راعية جبل عسره

الله يجزاتس خير ... بس عاد بكم ؟؟ لاني بصير معتس شريكة في البيع هههههههههههههههههه

تسلمييييييييييين على البوادر ما شاء الله عليتس يا سماء صرتي تبيعينهن في سوق السبت ؟؟ مبسطتن بهن اجل ؟؟ واجل ما دام انتي تبيعين بشتري منتس الثاني (البيج) بكم تسومينه ؟؟ تحياااااتي

هههههههههههههههه مشكور حرماوي على الموضوع

واحشنا ... ماتدري وين ظهرة عسرة فيه ؟؟ افاا بس افااا عند مسيل التسلبي تحياااااااااتي

الللللللللللللللللللللللللللللللللللله ثبت الموضووووع شكرا للي ثبته سماء النسيان مشكوووره على تفاعلتس معي .. يا حبني لتس تكفين طفلة حرمه ... هلااااا وحياتس الله في منتديات حرمه ومشكوره على مروورتس ===== ملاحظة ==== بنزل الجزء الثاني يوم الاربعاء انشاء الله تعالى تحيااااااتي

مشكوووورين على المرور : واحشنا : وراك ما قطتا الاتصال ؟؟ كود بعلم يعني المهم مشكوور على ا لرد الحرماوي : اقوول تراي مااقصد أحد في القصة وان تسانك تعرف احد تسذا قصتهم أجل هذي صدفة .. واكرر هذي من نسج الخيال ... ومشكوور على مروورك ابو حسن : مشكوور على مروورك وانشاء الله بكملها باسرع وقت ممكن .. على مروركم تحيااااااااتي

هههههههههههههههههههههههه ... ياحليلهم المصاريا أما أديها بدل ابدا صرااحه حلووووووة ... بس الاحلى معاينه قبل الطباعة ( بصة في السريع ابل مانطبع ) مشكووووور اخوي واحشنا على الموضوع والابدااع .. تحيااتي ..

