حش في جامعه الملك سعود

السلام عليكم....

معكم مراسلة قناة المقهورات من سجن عليشة....

بمناسبة اليوم المفتوح اللي بدأ امس وبينتهي الأربعاء .......< حشا ما صار يوم...

حبيت انقلكم الأخبار ..واليكم النشرة وفيها انباء اخرى متفرقة ...

الخبر الأول انخساف البيت الأبيض ...( هههه ما كني قلبت نشرة أخبار بجد....)

.......ممنوع دخول الزائرات....( هذي الميزة الوحيدة...)

ممنوع لبس الألوان اللي تفتح النفس ( اذا الألوان ما فتحوها اجل وش فتحوا)

ممنوع ادخال اي شيء ليس له صلة بالتعليم ( قالوا يوم مفتوح!!!!)

ممنوع الخروج قبل الساعة 12 ( خلونا نروح ننام في بيوتنا عشان نحس باليوم المفتوح)

المحاضرات الزامية ...( اجل وش سويتوا)

هذا من الجهة القانونية ......اما من جهة الكليات..

باستثناء المصلى . . مافيه اعلانات عن اي ندوات..حوارات ...مسابقات ..واذا اعلنوا ما

يحطون الوقت ( ايش استفدنا..؟) مع انها موجودة بس يبغون البنات يعرفون وقتها بالصدفة

1- الآداب : اللي شفته طاولات وش كبرها يبيعون عليها ما لذ وطاب من المأكولات بس

2- التربية: الأكل في المقدمة طبعا ...لكن نوعوا شوي وباعوا العاب ...cd ..وجيه جوالات

تحف...ورود...طيور....لكن التنويع قليل جدا واكثر شيء الأكل ( كأننا في مجاعة)

3- الترجمة: مدري وش اللي موديهم عند مبنى 4 ...

اما اللي شفته كله اكل وشرب ( ما كن بيوتنا متروسة اكل)..

باستثناء ..نقاشة كانت تنقش للبنات ....و بيع تذكارات- تي شيرتات. وأكواب مكتوب عليها

open day ( وش هالذكرى اللي بنطلعبها اذا كان كلهم ما عندهم الا اكل )

^

^

صادقــــــــــــــــــه الذكرى اننا لما نطلع ونتخرج نصير دربيات

ولا انسى اقولكم انهم سووا مسابقة اللي هي عبارة عن كورة من ورق الجرايد معلقينها

^

^

^

امحق لعبه وش قالولهم حلبه مصارعه على بالهم جايبين فكره واخرتهاا .. بعدين تعرفون

ويضربونها بعصا والبنت القوية اللي تفتحها تاخذ الجائزة اللي بوسطها..صراحة تحمست

اعرف الجائزة ...حاولوا البنات انهم يفتحونها بالعصا ..وبنت ورا بنت... بالعافية فتحتها بنت...

تدرون في النهاية وش اللي بوسطها....

فكروا

حزروا

فزروا

متحمسين تعرفون........................

..................

يعني وش بتصير .........اكيد اكل ( شوكولا) ...ههههههههه( شر البلية ما يضحك)

والحين نجي لآخر كلية..4-العلوم الإدارية...

امس باعوا اكل وشرب ( احس محد محتر من كثرة الأكل الا شركة الخليج)

واليوم نايمين ..ما سووا شيء ( كل هذا خوف تفوتهم المحاضرات)

وأغلب نشاطاتهم تبدأ بكرة الثلاثاء .عشانهم عارفين ان نصف بنات الكلية عنهم اوف

( نذالة وبس .......)

^

^

^

تحسبين هم يفوتونها لنا نذاله ومن قلب عشان يقالك

حرصا على احوال درستنا امحق يبون نكد ليل نهار ونطلع

منتفين لا وظايف ولاحتى تقادير سنعه

يعني باختصار يوم مفتوح على ايش؟؟؟

ولا انسى نشاطات المصلى بالإضافة الى الأكل والورود( اللي صاروا اساسيين في المفتوح مثل

الهواء والمويه) ..دقوا لهم خيمة وفرشوا زل وحطوا ركن هوايات ومواهب اللي عندها موهبة

وتبي تشارك (بصراحة ما سمعت الا اصوات بنات المصلى؟ مدري فيه احد شارك؟)

وأحلى شيء سووه (لوني حياتك) ركزوا لوحات رسم وخلوا البنات يلونون بالبويه عليها

واللي برد قلبي ان البنات كتبوا ( لا للحرب.....معك يا عراق.....no war....) لكن ياليت

المظاهرة كانت على اوسع .< ..... الله يستر بكرة تلقوني عند الشؤون...تراي مراسلة بس

^

^

^

كركركركركركركركر الله يرجك بلى جد مهويه

اعزائي المشاهدين انتهى تقريرنا ...وانتظروا تقرير يوم الأربعاء

قمر الزمان.....قناة المقهورات ....سجن عليشة

^

^

^

^

والله ماتسذبت اختنا في الله كل كلامها ميه ميه

تحياتي فتاة

للامانه تراها منقوووش من التفتر (الدفتر ) السري للجامعه

التعليقات اللي بالحمر من تعليقاتي مالها دخل بتفتر الجامعه