Booking.com
حميان بيتش

حميان دولي

Recommended Posts

السلام عليكم ..

هلا وغلا بكل الاعضاء واللي مسيرين يتفرجون ..معليش ابطيت عليكم بس كنت في رحله مكوكيه ( حلوه مكوكيه) مسير على ربع لنا هنا وهناك وجمعت لكم اخبارهم قلت اجي اقولها لكم :

توأمان دلخان

هذا مره وانا رايح للصين ( تايبيه ) تافل العافيه وجالس في الفندق فاتح التلفزيون يوم طلع هالخبر : - فيه اثنين حرميه توأم (ركزوا صينين وتوأم ، ماعرفناهم وهم عاديين وشلون توأم) المهم انهم دخلو على محل اليكترونيات في بكين طبعاً يبون يسرقون( اجل جايين يسولفون angry.gif ) .. ‏ وبعد ملو شناطهم بكل أنواع الأجهزة ، قالوا ترا عندنا وقت نتقهوا ونطق حنك ونصور بعض خلنا ناخذ صور تذكاريه في هالمحل

وخذ كل واحد منهم كاميرا رقمية

جديدة وبدو يصورون بعض وحركات مره وقافي ومره متسدحين ، وبعد ما خلصوا

تركوا الكاميرا في المحل وطلعوا blink.gif ,,,,, والامووور وش زينها لا مشاكل ولا ( صادووووه ) .. ‏

ومن باتسر والناس مصبحين على خير والا عمال المحل يلقون كمرتين مجدوعه فوق الطاوله اللي مصورين فيها هالمهبل وباين من الكاميرا ان فيه احد مصور منها .

وبعد ما حمضوا الصور ( حلوه حمضوا ... وهي رقميه ... بس مشوا حالكم ) اكتشفوا الشرطه انهم اعته الحراميه في الصين من أرباب السوابق وقدروا - ‏بفضل الله ثم هالصور-

من إدانتهما وإثبات التهمة عليهم ..... وعلى ماقالوا اخواننا المصريين ( لابساهم لابساهم القضيه )‏ مهوب كذا وخلصت القصه لا

ازودكم من الشعر بيت صرح رئيس شرطة بكين ( زميل دفعه ) اللواء / طق فق رق بن مانيب قايله في تصريح خاص لبوابة الساخر :- (( ‏هذه

الصور أثبتت أنهما توأمان متطابقان الأمر الذي يفسر استمرار السرقات حين نقبض على

أحدهما ثم نطلق سراحه معتقدين اننا على خطا )) ... دليل على ان الزملاء هناك دلووووخ من نفس فصيلة ربعنا smiley_orange.jpg

************************************

دعايه غبيه

ومن الصين رحت مسير على ربع لنا في المكسيك وانا اتمشى في الديره انا وواحد من هالخواجات والاقي دعايه مهيب صاحيه .. صحيح اني قعدت اركز و اركز على الدعايه ( بس مافهمتها blink.gif ) تدرون ليه ..... لا غلطانين عندي لغه بس ما اقتنعت من هالدعايه كاتبين فيها :- يعلن المطعم عن استعداده لتقديم وجبة مجانية طوال العمر لكل من ينقش على عضده شعار المطعم ( شكل راعي المطعم رايق يوم طلعت هالدعايه في باله )

المهم العالم تحمسوا للموضوع واحد من زود الحماس فتح له محل ( نقش و وشم و يوجد لدينا بطاقة سوا a13.gif ) جنب المطعم ..

تصدقون من الاسبوع الاول تقدم 50 شخص موشمين انفسهم بشعار المطعم ‏وفي الاسبوع الثاني وصلوا الى 100 وإلى 129‏ثم إلى 233‏

وصارالمطعم يستقبل عائلات كلها موشمه انفسها وصار شغله مجااااني GlolololooooooooooooooSH.gif

.. ‏الأبله مهوب راعي المطعم، الا الزباين وشموا انفسهم بوشم مهوب رايح طول عمرهم اما بالنسبه للمحل يقولون انه قفل من الخساير وراعيه المسكين في السجن ... الله يعقله

!************************************

حركات مكاتب

في ألمانيا هناك دار نشر قديمه ومعروفه يسمونها : "‏شيراند"

معروفة و متخصصة بالخرائط والأطالس الجغرافية الدقيقة ( الدقيقه حطوها بين قوسين وتحتها ثلاثة خطوط ) .

