المتميز

بسم الله الرحمن الرحيم السلام عليكم ورحمة الله وبركاته ... تقام يوم غد الجمعه مباراة الفيصلي والحمادة وهي مباراة تحديد مصير أو كما قال شكسبير "أكون أو لاأكون" ... نكون ياإدارة الفيصلي أو لانكون ... نعم نكون أو لانكون , الفريق تعرض في الموسم المنصرم للعديد من الاخطاء التي أوصلته لهذه المرحلة مع الأسف ومع ذلك لانطلب منكم الان إلا تحفيز اللاعبين فقط ونريد منكم في نفس الوقت الابتعاد عن الأمور الفنية و"الدكه" لأنها تخص الاجهزة الفنيه واداري الفريق فقط وكل مانطلبه منكم الان التحفيز ورفع المعنويات لاأكثر أما مايخص الامور الفنية دعوها هذه المرة للمدرب فطالما توجيهاتكم طوال هذا الموسم أوصلتنا الى هذا الحال إبتعدوا هذه المرة عن الامور الفنية لعل وعسى أن نظفر بالفوز في المباراة ... نكون يالاعبي الفيصلي أو لانكون .... أنتم أفضل من لاعبي الحمادة كل مايلزمكم هو تطبيق توجيهات مدربكم فقط وأهم مافي الموضوع هو التركيز والتركيز فقط وأعانكم الله في مهمتكم ونحن بإذن الله معكم قلبا وقالبا ولاأريد الخوض في أمور فنية حتى لاأناقض نفسي وأمنع غيري مما أرضى لنفسي به , هذه مباراتكم أخواني وإن أنتم أردتم الفوز فلن يعيقكم شيء بإذن الله والحمادة ليس بذلك البعبع المخيف فالفيصلي أفضل منه إن إحترمنا الخصم وسخرنا إمكانياتنا لخدمة الفريق ولاندخل المباراة بعقدة نحن الافضل ونكون أفضل من يخسر ..!! نكون أو لانكون ياجماهيرالفيصلي وأبناء حرمه ... نعم فريقكم وناديكم بأشد الحاجه لمؤازرتكم ولدعمكم وخصوصا من هم في الرياض وهذه أمانه أحملها جميع من يقرأ هذه الكلمات البسيطه أن يشد الهّمه ويطلب من جميع أقاربه أن يحضروا للمباراة كبيرهم وصغيرهم وأن يؤازروا فريقهم بحرارة وسوف يبقى الفيصلي بالدرجه الأولى بإذن الله بمجهوداتكم ودعمكم وسوف يحفظ الفيصلي في سجل تاريخه هذا الواجب وليس المعروف لابنائه ., القرار يعود لكم أبناء حرمه ولنرى ماأنتم فاعلون وأسأل الله العلي القدير أن يمنح الفوز للفيصلي ورجائي الحار لمن لايريد أن يحضر ويؤازر أن لايأتي بعد المباراة في حالة عدم الفوز لاسمح الله لينتقد فلان وعلان من الناس ... تحياتي .

السلام عليكم ... اخ دون ذا .. وشي اساسا عالم الرياضه علشان ماتتوقع منها هالشيء .. عالم الرياضه جريدة تجمع الكثير من المرتزقه ولااريد ان اعريهم الان وافضح بعض سقطاتهم ولكن لديك دليل الان ان هؤلاء السفله لايحترمون احد والدليل ان نص الحوار هو فعلا كما اورده الاخ مشعاب ...

السلام عليكم ... وفق الله هذه الكوكبه الرائعه في مهمتها القادمه ويجب ان يتذكروا بان هذا تكليف وليس تشريف فاعانهم الله عليه ومنتديات حرمه بتكاتف مشرفيها واعضائها سوف تحقق وبفتره قصيرة باذن الله تعالي ماعجز عنه الكثيرون ... تحياتي للجميع

