احجز فندقك
دلوعة حرمة

محمد العريفي ...بعداللي شفته منك امس قلت الله يخلف

Recommended Posts

محمد العريفي .. بعد اللي شفته منك امس

في الثمامة ما اقول الا الله يخلف

دعيت بالامس الى مخيم مقام في منطقة الثمامة بمدينة الرياض وقال لي من دعاني ان

الشيخ محمد العريفي ومجموعة من الدعاة سيحضرون فذهبت طلباً للفائدة ورغبة في

الاجر..

عندما اقتربنا من المخيم المعد لللقاء وجدت اعداد كثيرة من السيارات وجمع غفير من

الشباب قد اختلط الحليق بالملتحي والمسبل بمقصر ثوبه .. الكبير بالصغير ..

كلهم جاء فيما يظهر لهدف واحد ومقصد عظيم .. طلباً لما عند الله ورغبة في الخير

وشوقاً لرؤية اهل الصلاح والجلوس اليهم ..

اخذت مكاني في المخيم وجلست قليلاً انتظر بدء الحفل ..

وبالفعل بدء المقدم في التقديم بتلاوة آيات من الذكر الحكيم تلاها احد الفضلاء بصوت

شجي عذب ..

ثم اعقبه بعض الاخوة بمجموعة من القصائد المنتقاة التي تتكلم عن التوبة وعن الام

وعن اليتيم ..

واثناء الالقاء دخل الشيخ محمد ثم قدم المقدم له وتكلم الشيخ ما يقارب 45 دقيقة عن

محبة الدنيا ومحبة الله وتخللها مجموعة من القصص المؤثرة ثم انهى الشيخ كلمته

وشكره المقدم عليها وقال سنبدأ الآن السحب على الجوائز وعند هذه اللحظة حصل ما

لم اتوقعه ..

انظروا ماذا حصل ..

اخذ الشيخ العريفي المكرفون وقال : يا اخواني .. انا متأكد انه لم يأت بكم الى هذا

المكان الا محبة الله والرغبة فيما عنده ..

ومتأكد ان من بينكم شباب ابتلوا ببعض المعاصي وقد احضرت معي بعض المصاحف

وكتبت عليها اهداءات مني وساقدمها لمن ابتلي بشرب الدخان بشرط ان يعاهد الله ان

لا يعود الى التدخين ..

ساد الصمت قليلاً وسكت الحضور وفجاءة ..

قام احد الشباب وتقدم ولما وصل الى الشيخ اخرج من جيبه علبة الدخان فسلم عليه

الشيخ وعانقه ودعى له والشاب يكاد يبكي ..

ثم قام الآخر وتبعه الثالث والحضور مذهول ثم قال الشيخ : من يعاهد الله على ترك

الاغاني ويحضر اشرطة الاغاني وله مثل اخوانه انتظرنا قليلاً فاذا بالشباب .. شباب

يتقا طرون على الشيخ ومع كل واحد منهم مجموعة من اشرطة والشيخ يصافحهم

ويعانقهم ويمازح بعضهم والناس متأثرة مندهشة مما ترى ..

وما هو الا قليل الا ودخل احدهم المخيم يحمل رسيفر دش وتبعه احدهم يحمل عود فقام

الشيخ بتكسيره والناس تكبر ..

والله ان هذا ما حدث امامي وامام الكثير امس ..

محمد العريفي .. بعد الذي رأيته منك امس وبصراحة .. لا اجد ما اقوله الا الله يخلف

عليناوعليك بخير .. ويجزاك عنا ما جزى المصلحين ويحفظك ويرعاك .. ويعقبك في

ذريتك بخير ..

بكل صراحة وصدق ..

عن نفسي .. ما تأثرت من محاضرة 45 دقيقة قدر تأثري بالذي حصل بعد الكلمة ..

وهي دعوة لاخواني بالتعامل الطيب مع شباب الامة ففي قلوب الكثير منهم خير وفي

قلوبهم لهفة لكن ما وجدوا اللي يحرك هالخير وهالحب ..

نتذكر .. [ الدين المعاملة ] ..

[ والكلمة الطيبة صدقة ] ..

[ وتبسمك في وجه اخيك صدق ] ..

ونتذكر كذلك اننا علينا بذل السبب والهداية بيد الله الغفور الحليم ..

