تسأل عن كمالة القصه ...( المخرج عاوز كده wondering.gif )

أشوفك صاير تحرج في المنتدى تبي تعرس GlolololooooooooooooooSH.gif

أجـــــل مـــاهنا صــــــبر !!!!!!!!

تبي الجد طالعن " نحلة الساخر " وعلشان كذ مانيب معطيك رقم الرجال ...

أخـــاف مانشوفك هنا blink.gif

shokran.gif على شوفتك

شارك هذه المشاركه


رابط المشاركه
شارك

[align=center]الـسلام عليكم

حــــيالله (( الزميله )) وابحط تحتها عشر خطوط ســكر زيــاده bye1.gif

ابلى العربي ... عندنا فيذا mellow.gif ... قيام يا شباب ... جلوس ...

شرفتينا يا مشرفتنا goldshine.gif

درس قواعد على الطاير ...ذكرتيني برابعه جيم blink.gif

shokran.gif على مروركم وشرطتكم[/align]

شارك هذه المشاركه


رابط المشاركه
شارك

لوووووووووووووووووووووووووول

والله انك رهيببببب

داخلتن صاكه الدنيا بعيني مير يوم شفت سالفتك انشرح خاطري <== وش دخله هوو

الله يعطيييك العافيييه يارررب وعقبال التخرج <== ياعمري مافيه اسلوب

شارك هذه المشاركه


رابط المشاركه
شارك

السلام عليكم

هــــــــــــلا و غـــــــــلا

هلا بحفيدة سوير ...... سلامااااااات عسى ماشر blush.gif

الله يوسع صدرتس بالعافيه biggrin.gif

و الله يعافيتس وتشكرين على الزياره

هذولي اللي يرفعون معنوياتنا ... تسلمين يا الحفيده

شارك هذه المشاركه


رابط المشاركه
شارك

الله يسلمك على الموضوع

وننتظر المزيد

:ksa:

شارك هذه المشاركه


رابط المشاركه
شارك
اجل نزلت المسيكينه حافيه للعرس ههههههههههههههههههههه

وكل هذا بسبب ذهانة الزوج الله يرحم حاله :)

بس تبي الصدق

اللي سواه يشفعله :)

وغلطة الشاطر بعشره

مبدع اخوي حميان بيتش وبانتظار عودة الجميع :)

شارك هذه المشاركه


رابط المشاركه
شارك

من فضلك سجل دخول لتتمكن من التعليق

ستتمكن من اضافه تعليقات بعد التسجيل



سجل دخولك الان