السلام عليكم ... اعتقد هذه بداية السقوط , كل فريق يصعد لدرجه اخرى او يقدم مستويات جيده تخاطبهم الانديه الكبيره لضم اللاعبين المميزين وتوافق الادارات على ذلك وتعد بجلب لاعبين كفؤ ومن ثم يبدأ السقوط وترحل الاداره غير مأسوف عليها ... هذا لانريد ان يحصل في الفيصلي ودعمنا للفيصلي يسمح لنا ان نحذر الاداره والادله كثيره مثلما حصل في الرائد او احد او الوحده وغيرهالكثير .... ارجو من ادارة الفيصلي ان تنتبه لما قد يحصل عندما يفرط العقد ويصبح كل لاعب يبحث عن المساواه ويطالب بالرحيل وينهار الفريق لاسمح الله وارجو ان تتعامل بحزم مع مثل هذا الامور وصدقوني ان بيع اللاعبين يحقق عائد مادي في ظل غياب موارد الدخل ولكن ليس هو الحل بل هو بداية السقوط لاسمح الله . تحيات

السلام عليكم ... هذا منتدى حرمه ولاعلاقه لنا باي منتديات اخرى ... تحياتي .

اخوي ققح وش تسع طعشه لالا هذا مهوب سلاح حقيقي هذا بلاستيك

ـــــــــــــــــــــــــــــــــــــــــــــــــــــــــــ بسم الله الرحمن الرحيم ــــــــــــــــــــــــــــــــــــــــــــــــــــــ السلام عليكم ورحمة الله وبركاته ... احترت ماذا اكتب في اول موضوع في منتديات حرمه وقررت ان يكون هذا الموضوع هو اول موضوع لانه وببساطه حصد الكثير من النجاح في العديد من المنتديات بالاضافه الى تناقله في كثير من القروبات دون ذكر المصدر فقط مع الاسف ولهذا ربما هناك الكثيرين منكم قد قرأه ولاعتزازي بهذا الموضوع أحببت ان أطرحه بين يديكم .... سوف اسرد عليكم قصه حدثت قبل فتره ليست بالبعيده وليست بالقريبه ولكن قصه عجيبه وغريبه تبين اشياء كثيره تقع في هذه الدنيا بعضها نصدقه والبعض الاخر نقول عنه غير معقول ولكن هذا ماحدث فعلا إن لم يكن بالواقع فأعتبروه خيالا .... سافرت مره من المرات الى فرنسا وكنت ساكن في الشانزليزيه وبعدين كانت وجهتي الاصليه "كان" المهم جلست في باريس يومين وشفت قد ايش اخوانا المغاربه وضعهم سيء هناك ومضطهدين في البلدان اللي تطالب بالمساواه وحقوق الانسان وكل يوم يقتل شخص او اثنين من هالضعوف من واحد ابن كلب لكن لانه غربي مااحد يقوله شيء وهذا في جميع الدول الغربيه مهوب بس في فرنسا المهم ......... رحت لكان وانبهرت بجمالها وقصورها والمشاهير اللي فيها وصرت امشي وكل شوي اشوفلي واحد والناس تلاحقه والبنات يصارخون عليه وانا مااحد عبرني !!!!!!!! ليش ؟؟؟؟ مهوب مهم بس كنت اتمنى القى عربي واحد مشهور مالقيت بس كل شوي نمر من عند قصور ومضيفي في كان يقولي هالقصر للعربي فلان وهذا العربي فلان وانا ماقد سمعت عن بعضهم اصلا بس اغلبهم عايشين برا واستثماراتهم خارجيه ويفيدون عيال الغرب ويقوون علينا باموالنا وعيال شعبه كل واحد منهم جوعانين !!!!!!! وبعدين رحنا ونمت في قصر اللي عازمني وقال بكره عندنا سهره تكفى لاتفشلنا وتقوم تخرط بالسياسه على بالك فاهم كل اللي بيجون قاده وناس كبار وشخصيات عالميه بيحطونك تحت باطهم وانت ماتدري ..... اذا بغيت تكلم في الموضه ....... قلت الله يصلحك اتكلم في الموضه وانا في ديرة الموضه قال صح ........ طيب تكلم في الكوره !!!!!! رديت متنرفز منتب صاحي والله ...........ليش يامستر فيصل .......