قصة انتــــــــقام

هلا والله يالله ان تحييهم كلهم .

عندي لكم قصة من قصص الأولين ،

هنا هاك الواحد والواحد الله في سماه العالي والى هنا هاك الاسرة اللي تتكون من ام واب وسبعة عيلان ( بنات وأولاد) وفي سنة من السنين جاء واحد يبي يخطب وحده من البنات اللي هي فاطمة ، وكان من عادة الاولين ان المعرس يعطي اهل العاروس هدايا ، وجاب المعرس لاهلها هدايا كلهم الا اصغر عيلانهم (محمد) ، وحز هذا في نفسه وقال : ألا اخرب عليهم هالعرس ..

وكانوا الناس يتجمعون عقب صلاة الجمعة في سكة جنب بيت هالاسرة ،،، وراح محمد ودخل عند اخته في الغرفه ، وكانت هي (مثل أي وحده بتتزوج) تتزين وتتحنى ، وقالها : يا فاطمة تبغين تشوفين رجلك ؟؟ قالت :اي والله . قال تعالي اوريك اياه من الدريشة . ويوم انها واقت وشافت الناس متجمعين قال لها محمد : شوفي هذاك الرجال هو رجلك . وكان شايب ومتشقق ثوبه ومتعرفط وحافي و ما يقوى يمشي . فتفاجأت فاطمة وانصدمت وقالت : اثر اهلي يبون يحطوني عند شايب ! وراه وليش ؟؟ وقالها اخوها : تبغين يخرب هالزواج سوي روحك منهبلة وطامري وزاعقي الين يهون الرجال . ..

وفعلا .. سوت البنت روحها منهبلة وهون الرجال، وانتهى موضوع العرس مرة ، وبعد كم يوم جاء محمد وقال لفاطمة : تبين تشوفين اللي كان خاطبك وبعدين هون ؟ يوم واقت مع الدريشة شافت واحد طويل متمدن عليه ساعة غالية يسولف مع الرجاجيل وعلية ثوب نظيف ومن ازين الخامات .... وقالت لاخوها : وشلون يعني ؟ قال : انا بانتقم منه يوم ما عطاني هديه مثلكم . وانقهرت فاطمة منه وقالت لازم انتقم منه ..

وبعد سنين كبر محمد وصار شاب وقالت له فاطمة : وش رايك اخطب لك ؟ قال ياليت بس منهي ؟ قالت بنت اهل الغبيّة ( والغبيّة هذا بستان ومزرعة كبيرة ) رح اخطبها من ابوها وهو بيقولك ان مالها الا رجل وحده يعني عرجاء بس لاتصدقه لانها زينة مرررة ولا يبي اي واحد ياخذها بس انت قل ابيها ولو انها عرجاء، ووافق محمد وراح لهم ، وفعلا الابو قال انها عرجاء لكن محمد اصر انه ياخذها .

ويوم قال لاخته ودي اشوف حرمتي قالت طيب تعال عقب صلاة العصر عند بستانهم هي تصير طالعة .. وراحت فاطمة وتزينت ولبست احسن ماعندها وسبقت اخوها للغبيّة وقعدت تتمشى فيه وجاء محمد وشاف هاللي تمشي وقال :اييييه اثر اختي صادقة وانها مب عرجاء مثل ماقال ابوها .

وجاء يوم العرس وزفت العروس للمعرس ويوم شافها تفاجئ وقال : عرجاء !! ، قالت له فاطمة : هذا دين وانا رديته لك .

اتمنى انها تعجبكم وسامحوني ان كان فيه تقصير

الله يعافيك على هالقصه

ايه هذي القصص والا بالش

الله يخليك لي على مشاركاتك الحلوة

سمسم

مشكوووووووووووووووووووووووووووووووووووورة على مرورتس الكريم يا صديقتي ..

وصديقة عمري

سمسم ..

تشكراااات راعية

واله يجزيك الف خير ...

تحياااااات

ملحووووس .....

راعيه صديقة سمـــاء مشكووووووووووره على هالقصه

ويستاهل والله ماجاه

تخبصـ ـ ـ ـ ـاتيـ ـ ـ

مشكوره اختي "راعيه"

والله الموضوع فائق الجمال

ويستاهل ماجاه

ملحوس ،، مرتاح ،، أبو عمار

مشكورين على مروركم الكريم .