سيارةالفليت..1..

اختي راعية القري..يؤ يؤ بس لا تعلمين احد اوك؟ جالس متربع..يعني بتفهمنا انك توك مبعد وصلت الثلاثين وتشوف الصرقعه والرجه اللي فينا ترى من اثار الفليت الله لايبلاك الصعيداء..ترى اخوي مامن زود في الاماكن الله يخلف من خكارية الرياض خبرك

عفوا اخوي الصعيداء..(سقط سهوا) وشكرا على التوضيح

فتاة سوق السبت..مشكورة على مرورك بالموضوع بس ماابشرك اللي تزوجت مبعد عقلت الله يصبرولد الناس عليها اجل بنبشر زوجها كانه يبيها تعقل يدور لنا معاريس وعلى فكره ترا فيه موضوع لنا يخص سوق السبت بس اصبروا بعد العطله لين يجتمع شمل الشله المرجوجه هواوي..ايه والله الله يذكرذيك الايام بالخير جالس متربع..طيب ليش ماتبوبز اجل كلنا في الهوا سوا مع سيارة الفليت

الله يرحمه ويسكنه فسيح جناته ..ونعم الرجل

اخوي المغترب(الله يفك غربتك ) الله يبارك بعمرك.. احب اقولك ان سيارة الفليت شي مو عيب بالعكس نفتخر فيه(امحق ) وبعدين ليش بالانجليزي احنا عرب وهذي لغتنا وبعدين حنا مانبي الانتشار العالمي ابد حدنا حدود حرمه(ناس قنوعين )

ههههههههههههههههههههههههههههههههههههههههههههه حلوه اجل وزيره مره وحده بس الله يهديه لوانه سكت ياويلاه فشل البنيه تسلم يدك جودعلى هيك قصه

دلوعه.. لاتكونين من خوياتنا؟؟بس تكفين بلافضايح العليمي..ايه والله قسما بالله ان القصه حقيقيه(طيب احدقال احلفي ) واذاربي استجاب لدعوتك يافيه وحده تبي تجي تحب راسك الله يعينك الصعيداء..(الاوش معنى اسمك لاترى مب حنااللي نركض ابد الله يسترعلينا وعليك بلافضايح ياخي قدام الناس حنا مؤدبات بسم الله علينا

موضوع راااااااااائع حميان بس مب كنك جايب طارينا الحين وشوله تراكضون وراسيارة الفليت؟؟ مالكم حاجه؟؟ (عادشف من يحكي) يعطيك العافيه على هيك موضوع..

يؤ الموضوع مثب مااصدق .. مرتاح ..الله يعطيك العافيه ..بس حلوه هوانم جاردن ستي مغترب ..لاعاد سيارة البلديه مبعد وصلنا لهذاالمستوى بس الله يسلمك يوم انك رديت وعطيتناوجه .. حميان ..الله يسلمك على التثبيت والله من جد تشققنا

اهلين اخوي مغترب.. اما تهبط الكشه فكثرلي منها وعلى طاري سيارة الاسكريم اصبر تجيك السالفه وبالنسبه للزواج كفايه وحدهخل نشوف اول اذااعجبنانفكر ذيك الساعه خخخخخخخخخخ ومشكورعلى الرد( مااحدعطانا وجه الظاهر ماجزنالهم)

اهلين اخوي مغترب.. اماتهبط الكشه فكثرلي منها وعلى طاري سيارة الاسكريم اصبر وتجيك السالفه امابانسبه للعرس فكفايه وحده جربت حظها نشوف اذا اعجبنا ذيك الساعه نفكرخخخخخخخخخخ ومشكور على الرد (مااحدعطاناوجه الظاهر ماجزنالهم)