قلت هالحين فرنسا وبطلة العالم واقوى دوري عندكم في اوروبا الانجليزي واغلى لاعبين عندكم في اسبانيا وايطاليا وتبني اخرط في الكوره قال لاحول طيب السيارات قلت ابد اغلاهن واحسنهن عندكم ...... طيب يادلخ الطيارات ... قلت قم ارقد بس ازينلك هالحين كوره وعجزنا تبينا طيارات ....... اصلا كل شيء مااقدر اجاريكم فيه لاكوره لاصناعه لاسينما وفن لا ثقافه ..... انتم في كل شيء تسابقون الريح وحنا نستقبل خرابيطكم تحت مسمى التبادل التجاري والعولمه .........بس اعرف وش اجاريكم فيه وخر عني ,,,,,, المهم واصقعها نومه واقوم العصر بعد يوم مرهق ........ ويجونا الحلاقين والبنات حقين المساج واللي يلبسونا البدلات اللي مدري وشلون جايه ....... المهم كشخنا و قال يالله مشينا وكبيت على نفسي غرشة عطر ولبست ساعتي جايبها مناك قال وش ذا ساعه جيفنشي افصخها راحت موضتها واجدعها !!!!! قلت جدعوا راسك قل امين تدري بكم شاريها قال بس افصخها مالي شغل ... قلت ايه هذا انتم ماتقدرون تربحون من ورانا الا بقصة هالموضه بس عناد فيك مانيب فاصخها وابروح كذا ...... قال اجل لاتمشي بجنبي قلت بسلامتك المهم جانا ذا الليموزين الزين (موهب زي حقكم ) فياغرا طويل مره يوم ركبته قلت هذا الفياغرا ولا بلاش !!!!!! المهم وصلنا الحفل وكان جميع قيادي العالم موجودين قلت ياولد هذي فرصتك تعرف الناس بنفسك وبثقافتك العربيه الاصيله وتكسب احترامهم المهم دخلنا ويقابلنا في الوجه رئيس وزراء البرازيل ونسلم عليه بس ماش جاحدينه وواقف عند الباب يعني بعيد يعني الناس المهمين داخل يروعون !!!!! المهم قلتله ياحليلكم ورا منتخبكم دج قال اقول اقلب وجهك حنا وفي اسوأ حالاتنا نقدر نصقع اقوى منتخب من جماعتك العرب بدستة اهداف المهم ويسحبني رفيقي ويقول هذا اولها الله يعين على الباقي ..... المهم كل شوي نمر من عند يارئيس وزراء ياملك يارئيس دوله ماقد شفتهم الا بالتلفزيون لكن هالحين انا معهم واقول اللي ابي في وجيههم وكان موجود معذب امريكا فيدل كاسترو رحت سلمت عليه والله طلع حليل وزقرت بعد وعطاني سيجار كوبي واخذته منه وقلت وقع عليه بالله يوم نغزني خويي قال توقيع على سيجار !!!!!!!! المهم استمر الحفل كذا الين وصلوا اكبر المدعوين تباعا جورج بوش الابن وبعده كبيرة الحفل الملكه اليزابيث وزوجها الطرطور مدري وش اسمه يمشي وراها ماحد معبره وابنها تشارلز ....... المهم ورحنا وسلمنا عليهم ورحبت فينا وطلعت انا الوحيد العربي هذاك اليوم وبعد شوي جلسنا على الكراسي وكان معنا في الجلسه جاك شيراك وملك اسبانيا خوان كارلوس وكم رئيس بس مهوب مهمين ( سياحيين من الاكوادور وطقتها يدورون شرهات) وجلسوا يخربطون في السياسه ... بس انا ماجازتلي جلستهم ابي الملكه اليزابيث وبوش جالسين مع بعض ...... واستئذنت منهم وقمت وشوي شوي امشي علشان ماصقع بخلق الله ومادري الا ذيك اللي تنغزني من ورا والتفت معصب ..... خير ..... اوه اسف اثرها جوليا روبرتس ( بس وش جايبها بين السياسين مدري ) قامت تضحك وقالت انا الليله مامعي مرافق وانت مامعك مرافقه وش رايك نترافق .... قلت ليش لا ... ومير امد يدي خبركم اتيكيت وهي تمسكها وتوزع ابتسامات منا ومناك الين وصلنا طاولة الملكه الكبيره وبوش وتشارلز وولي عهد اليابان ... وفيه واحد وجهه مهوب غريب علي ياولد منهو منهو ...... ايه هذا الكلب شارون وتنغزني جوليا عيب استح واجلس واسولف معهم وكل ماعلق شارون ودي اتفل بوجه ولد الكلب واخو القرود والخنازير....... المهم بما اني العربي الوحيد قمت اسولفلهم عن الساعه انها من اختراعنا والاسطرلاب وخريطة الارض ..... وعشان