شيخ محمد .. يعلم الله كم احبك فيه والله يجزاك الفردوس على ما فعلته امس .. وانا ل

ا ادخن ولا اسمع اغاني وابى منك مصحف

ممكن ولالا

=======================

عفواً يا اخوان .. اعرف ان بعضكم يوم قرا العنوان ظن اني ابتكلم على الشيخ ومثل

هؤلاء اقول لهم .. لست ممن يتتبعون العثرات .. واعتذر ان كان العنوان مبهم ..

شكر الله للجميع ورزقنا واياكم برد اليقين وسلامة الصدر وحسن الخلق والصدق في

القول والعمل آمين ..

منقول

شارك هذه المشاركه


رابط المشاركه
شارك

اقول

الله من الهول والخرطي الزايد

ذكرتني بموجة الترهيب المختلقه التي سادة مجتمعنا في الثمانينات ميلاديه

تصف الامر وكأن احدهم زاني والاخر كافر والذي يليه قاتل

وكل مافي الامر دخان واغاني ورسيفر

ياعم هذي اسطوانه عفا عليها الزمن انت وشيخك العريفي

دوروا غيرها

شارك هذه المشاركه


رابط المشاركه
شارك

قققح اون لاين ، وين غايب فيه ، إنشاء الله المانع خير ،

وبعدين جاي على طول ، تمشي طبلونك من أجل تستصغر الاغاني اللي ما يمكن تخلو إغنية الا وفيها شرك بالله ، ولا عاد الرسيفر اللي جمع كل المصائب ، والفواحش تشاهد فيه مثل أي لقطات بريه ،

ياعم كبر عقلك شوي ، لا يمشي عليك من يقولك الامور ذي بسيطة ،،

شارك هذه المشاركه


رابط المشاركه
شارك

(((( الاغاني اللي ما يمكن تخلو إغنية الا وفيها شرك بالله )))

شرك ولاعنه !!!!!!!!!!!!!!!!!!

والله منتب سهل

شرك !!!!!!!!!!!!!!!!!

ياسهل الشرك والكفر عندكم

اتقوا الله خليتوا شبابنا يمشون وكل واحد يكلم نفسه

لين استخف بعضهم

شارك هذه المشاركه


رابط المشاركه
شارك

اقرأو الارجاف والتهويل :

1 - قام احد الشباب وتقدم ولما وصل الى الشيخ اخرج من جيبه علبة الدخان فسلم عليه

الشيخ وعانقه ودعى له والشاب يكاد يبكي ..

2 - ثم قام الآخر وتبعه الثالث والحضور مذهول

3 - والشيخ يصافحهم

ويعانقهم ويمازح بعضهم والناس متأثرة مندهشة مما ترى ..

4 - وما هو الا قليل الا ودخل احدهم المخيم يحمل رسيفر دش وتبعه احدهم يحمل عود فقام

الشيخ بتكسيره والناس تكبر ..

والناس تكبر

والناس تكبر

والناس تكبر

الله من الهول هذولا فاتحين فلسطين مهوب داخلين بتتن ورسيفر

بس ودي اسأل اللي دخل بالرسيفر امداه يطمر لبيتهم من الثمامه ويجيبه ؟؟!!

شارك هذه المشاركه


رابط المشاركه
شارك

ياليت شبابنا زي ما تقول ، كان كافي خيرهم شرهم ،

لكن الوقع ، زي ما تشوف ، لعبت فيهم هالفضائيات والاغاني لما أنعدم فيهم شي أسمه حياء أو مروة ،

فاصبح همهم مطاردة النساء في الاسواق ، وتصوير عوارت المسلمين ،

كفانا الله شرهم ،،،،،،،،،،،

شارك هذه المشاركه


رابط المشاركه
شارك
MrCoOl    0

جزاك الله خير اختي الكريمه واسال الله لهم ثبات

اخي الكريم / ققح أون لاين

لم اتوقع ان يكون ردك هكذا (هذا بدل ما تقول الله يثبتهم)

شكرا مره اخري اختي الكريمه

اخووووك مستر كوووووووووول

شارك هذه المشاركه


رابط المشاركه
شارك

السلام عليكم جميعا بس

كم واحد معة رسيفر في سيارة .....................؟؟

ولا امداه ينقز لبيتهم و يجيبة ؟؟؟؟

الدين المعاملة والكلمة الطيبة صدقة وتبسمك في وجه اخيك صدق (بس كم واحد يعمل بها )

ولله الناس وصلت القمر وحنا نمشي علي ورا .....

