محتشمة

بسم الله الرحمن الرحيم أخواتي وأخواني .... أقدم لكم أول موضوع قد يكون عفوي .... ومن خلال تجربة شخصية .... عبارة عن مواقف زوجية حدثت بطريق الصدفة ولكن نتيجتها زعل الطرفين .... نبدأ بالموقف الأول : كان زوجي يلبس في الغرفة ثوبة وشماغة ويتعطر ويكلمني عن اجازته بكرة ووده يطلعنا للبر وكان يطالع في المراية ويشخص ثم طلع من الغرفة وقال لي وهو في السيب ... وش رايك يأم فهد أمر أمي وأخواتي بكرة ونطلعهم معنا ؟ ...... ( مارديت ) .... ؟ أقول أم فهد ماتسمعيني ؟ ( كان في السيب ولا يشوفني ) .. وقال هذا أنتي إذا الموضوع لأهلي وأمي وأخواتي ما تردين طالعة على أبوك يجمد الواحد واذا ماجازت له الحتسوة يرد ويهين الواحد ... ( الرجال قام يحش أبوي وأهلي لأني مارديت عليه ) تدرون ليه ما رديت عليه ؟ أول ماطلع من الغرفة كبرت أصلي العصر ... وجلس يسألني وهو في السيب وانا أصفق واطقطق ولا أنتبه .. ويحسبني مارديت لأني زعلة مابي أهله .. عاد أنا بصراحة .... من تكلم في أبوي وأهلي وقام يحش فيهم .... خلصت من صلاتي وقلت له وشفيك نشبت بحلقي وأنا من طلعت من الغرفة كبرت أصلي !!! تبيني أقطع صلاتي وأرد عليك ؟ .. وبعدين ليه تحش في أبوي وأهلي ............ ( إلى هنا والباقي معروف ) من المسئول عن هالموقف ؟ رغم أنه بدأ بدون سبب !!! وأنتهى الموقف بنومتي عند أهلي ولا طلعنا للبر الموقف الثاني : بنروح نتغدى عند أهله يوم الجمعة .. وكان مستعجل لأن أخوه بعد الغداء بيسافر ... المهم نزل وقال ترى إذا تأخرتي عن خمس دقايق أبمشي بلحالي .. وأنا قلت يارجال تعوذ من بليس أنا خلصت دقيقة بس . نزل وشغل السيارة وأنا خذت ولدي فهد ونزلنا مع الدرج وأنا ملبسته ومجهزته .... وحنا في نص الدرجة قالي فهد : يمه فيني بوله قلت يالله للحمام بسرعة لا يبلشنا أبوك فصخت ملابسة ودخل الحمام الله يخليه لنا وطول الولد ماصارت بولة طلعت كبيرة والرجال في السيارة يضرب بوري ومعصب وانا وش أسوي بعمري طيب ؟ وشوي ويمشي لحالة ويتركني انا وفهد ... وأتصل عليه ولا يرد .. أبيه بس يعرف سبب تأخري أنه مثل الموقف الأول خارج عن الإرادة ... ولكن أنتهى الموقف .......... بنومة عند أهلي بصراحة عندي كثير بس ماودي أطول عليكم ............ وأهم شي من هالمواقف .... أصبروا وأعرفوا يا رجال سبب الشي قبل لا تعصبون وإلا تمشون وتخلونا .......أختكم أم فهد .......

بسم الله الرحمن الرحيم السلام عليكم هذه أول مصافحة لأختكم محتشمة أرجو قبولي بينكم