اقهر شارون قلت وصلاح الدين قادنا يالعرب مع انه كردي وحررنا القدس الله يرجعها لنا من يد المحتل ..... يوم تغيرت وجيههم ولاتكلم شارون لانه لو نفس ... مطقوق مطقوق الله لايعوق بشر قالت اليزابيث بس هي من حق اليهود ..... قلت حقهم تبن من وين حقهم قالت ارضهم قلت وين الدليل قال بوش هيكل سليمان قلت وينهو قال تشارلز يدورونه .... قلت صفقني اذا لقوه هذولي يهود نصابين ... بعدين وشو هالدين اللي يبنى على خرافه ومايدرون بعد ماحرفوه وشو ساسه من راسه يوم قام الحمار الدب الكبير شارون وتركنا قلت اصرف ماعنده رد ابن ........ المهم ورجعت لموضوعي واعدد ماثر العرب يوم تكلمت اليزابيث قالت انت تعدد الماضي وين حاضركم ؟؟ قلت ماضينا انتم سرقتوه وكملتوا الدرب يالصوص .... يوم زعلت قالت لا مهوب صحيح قلت صحيح ونص يابنت الذين ( اعجبكم عصبي ) انتم يومكم في عصور الظلام حنا نبني ونصنع ونخطط وانتم جهله والدليل .... ان عندكم في متاحفكم الاف المخطوطات والكتب العربيه وكلها مسروقه قالت ايه لكن لوها عندكم ماعرفتوا قيمتها يالعرب يالداجين !!!! قلت حنا اللي ألفناها ماراح نعرف قيمتها ؟؟... قالت لا اللي الفوها العرب القدامي غير عربكم اليوم ... قلت طيب العرب القدامى كانوا متمسكين بدينهم اما اليوم انتم زعزعتونا وفرقتونا بقوميه وخربطه مالها داعي لان حنا يوم كنا على دينا كنا مسيطرين وبعد القوميه دجينا ...... وانتم تكرهونا كره الى الان وتخافون من رجعتنا لديننا الصحيح ..والدليل انكم تخافون من العرب ذبحتوا المزيوينه ديانا ..... يوم عصب تشارلز وقام يهاوش ... قلت انت كل تراب من يوم تركتها ورحت للشينه بنت باركر وانت طايح من عيني انا كلامي مع امك ياوصخ ..... المهم انحرجت في هاللحظه جوليا وراحت .....واكمل على اليزابيث ان التقارير اكدت ان ديانا كانت حامل ومن مين من عربي واكيد اذا جابت طفل بيكون اخو لملك بريطانيا القادم وبيتعاطف مع العرب .... قالت لا مهوب متعاطف.... قلت الا لان الحق معنا فقمتوا انتم تخلصتوا منها باسهل الطرق ... قالت هذا اتهام خطير ... قلت والله مهوب كلامي كلام الدول المجاوره قالت مين قلت فرنسا والمانيا واخواتها .... قالت اصلا فرنسا راس البلاء والمانيا وايطاليا ماعندهم سالفه وهي تزاعق بصوت عالي وبوش قال كلامها صح ..... واكد كلامها ... المهم شوي وتخربطت الصاله وقاموا يتهاوشون ويسبون بعض ويتهددون بعض وانا اتفرج ...... والدول المحايده يحاولون يصلحون بس ماش الظاهر ان الحرب بتقوم وقاموا يطلعون فضايح بعض والتقارير السريه ولعبهم على العالم ويذبون على بعض ... ياشيراك ياطويل الطول طول نخله والعقل عقل صخله .... اسكتي ياأم شوشه ياعجوز الجن ..... وبوش يذب على رئيس وزراء اسبانيا .. قم انقلع يابو شنب كنه شنب شريطي في حراج ابن قاسم .... وذاك يرد يابوش رح اضبط بناتك السكارى بعدين تعال تكلم ... وخبط كراسي وكاسات الشمبانيا تناثرت والاكل تطاير والصحون تكسرت ..... وطلعت انا بكل برود وقلت شفتوا هذا عربي مسلم بسيط سوا فيكم كذا ...... اجل لوا نتحد ونحب بعض.... ونترك المتغيرات ونهتم بالثوابت ..... وننسى الماضي ونطالع الحاضر ... ونهتم بجوهرنا بعقيدتنا باسسنا والله ان نبيدكم ياعيال ...... عن بكرة ابيكم ونرجع حكام العالم زي ماكنا ...... بس من يسمع ........ من يسمع ........ من يسمع ..................................... من يسمع وشكرا