شارك هذه المشاركه


رابط المشاركه
شارك

ابو عبدالله

مستر كول

راعي لبيب

اشكر الجميع على المرور والله يهدي ضاله المسلمين

وبالنسبه لمن استفسربقوله(بس ودي اسال الي دخل بالرسيفر امداه يطمر لبيتهم من الثمامه ويجيبه)؟؟؟

فاقوله شكلك ماعتبت حرمه وحدك السد الثمامه مليانه مخيمات واكيد الشباب اذا اجتمعوا بيجبون رسيفر وعود والملهيات الثانيه الله يلهينا في طاعته

حليت له السوال الي محيره واي استفسار انا حاضره

ولااحب ازيد كلام لاني اتبع الحكمه القائله

اذا نطق السفيه فلا تجبه

فخير من اجابته السكوت

وامتثالا لقوله تعالى(اذا خاطبك الجاهلون فقل سلاما)

وشكرا

شارك هذه المشاركه


رابط المشاركه
شارك

الاخت دلوعة حرمة

مساك الله بالخير والعافيه

وانشالله تكوني بخير

اقول

ترى ردي مهوب موجه لك الله يعافيك انما موجه لصاحب الموضوع الاصلي

خصوصا وانتي مذيله موضوعك بكلمة (((((( منقول ))))))

اما انا فلا اخفيك سرا

عندما اصل السد احس اني عند حدود العالم ومابعد المشقر الا المريخ

لا ازال اتمنى ان احضى بقارب صغير اتجاوز به شعيب المشقر علشان اشوف مابعد حدود العالم

في الختام ليس كل مايقال يذكر وليس كل مايكتب ينقل

بارك الله فيك ولك وحولك ومن بعدك ومن قبلك

واثابك الله الاجر ومنحك الصلاح ووفقك في دراستك

وزوجك الشاب الصالح الذي لايدخن ولا يحتفظ ببيته رسيفر

اخوك في الله ققح

شارك هذه المشاركه


رابط المشاركه
شارك

مشكورة اختي الف شكر على الموضوع ...

والله يجزاك خير ..و ان شاء الله كل الشباب يهتدون و يصير مجتمعنا خالى من الفكر المنحرف ...

و طبعا الكلمة الطيبة و المعاملة الحسنة سبب في هداية اغلب الناس ...

و الله يجعله من موازين اعمالك ...

شارك هذه المشاركه


رابط المشاركه
شارك

الاخت دلوعة حرمة

بعد التحية كلامك صحيح انا من الناس الي نادراً ما اروح هناك

الشئ الثاني هو

وقد احضرت معي بعض المصاحف وكتبت عليها اهداءات مني

ما شاء لله الشيخ قام يهدي مصاحف (عليه اوتوقراف حقة طال عمره)

لنا 20 سنة و حنا في مكننا لا رحنا ولا جينا خذي من الكلام و المحاضرت .......وحنا smiley_orange.jpg ..... المشكله اكبر من كذا بكثير الي بطل الدخان بسرعه راح يرجع اسرع و نفس الشيْ ينطبق علي الباقين .....

و السسسسسسسسسسلام

شارك هذه المشاركه


رابط المشاركه
شارك

السلام عليكم

الاخ راعي لبب كلامي ليس موجه لك والذين اقصدهم وصلهم كلامي

واسمح لي اقولك انك بعد ماعتبت بيتكم موب السد شي طبيعي الدعاة لازم يكون معهم مصاحف للا هداء ونشرات ومطويات لانهم اناس يبذلون الخير ليل نهار وحبيت اقولك

رب كلمه قالت لصاحبها دعني فاتقي الله تشبهه المصحف اوتقراف ياسبحان الله من ضعاف النفوس اول مايسمعون طاري شيخ حبوه الناس يطبون يعذربون فيه وتلقط الزلات اتقوا الله فهم ناس يحبون الخير ويتمنون للمجتمع الصلاح

(واتمنى من جميع الاعضاء يركزون في الردود ويقرونها زين علشان يعرفون هي موجهه لهم او لا)

شارك هذه المشاركه


رابط المشاركه
شارك

الاخت دلوعة

انا من الناس اللي معجب بالشيخ و لكن مهوب كل تصرف يسويه الشيخ اقول صح الحين يوقع علي القران كتاب الله واخذه منه فرحان لأن الشيخ كتب عليه ولله صغر تفكير وش بقا بيننا وبين الشيعه يليت تشوفين الصورة الاكبر و تبتعدين عن التفكير العاطفي , حلو ان الناس تأثروا بنصيحة الشيخ ورجعوا عن خطأهم بس انا اللي مو معجبني في السالفه مسأله توقيع المصحف بس

شارك هذه المشاركه


رابط المشاركه
شارك

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.

سجل دخولك الان