بسم الله الرحمن الرحيم.. ياهلاومسهلابحرمه واهل حرمه..والله تومانورال explorer بوجود منتدانامنتدى حرمه وعقبال افتتاح الموقع بس لاتنسون تعزمونا ولا نبي نتشره عليكم وبكروابالعزيمه عاد عشان يمدينا نفصل والله يااخواني واخواتي قراءمنتدىحرمه احب او بالاصح نحب نقدم لكم اول مشاركة في هالمنتدى وحبينا تكون اول مشاركه لنا نقول لكم سبب تسميتنا(سيارة الفليت) ودخولنابهالاسم بصحبة 3من صديقاتي وهم صديقات وقريبات من الطفوله وحتىالمراهقه وعقبال العجازه والشيخوخه (انشاءالله نكون صديقات العجازه نجتمع على كراث الضحىوقهوة الظهريه وبعدها كل وحده ترجع لبيتها ويهاوشها ابوهم(ابوهم=زوجها )ويقول وراتس ابطيتي (خوش طموح فتاة في مقتبل العمر ) >>>ماتلاحظون اني طلعت عن الموضوع الزبده..بصراحه هذي السياره لهاماضي في طفولتنا رهييب>>امحق ماضي حنااربع بنات واذاقمت اسولف عنهم اقول ثلاث واناالرابعه .. كنانجتمع بالعطل في حرمه واكثرشي وقت الصيف خبركم جوهامايتفوت كنت اشب على ابوي من اول السنه واهدده واقول اذا تبيني انجح احجز لنا لحرمه >>ياعمري على بالهاجنيف ومن زود الهول يقول اذاجبتي ممتازاوديك لحرمه واذاغيره بوديك لبنان >>>>انوااااااع النصب وكل ذاعشان عيونحرمه وجوهااللي يشرح النفس وتساقط الثلوج علىمدارالسنه والاشجاراللي في كل بيت وشاين يلقح النخل ويخرف(هذي حرمه باختصار) المهم ياحلوين>>لاتصدقون خبركم حرمه مدينه تحافظ على النظافه وتخاف من انتشارالامراض وكا ينتشر فيها وبكثره الجعاب والقعاسي واشياء واجد من ذاالحشرات وكل حوش من بيوت حرمه يمتاز بوجود هالانواع من الحشرات..وكانت وباستمرار تدور سيارة الفليت(على فكره كانت تجي كل سبت قبل اذان المغرب )وااااااااااااااو احلى شي سيارة الفليت نوع من الادمان عندنا من نسمع صوتها مقبله من عند بقالة التركي قبل لاتاصل شارعنا او عندبيتنا اللي براس العاير (علمتكم وين بيتنابس لاتعلمون احد )من نسمع صوتها نقوم قاحصات بطولناطبعاكل وحده مننا تكون فاقه خشتها عندالتلفزيون واهلنا طالعين ومهيتينايلحقون على الكراث والشاهي والنعناع والعصفر(اخبره للروعه بس يالله معكم ياذولا) ومن نقحص من طولنا ونفتح باب الشارع وكل وحده فينا كشتها انفش من الثانيه والرجول حافيات يالله لك الحمد على النظافه اللي فينا بس تعالوا حنا كششنا منتفشه بس فيه وحده من بينا كشتها بزودمالها مثيل(اناادري ودهاتكفخني) بس يالله لك الحمدلقت لها رجل اثاري الكشه لهاسربالزواج ههههههههههههههههه المهم >>>ياكثرماتقول المهم نصف اربعتنا عندباب الشارع ومن تعدي السياره وذيك الرائحه الزكيه (ولا بخورعبدالصمدالقرشي )ونبدا ندور وندور وندور>>> حشا مو فليت طيران عبيدعلى ذاالدوران وبعدهاندوخ وكل وحده تاقف بمكان ونشوف كل وحده وين واقفهرونناظربعض وكل وحده تضحك علىالثانيه>>>يااابثرنا حنا وشوشنا اللي تبخرت بريحة الفليت وععععععععععع والله اثرنا مانتاثربشي هذانا بسم الله علينا كل وحد فينا حية ترزق محدفينا مات ولاجاه شي>> تف تف تف ماشاءالله أهالاتنظلونا ومن زود الغباءاللي فينا ماقدفكرنا لو جت سياره وصدمتنا ولا طياره طيرتنا>>>خبركم الطيارات واجد بحرمه وسلامتك ونتمنى اننا مانكون غثيناكم بسوالفنا واننا نكون خفيفين عليكم اذاغثيناكم عادي قولوا مانكمل سوالفنا>>راعين طويله