ومره وهم جالسين يراجعون خرايطهم ركزوا على اعلى قمه عندهم اللي هي ( جبل بروكن )

أعلى جبل في ألمانيا ، (ما ودك الا تجلس فوقه وتقزز في هالعالم) .. المهم ان القياسات الاخيره طلعت تقول أن ارتفاع الجبل هو 3747‏قدما وليس 3741‏مثل ما هو مكتوب في الخرايط اللي ناشرينها ، وعلشان ما ينقال ان ما عندهم سالفه على دقة معلوماتهم وصعبه يسحبون كل الخرايط من الاسواق واللي وزعت برا ( مساكين توهقوا ) تعرفون وش سوو ؟؟

‏اتفقوا مع مقاول انه يرفع قمة الجبل ستة أقدام اضافية باستعمال كومة من الصخور الطبيعية( هذي حركات المكاتب اللي يوصون عليها ... ما عندهم وقت blush.gif )

***********************************************************

شــرارة

هذا مره وانا مسير على ربع لنا في ديرة الانجليز بريطانيا ركبت لي قطار وبالصدفه جنبي واحد طاقته العبرة ووده يصيح بس شكله مستحي مني ما يدري اني ما افهم صياحهم ... المهم قلت هالمسكين خلنا نشوف وش قصته ويضيع علينا وقت هالمشوار .... ومير اقوله يو سبيك انقلش قال لا .. قلت ابرك حتى انا مانيب اسبيك .. قال اجل انت من الربع قلت ايه انا عريبيا قال انا برازيليا بس اعرف عربي ... قلت مهيب مشكله عربي والا انجليزي المهم وراك طاقتك العبره وودك تصيح عسى ما شر ؟

قال شف انا دكتورفي الجامعه وكنت طالب من شركة امريكيه انها ترسلي جهاز لكشف الاعصارات ابي اشرحه للطلاب ...

المهم وصلني الجهاز وقعدت احورف فيه شوي ومير القى ان ابرة القياس اللي في الجهاز تقول ان فيه اعصار .... مع ان الجو صحو وش زينه ولا هبت شمال ولا شرق يعني الدعوى ركاده

قلت هالجهاز اللي مرسلينه خربان طلبت حق البريد وقلت له الله لا يهينك لو ترجع هالجهاز للشركه اللي جبناها منه قال : عندك عنوانهم قلت انه على الظرف .. جلسنا ندور الظرف ما لقيناه قلت ما يبيلها الوقت يطير وانا ما نيب فاضي خلني اروح ازرق على الشركه واخذ الجهاز بنفسي احسن ... رحت للشركه وجربوا الجهاز عندهم ما لقوا فيه شيء قلت طيب علشان هالمشوار بالله عليكم غيروه ... رحموني وماقصروا وغيروا هالجهاز .... ..قال مهيب هذي المشكله angry.gif قلت اجل وش فيك ؟

قال يوم اني رجعت لبيتي لقيت الديره جايها اعصار وبيتنا لقيته متعلق فوق شجره ومرتي و ولدي يطلبونك الحل

قلت اقول انت شكلك شراره .. عن اذنك ورحت لمكان ثاني dry.gif

************************************

غرام و انتقام

وهذي سالفه وانا رايح لتايون انا ورفيق دربي (( القروووي )) ومير امر انا وياه واحد من الزملاء في الشرطه قلنا خلنا نتقهوا عنده قبل ما نجيب البضايع اللي موصينا عليها الدختور

المهم وحنا عند خوينا في قسم الشرطه ولا الهيئه حقتهم مسحبين لهم ولد (وش ملحه من زود ملحه صاير خانس) المهم سلموه لخوينا وراحوا الهيئه ، قلت لرفيقنا وش قصة هالادمي شكله مهوب راعي مشاكل ( رحمته ) قال زميلنا : - هالادمي مرسل إلى حبيبته 1320‏رسالة حب

بس في سنتين تصدقوووووون blink.gif ( يعني رسالتين كل يوم ... حشا هذا دواء مهوب رساله ).. ‏لا والمشكله انه حياوي tra-ast7y.gif ( يا ربيه ) تصدقون انه ما كتب اسمه على أي رساله بس انه مواعدها يعلمها من هو اذا وافقت البنيه على الزواج .