يا هلا وغلا فيكم .. وش اخباركم ياأهل منتديات حرمه .. هذي قصة كتبتها من خيالي المتواضع !! وارجوا انكم تتفاعلون معي علشان انزل القصة كاملة وسلامتكم .. ==================== ==================== قصة عائلة خيالية تسكن في حرمه .. وإليكم شخصيات القصة : ــ *محمد : (الاب) متقاعد .. وكان يشتغل في إدارة التعليم بالمجمعة . * شيخة: (الام) .. {لابسة حنكة} الأبنـــــــاء : *فهد: عمره 35 سنة مدرّس في إبتدائية حرمه ،، متزوج من حنان {من أهل شقراء} ولا رزقهم الله بعيال . وهو صابر عليها بسبب العشرة اللي دامت سبع سنين ولا يبي عيال الا منها وأمه تاركته على راحته مع انها ودها تشوف ذريته .. *حصة: عمرها 29 سنة متزوجه واحد من أهل المجمعة اسمه عبدالله "32سنة" يشتغل أمين مكتبه في ثانوية . وترك التدريس لانه عصبي ولا يتحمل استهتار الطلاب . وعندهم ولدين يزيد "5سنوات" .. وأسامة "سنتين" .. *سلمان : عمره 21 سنة يدرس في جامعة الإمام المستوى الثالث "كليه اللغه العربيه" يجي لحرمه كل اربعاء ويروح للرياض يوم الجمعة كل اسبوع * هديل : 19 سنة تدرس في كلية التربية بالمجمعة قسم دراسات اسلامية .. وباقي الشخصيات تعرفونهم من الاحداث .. ----------------------------------------------------- && الجزء الأول&& : هديل : إيه اجل يا منى عطيني عباتي شوفيها وارتس .. فهد جاي من زماان يحتريني << في الكليه منى {صديقتها} : خذيها يالله . مخليتن أخوها في ذا الشمووس . وتلبس هديل عباتها وهي تضحك على منى اللي من أيام متوسط وهي صديقتها على خفة دمها . في بيت ابو فهد : **مع العلم ان فهد ساكن معهم في نفس البيت ** ابو فهد : والله ياام فهد مرقوقتس ماادري وش بلاه من تالي ماعاد هو مثل منول ... أم فهد: هو !! ورااه ؟ ابو فهد : انا ادري عنتس ؟ انتسبيه بس . أم فهد : لا لا ألين يجون فهد وهديل عشان نتغدى جميع . وفي هاللحظة تدخل حنان ... حنان : ماشاء الله . وشذا الريحة الزينة ياخاله ؟ أم فهد : ايه وش يدريتس قاعدتن فووق متدودلتن في ذا التلفون من الصبح .. من تكلمين في ذا الضحوة ؟؟؟ حنان: هههههههه .. اكلم ايمان << اختها ، أم فهد : ........ حنان : إلا مادريتي ياخاله تراهم عجلوا بملكة ايمان يبي يخلونها الاسبوع الجاي . أم فهد : ايه اشووى . مابغوا .. من العام وهي مخطوبه ، الله يوفقها مار . أبو فهد : آمين .. حنان : ايه عاد ياخاله .. ابيتس تروحين معي لشقراء نحضر الملتسه !! انتي وخالي . أم فهد : ايه نشووف ابو فهد : الله يوفقها انشاء الله ويرزقها ويرزقتس بالذرية الصالحه ! حنان وهي دموعها تغورق : آمين ......... وتطلع يدخل فهد وهديل ويتغدون .. بعد اسبوع يوم الاربعاء الساعه 4 العصر .. ام فهد قاعده في الصاله تزيّن وتحط ديرمه وتعدل حنكتها . ويجي فهد وهو متكشخ ويقول .. فهد: وينها حنان صيفت ؟؟ وراها ماتجي ؟؟ ورانا طريقن طويل . حنان وهي تنزل بسرعه : ايه هذاني جيت . هديل وهي تووها تقوم من النوم : ماشاء الله يمه تتروحين ؟؟ وانا اقعد لحالي ؟؟ حنان : قايله لتس تعالي معنا وشوله تعيين .. هديل : طيب متى بيجي سلمان وراه ابطى ذا السبوع ! أم فهد وهي تلبس عباتها : ماادري عنه . ازهمي عليه اخاف انه نايم . وفي مكان ثاني .. في الطريق السريع .. كان سلمان راجع لحرمه .. وفجأة يرن جواله ، شاف من اللي زاهم .. ------ هدهد يتصل بك .. ----- ويرد عليها : ألوووو .. هديل : الو . هلا .. وينك وراك ماجيتا ؟؟ سلمان : ايه . نمت الظهر وتوني قايم .. الحين انا في الطريق .. وش تبين ؟ هديل : ايه الله يخليك تعال امي راحت مع فهد وحرمته وابوي لشقراء وانا لحالي في البيت سلمان : وش عندهم ؟ هديل : تعال انت واعلمك . سلمان : ايه تساد انا اقول وش الطاري زاهمتن علي .. يالله مع السلامة . هديل : مع السلامة وتحط هديل السماعه من اخوها .. وزهمت على منى .. وتقعد تسولف معها مغير حش باللي في الكلية،، سلمان يمشي بالطريق وهو حول محطة العتش . ويهوجس ومشغلن الرادو ويتوحى فيه ..... وفجأة !! طرووووووووووووووووووووم والساعة 6 حول المغرب ... حطت هديل السماعه .. واستاحشت البيت لحالها وقالت ابزهم على سلمان اشوف وين هو ؟ وتزهم عليه ... وتلقاه مقفووول !! وتزهم على حنان ماترد عليها . مرت الساعه والساعتين الين صارت الساعه 8 ونص .. زاد خوفها على اخوها .. كان يقول لها العصر انه بالطريق والحين بيأذن العشاء وهو ما جاء .. وفي شقراء ... وبالتحديد في بيت أهل حنان .. كانت حنان مع اخواتها وحريم اخوانها يولمن اختهن ويزيننها علشانها تبي تنزل للحريم عقب شوي ثمين تروح يشبكها رجلها .. وحاطه جوالها في الصالة اللي فوق وكانت هي ياتحت ياعند اختها تزينها وترتبها .. راحت لعند الجوال لقت .. 5 مكالمات لم يرد عليها .. كلهن من هديل ، وقالت اكيد تبي خالتي << لان ام فهد ماعندها جوال أم حنان : هذي والله الساعة المباركة تزورينا يا ام فهد .مرة ماقد شفناتس ابد .. أم فهد : والله تدرين بعيدين وماألقى أحد يوديني . كلن لاهين في شغله ... أم حنان : الله يعين .. تجي حنان عند خالتها وتقول حنان: خاله .. هديل متصله علي تبيتس !! ام فهد : ايه ضاق صدرها لحالها .. ايه ساد خل ينفعها التوزوز في البيت حنان : بس .. بس تراها زاهمه خمس مرات ......... وتعطي الجوال لخالتها . في حرمه ... هديل تقول في نفسها : وش بلاه اخوي ماجاء ؟؟ أخاف انه نسى شئ في الرياض وراح يجيبه !! طيب وراه قافل جواله ؟؟ يمكن خلص شحنه !! طيب وراها حنان ماترد علي ؟؟ اكيد لاهية مع اخواتها . ازهم على منى توسع صدري؟ لالا أخاف تقول وش جاها ووش تبي ؟؟!! وقعدت تسكت روحها بهالاجوبة عشان ترتاح .. وفي هاللحظة رن جوالها .. نقزت من الفرحه راحت ترد لقت .. ---------------- حنان يتصل بك .. ------------- هديل : ألووو .. ام فهد : الوو .. هاه وش تبين ؟ هديل : اهاا .. وش اخباركم ؟ وش اخبار عرسهم ؟؟ زين ؟ اها شفتي العاروس ؟؟ عساها زينه .. ام فهد : صدز عاد .. زاهمتن علشان تسذا ؟؟ مالت عليتس . مخليتن الحريم الحين انا . يالله مع السلامة .. هديل : اصبري يمه !!! وتصك السماعة في وجهها .. ضااااقت الدنيا بهديل ... تحس كل هموم الدنيا على راسها ماتدري وش تسوي .. زهمت على حنان مرة ثانية .. ماردت .. بغت تزهم على فهد ..بس تخاف انها تقوله سلمان ماجاء وبعدين يرجع فهد لحرمه وهمين يرجع سلمان ويقول وش فيها اذا تاخرت شوي ويزعل فهد ويحنق بلاه رجع بدون سبب .. ومايجيبهم وينام وتصير مشكلة كبييييرة .. حصة .. صح حصة ليش ماازهم عليها ؟؟ وفي مكان ثاني .. في المجمعه .. يزيد وهو يصيح: يمه ! شوفي أسامه خذ هديتي اللي عطوني اياها في الروضة . حصة : ميخالف .. اسامه توه صغير مايفهم شئ .. يزيد: لااااا يماااه حصة : طيب .. وتاخذ اللعبه من اسامه , ويقعد يصيح هو الثاني .. فجأة .. ....... : وجعن بلى !! وشذا الصجه الله يصجتس انتي وعيالتس .. التفتت حصة شافت عبد الله واقف معصب والشر طالع من عيونه .. حصة : وش اسوي بهم ؟؟ أسامه يبي لعبة يزيد ويوم اني .... ويقاطعها عبد الله .. عبدالله وهو يزاعق: ماعلي منهم .. الواحد مايعرف ينام في ذا الدار .. اوووف .. وياخذ شماغه وعقاله ويطلع من البيت .. وحصه شافت عيالها واقفين خايفين ساكتين ودموعهم على خدودهم .. ونزلت راسها .. ويرن جوالها .. ---------- أهلي يتصل بك .. ---------- ترد ... حصة وكل هموم الدنيا على راسها : ألوو . هديل : حصة وشلونتس ؟ ؟ وشلون يزود واسامه ؟ حصة : آه . طيبين .. وشلونكم انتم ؟؟ اها متى راحت امي ؟ هديل : من العصر رايحه .. حصة : وش اخبار سلمان ؟؟ هديل : ماادري عنه ؟؟ حصة وهي متفاجأه : وشو ؟؟؟ وشلون ماتدرين عنه ؟ وتقعد هديل تقوول لحصة وش صار لها .. في المجمعة .. وتحديدا بمستشفى الملك خالد.. في الإسعاف ... كان سلمان مسدوح على السرير .. وحوالينه اجهزة غريبة والاطباء من حوالينه يتكلمون .. راح واحد من الممرضين وخذ بطاقته الشخصية وشاف اسم الابو وخذ رقمهم من الاستعلامات المهم انه زهم على بيت ابو فهد .. في طريق شقراء لحرمه .. أم فهد : ايه و حنان شايشتن مررة .. ماقعدت مع الحريم ابد . فهد : اييييه .. ايه بصرها خلها تمرح عند اهلها مبطيتن عنهم .. أم فهد : اها متى نبي نوصل ؟؟ جاني النوم . ما قد سهرت مثل اليوم ابد .. فهد : مابقي شي ........ ويرن جواله . ------------ أم يزيد يتصل بك .. ---------- فهد : وش تبي حصه زاهمه هالحزة ؟ ام فهد : ماادري عنها يرد فهد : ألوووو. حصة : فهد وشلونك وش اخبارك ؟؟ فهد : طيب ولله الحمد حصة واللي حبت تدخل بالموضوع مباشره : سلمان مابعد جاء الى الحين .. فهد : وراه ؟ قطه مهوب جاي هالسبوع . حصة : الا ماشي العصر ولا بعد جاء .. واذا زهمنا عليه جواله مقفول !! فهد : هه ؟؟ طيب طيب الحين نبي نجيكم أبو فهد واللي كان نايم طول الطريق : وش فيك يا فهد ؟ فهد : سلمان ما وصل لحرمه !! هديل كانت تتلقى خبر حادث اخوها من الممرض مثل الصاعقة اللي نزلت على راسها ... تحس ان منكب عليها ماء بارد ولا ردت عليه وسكرت السماعه .. ودقت على حصه . هديل وهي بين دموعها : ألوووو ... حصـ ـهه .. سلمــا مـــا ن ... سووى حاااادث يا حصة .. حصة : وشوووووو ؟؟ من قالتس .؟ هديل : تو زهمو االمستشفى وقالوا لي .... وتحط السماعه وهي تصيح صياح ما عمرها صاحته تحس ان اخووها مات او صار له شئ خطير .. حصة بهاللحظة ماعرفت وش تسوي .. تبغى تروح لاهلها توقف معهم .. تشوف وش اخبار سلمان .. بس عبدالله طالع ولا تقدر تزهم عليه لانه طلع وهو معصب .. وتخاف تقول لفهد يمرّ عليها.. يرجع رجلها الحين ومايلقاها .. ويعصب زيادة .. وقعدت تصييح الين تشووف الاقدار وش تسوي بها !! وقفت سيارة فهد عند بيتهم .. نزلوا كلهم .. راح فهد يركض للبيت ويوم انه دخل لقى هديل عند التلفون .. وتصييح راح عندها وقال لها : وش فيتس ؟؟ احتسي .!! هديل : سلمااان مسوي حااااادث .. وبهاللحظة كان ابو فهد وام فهد توهم داخلين .. سمعوا الخبر .. وقفوا أماكنهم متصنمين .. أم فهد نزلت دمعة حارة من عينها بدون ماتحس .. ولدها حبيبها يصير فيه حادث .. ولدها شعرت قلبها اللي دايم معهم يسولف وينكت ويضحك معهم يسوي حادث وهي ما درت .. فهد ركب السيارة وراح طيراااااان للمستشفى .. في المجمعة .. حصة تصيح وتشهق .. على حالها .. وحال اخوها اللي بين الموت والحياة , وحال اختها اللي بلحالها في البيت تواجه الموقف, وحال امها اذا عرفت وش راح يصير فيها لان ام فهد مدلعه سلمان ولدها وماتسميه الا شعرة قلبي .. وعلى حال اولادها اللي ماتدري وش يكون مصيرهم .. ويدخل عبد الله .. ويشوفها تصيح ولا عبرها , ولا سلم ولا حتى سألها وش فيها تصيح ... ويروح لغرفته .. وراحت وراه . حصة : عبد الله .. ميــ ميخالف توديني لبيت أهلي علشان أخوويـ .... عبد الله وهو مقرب منها : ماصارت عيشه هذي !! سواقن عندتس أنا ؟؟ الحين تبين تروحين لهم في ذا الليول ؟؟ وشوله ؟ او تبين تعانديني وبس ؟؟ ...... وراح للسرير .. حصة : لا ..لا بس علشان سلمان مسووي حادث وأبغى اروح اشوفه !! ونزلت من عينها الحزينة دمعة .. عبد الله وهو يتلحف : واذا اخوتس سوى حادث لازم تحسريني يعني ويناااام .. وتطلع من الغرفة و تصك الباب و تتسند عليه وترجع لصياحها !! في المستشفى ... واقف فهد ينتظر الدكاتره يطلعون من غرفة سلمان يشوف وش فيه .. ويجي صوت من وراه .. ........... : فـــــهـــــــد !! =================== =================== وهذا الجزء الأول واتمنى انه يعجبكم .. وابي توقعاتكم لهالقصة وشكرا ..

