Booking.com
ابن لام الدويسي

قصيده وردها

Recommended Posts

السلام عليكم

قصيده جميله وردها بين الشاعرين عمر عبدالله المسعر والشاعر محمد الذرفي

قال الشاعر الشاب عمر المسعر

يامحمد وصلك القاف من ساعة الضيق

وأنا اللي ليا ضقت غنية قافي

أوسع الخاطر بزين الطواريق

لو بالصدر من الخوافي خوافي

وأسند ابياتي لشروا رجال(ن )مطاليق

شرواك ياللي ليا وعدت تافي

وأنا يامحمد مااجيب بالهرج تلفيق

صريح ولا همني هرج(ن) إخلافي

حلق بمغزاي يا أبو سند تحليق

ترى للجبل مرقاب ولطعس سافي

ولا يالذرفي ياطول رقاب الغرانيق

بوقت(ن) على الحر الأشقر عجافي

يقولون نافق تحصل معزه وتصفيق

ويسمونك القوم رجال(ن) سنافي

أحب أراوغ بالقصد ولا أحب توهيق

ودوم مغزاي على الغشمان طافي

وأقول لسلف دقه و للقير تعشيق

ولدرب مشتاق وللمواليف لافي

أحدن يقابل خله بنصف الطريق

وأحدن يعني لخله والقدم حافي

وليل الشتاء يالذرفي عذاب العشاشيق

طويل وبارد ولابه حضن دافي

أصبح ولا يحصل لي فكت الريق

وأمسي ولا يحصل لي تلحافي

رغت بالقصد ويعلمه رب المخاليق

وريحت الضمير ولابي خلافي

و رد الشاعر محمد الذرفي /

الصدر مصنع شعر والبوك تسويق

أخذ من اثقاله وكب الخفافي

واليا بغيت اغرق السوق تغريق

لا شك ماودي تعدى كفافي

راع الحفر سير على راعي ابقيق

ونور بنوره كل ماكان طافي

المدح والترحيب في مثله ايليق

يامرحبا ياشوق جال الرهافي

يالي عدوه كل مايسكر ايفيق

ياطوحت بيض العذارى الغدافي

اسند علي كنك على قمة اطويق

اصعد سنود وعلمن لاتخافي

اغنيك عن شوفات بعض المخاليق

وعطيك علم(ن) يابن الاجواد شافي

علم(ن) ترى ماهو بمزح(ن) وتعليق

تجارب اللي قال للوقت كافي

بس انت حيرتن وانا ماقدر اويق

على خفايا خافقك ياسنافي

فريتني (ك) مروحة طائرة ميق

ولاظن جفني عقب ماصار غافي

شوقتني لمجاذب الهرج تشويق

وتركتني في حيرتي وارتجافي

ياليت لو دققت بالوضع تدقيق

وعطيتني شرح(ن) لدعواك وافي

وعطيك حل وفلم للحل توثيق

يظهر خفا المكنون لو كان خافي

وتطبق اللي شفت بالفلم تطبيق

وتصبح مدير المدرسه بحترافي

سلامتك ياعمر لا تشكي الضيق

عساك يامشكاي دوم امتعافي

شارك هذه المشاركه


رابط المشاركه
شارك

من فضلك سجل دخول لتتمكن من التعليق

ستتمكن من اضافه تعليقات بعد التسجيل



سجل دخولك الان