اهلا بالاخ راعي حرمه .. هذه المعلومه معروفه ولكن لم تحفظ في كتب التاريخ الحديثه جدا ولكن كما ذكر الاستاذ فهد بن عبدالكريم بن عبدالمحسن بن عبدالله العبدالكريم "حفيد مؤسس الارطاويه " انه سبق وان ذكرت هذه المعلومه من قبل المؤرخين الذين عاصروا تلك الفتره وهناك ادله كثيره تدعم كلامه , و يؤكدها ابناء فيصل الدويش انفسهم ولمن يريد المزيد من الاطلاع ليس في هذا الموضوع فقط وانما في حركات الاخوان بشكل عام الاطلاع على الكتب المختصه واعتقد ان حركة الاخوان المسلمين تلك كانت اول حركه من نوعها ولمن يريد الاستزاده في هذا الموضوع استطيع تزويده بمعلومات كثيره وشيقه ... تحياتي تحياتي .

الاخ حليب خلفات ... أهم شيء عدم التكلّف في الاحتفالات , أذكر سبق ان عملنا أنا وبعض الاخوه حفلا كبيرا في نادي الهلال وكان مبسطا وروعي في عدم التكلف وقد نال استحسان الجميع فاتمنى التبسط قدر الامكان والتوفير لان الموسم القادم سوف يشهد تكاليف اكثر .. واذا احتجتم لاي مساعده نحن بالخدمه فالفيصلي نادينا الاول وانا وكثير من الاخوه ممن لهم باع في هذا المجال بخدمتكم

هلا والله بحلوووس ... عالبركه الموقع وتراه ينتظر منك الكثير وخصوصا كل ماهو هلالي وانت في شبكة الهلال اخذت مكانه كبيره بفضل مجهوداتك الجباره وانت من انتاجنا عاد نبيك تشد حيلك في هالمنتدى اكثر وطبعا لاتنسى تعطينا اخبار النصر اول باول علشان مايزعلون الحبايب علينا ولاتنسى اخبار الفيصلي تحياتي .

السلام عليكم ورحمة الله وبركاته ... هذا الموقع الذي كان حلما يراودني منذ زمن بعيد وهاهو يتحقق على ايدي ابناء حرمه الافاضل فاحمد الله واشكره على ذلك وهذا الموقع يحتاج منا الكثير والكثير ... وهذا الموقع نأمل أن يصبح شبكه تحوي على كل مفيد وجديد وان تكون المنتديات جزء صغير من موقع كبير يحتاج تضافر الجهود والامكانيات لنحقق مانطمح له باذن الله ... فالشبكه العنكبوتيه باتت تزخر بمواقع كثيره وليس لنا مكان بينها الا باضافة امور جديده نتميز بها عن غيرنا , وليقيني الشخصي بأن هذا الموقع سوف يتبوء مكانه جيده بين المواقع الاخرى أتمنى من الجميع وكل حسب موقعه بأن يسعى لتقديم أقصى مالديه لخدمة هذا الموقع ولو بنشره بين أبناء حرمه لو عبر رساله جوال كما حصل معي اليوم عندما اتاني عبر رساله هاتفيه اسعدتني كثيرا من الاخ ( الملك ) فله جزيل الشكر ... وأنا شخصيا اعدكم بتقديم الدعم ( حسب استطاعتي ) اما عبر التواصل بالكتابه او بنشر الموقع بين كل من اعرف او عبر التعرف بالموقع ( بعد اكتماله ) انشاءالله عبر وسائل الاعلام ذات العلاقه وأملي من الجميع بتحويل هذ الحلم الى حقيقه راسخه نفتخر بها جميعا .... ونامل من القائمين على الموقع التواصل معنا واستقبال كل مقتراحاتنا والاهتمام بها والشكر موصول للجميع , والسلام عليكم ورحمة الله وبركاته .