‏وبسبب كثرة الرسائل اللي ضيعت وقت البنيه في قرايتها و وسخت غرفتها closedeyes.gif رفعت البنيه دعوى قضائيه على اللي كاتبها .... تدرون من طلع اللي كاتبها زميلها في المكتب ( مسكين .. حبيب 11_1_120.gif )

المشكله هي ان البنيه تزوجت من ساعي البريد اللي جاز لها بعد ما شافته 1320‏مرة في سنتين

وسلامتكم مع حميان وكل ديره وانتم بخير

شارك هذه المشاركه


رابط المشاركه
شارك

هههههههههههههههههههههههه

الله يسلمك ويعافيك يا حميان على ها الجوله الي وش زينها....

والله انك احرك واحد في ها المنتدى.....تدري انك تكسب فينا اجر

على الاقل تمرن خششنا..... مشكوووووووووووور

تحياتي

شارك هذه المشاركه


رابط المشاركه
شارك

salam.gif

الاخت الكريمه (( شنطة فسحه ))

shokran.gif على المسيار وعسى الكراث اعجبكم dry.gif

وتسلمين على رفع المعنوياااااات ... صغرت الطاقيه blink.gif

ترانا نحتري ابداعاتك ...... لو تجيبين صامولي بالطحينيه يكفي .

****************

الاخت الطيبه (( نوير بنت عبيد ))

هلا بك وشكرا على التواصل

و ولمي جوازك وخذي من ابو نوير ورقة سماح بالسفر : tongue.gif

ناوين نمر على جزر الواق واق ..... لا تنسين الفروه blink.gif

شارك هذه المشاركه


رابط المشاركه
شارك

أخس يالأقشر

أثرك مركب صفر دولي في جوازك smile.gif

لعنبوا بليسك ما وديتني معك إلا لتايوان angry.gif

زااااد أنا قايله حظي ردي قبلي تقليد حتى في السفر تقليد

وش هالموضوع هاللي تقل تبسي فاكهة مشكلة

أقتباس :

هذا مره وانا رايح للصين ( تايبيه ) تافل العافيه وجالس في الفندق

حتى عندهم تتفلون blush.gif

اقول خل عنك الحتسي بس والله يا أنك جرجرتنا في هالعالم ولو انه حتسي

بس الواحد يحس انه لابس كرفته << يحسب انها شغالة glare.gif مادرى انها خرقة تدودل

أقتباس : ( هذا اقتباس العجازين )

ومره وهم جالسين يراجعون خرايطهم ركزوا على اعلى قمه عندهم اللي هي ( جبل بروكن )

أعلى جبل في ألمانيا ، (ما ودك الا تجلس فوقه وتقزز في هالعالم) ..

امش حتى في ألمانيا تحب الطعوس smile.gif وشلون طعوسهم مثل طعوسنا شهب والا فيها فتسرة ( يعني شفاقة ) khaleejee.gif

عز الله انك منتب صاحي انت ومواضيعك

ابثبته وحيل الله قوي

واللي ما وده او يعارض الوعد الطلعة smile.gif

شارك هذه المشاركه


رابط المشاركه
شارك

Saudi_Arabia.gif

مشاء الله حميان طالع ابن بطوطه

هههههههههههههههههههههههههههههههههههههه

بس والله مافيك خير تصدق .. مغير تمغط في كل ديره ولا خذتوني معكم هذا وانحن راعين بوابه وحده

عفاك الله ياحميان .. على هالحتسيات اللي توسع الصدر على خبال اللي حولنا .

نشوفك في موضوعن اخر ويستاهل التثبيت Ta_clap.gif

شارك هذه المشاركه


رابط المشاركه
شارك

Join the conversation

You can post now and register later. If you have an account, sign in now to post with your account.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

جاري التحميل