هلاااااااااااااااااااااااااا بنوير والله نكت رهيبه يابنت عبيد ههههههههههههههههههههههههههههه تسلميين ونتمنى المزيد .. من إبداعك تحيااتي راعيت الجبل

يا قلللللللللللللللللللللللللبش .. مابقي الا القطيوة ترقص ياحليلها لا اجل ابشركم ذاك اليوم انا موحيتن قطوة تحتسي وتقول : مياو ميووووويووووه ياربيه .. والله احسبنها وحدتن من البزارين الله يرجها هي واختها وابو ناصر تحياااااااااااااااتي

يا حظظظظظظظظظة بيته نظيف مرة .. مايحاول يبذل اي مجهوود حتى الزبالة ما يكبها . تحياااااتي ابو ناصر

وشفيكم وراكم تضحكون على البعير ياويلاه .. شاف هالسيايير ملبقتن في هذا وقال هذولي وسائل المواصلات وانا منهم ولبق والله .. بس الشرهه مهيب عليه الشرهه على الكمخة اللي نزل وربطه << في كامل قواه العقلية ؟؟ هههههههههههههههههههههههههههههههااااااااي تحيااااااتي ابو ناصر ومشكووور على الصورة ..

ههههههههههههههههههههههههههههههههــ ــهههههههههههههههههههههههههاااي . ياحليلهم ذا الحافين يدرسون بجد واجتهاد وذا الحرمة اللي مع البزارين << تدرس هي او فراشة ؟؟ .. اما اللي نايم على الطاولة في فصلهم ستاير (يعني مافيه شمس) وشكله مكيف وفي سابع نومه هههههههههههههه يا ثقل طينته ياليت من يصبخه على خشته ذا اللي متورمه .. تحيااااااااااااتي

ههههههههههههههههههههههههههههههه. ياحليلهم اجل سامحين بجوال الكاميرا هالدجاج .. الله يرجك ابو ناصر

اذا تبي تناظر في حياتهم ذا السودانيين بتشووف اكثر . وبعدين تسايدن عليه ذا التربيط .. تسلم على الموضوع تحياتي

وشاف في الخيمة كلش مولم وكلشن يهول ..بس مااعجبه كل هذا لانه .... كملوا مشكووووور ابو ناصر على الموضوع واللعبه الرااااائعه تحياااااااااتي

تسلم يا ابو ناصر على هيك مواضيع .. ادب ونصوص ... انفقت كليتي من الضحك عليها . (كليتي او مدرستي) هههههههههههههههه تحياااااااااتي للجميع

الله يازين لعبة المروحه القعادية .. اذكر منول كلنا نلعبها . واللي يطلع لسانه تقرضة المروحه ويطلع من اللعبه . ههههههههههههههههههههههههههههههههههههههههههههههههههه تسلم يابو ناصر على الموضوع ونبي زود من هالخنابيتس . تحياتي

ارشح أبو ... ابو فيصل وبس .. ksa خلوا عنكم ستار اكاديمي وستار سيتي اها بس . ويسلموووو على الموضوع ابو .. ابو. ابو ناصر تحياااااااااات راعية الجبل

حلوووووووووووووووة يا الشويش عطيه ... أما الشايب عليه حركات ! تسلم عل الموضوع .. تحيات راعية الجبل

السلام عليكم ... هلا بو ناصر وشذا القصيده ماشاء الله على هالمصري تحياااااااااااااااااات راعية الجبل

تسلم يا ابو ناصر على الموضوووع ... بس انا ضد فكرة تقويم النايم >>>>>>>مجربه التقويم بصراحه فكرتك هذي لو احد يدري عنها عز الله اني ما نب نايمه ابد تحياااتي

مشكوور على القصة اخووي ابو ناصر ... تحيااااااااتي

السلام عليكم بصراحه الى الآن ما بعد زعقت .. لان الناس نايمين ابزعق الصبح واعلمكم .. تحيااااتي السعودي ومشكور على الموضوع اللي يهوول

ههههههههههههههههههه تسلم على الصورة ... موضوووع رائع تحيااتي