حميان بيتش

المشرفين
  • عدد المشاركات

    443
  • تاريخ الانضمام

  • تاريخ اخر زياره

Contact Methods

  • Website URL
    http://

Profile Information

  • Location
    حرماوي
  • Interests
    هواياتي : ماعندي الا وحده وهي (( تلقيح النخل ))

حميان بيتش's Achievements

Newbie

Newbie (1/14)

0

السمعه بالموقع

  1. السلام عليكم هلا بأعضاء ورواد منتدى حرمه اسمحولنا على الانقطاعه ..... اليوم عندي لكم موضوع قريته وقلت ابنقله لكم عساه يعجبكم مؤتمر طـــــبــــي مرة كان في مؤتــمر طبي منعقد في دولة أجنبية بعد المؤتمر أجتمع واحد أمريكي و وواحد فرنسي وواحد مصري و كل واحد قعد يتكلم عن إنجازاته الأمريكي : إحنا كان عندنا في أمريكا واحد ما بيشوفش رحنا عملنا إيه ؟؟ جبنا قطة و دبحناها و خدنا عنيها و زرعناهم للراجل إللي واقفين أستغربوا قالولوه : و بيشوف كويس الأمريكي : يوووه دا بيشوف إللي ورا الشمس راح جه الفرنسي و قال إحنا كان عندنا واحد كبده تعبان فجبنا قطة و دبحناها وخدنا كبده و زرعناه للراجل قالوله : و بيشتغل كويس قالهم الفرنسي : يوووه دا بيهضم الزلط قام المصري قال : أحنا بأه كان عندنا واحد مخة بايظ رحنا شيلنا مخة و حطينا بدالة جزمة قالوله : أيه داا و شغال كويس قالهم : يوووه , دا بقي رئيس جمهورية عندنا =============================
  2. السلام عليكم عقد اللولو ........ ههههههههههههههه حلوه منك يا شايب على أد سنك هذا الشايب اللي أخذ اللكزس حقتي وعطاني الونيت شايب ملكع ... شكرا يا عمتنا (( عـــقــــد الـلــولــو ))
  3. عبووووودي اول شيء شكراً على هالمسيار ..... وان شاء الله القابله عندنا .... قل تم شف عاد هالسوووووق انصحك ما تاخذ مني علم فيه الا ان كانك بايعها ومعك فلوس زياده انا يومني حطيت هالموضوع ابدور أحد عنده سالفه ..... بس الظاهر ان الحال من بعضه يالله هذا حضنا نبي نمر مرتن ثانيه ونزود الكميه ... بس على الفرغه ..... احتروني
  4. لان هالدنيا يوم لك وعشره عليك الا وش اخباركم
  5. عقد اللولو فعلا ولله الحمد اقلهم مهراً ابركهم زيجه ومن تبع سنة الرسول يبي يلقى خير ...... وترانا نبالغ بالكلام والا ولله الحمد عندنا البنات مهورهم مناسبه خصوصاً اذا شفنا متطلبات العروس تضيف دبل المهر علشان تعد نفسها للزواج بس مشكلتنا الوحيده هي : يوم الا حتفال بالزفاف --------------------------------------------- هلا عبووووودي ((((( ااااااااه لو ابو متعب يصدر مرسوم ملكي في المهور خل هالي يغلون مهور البنات ياكلونهاااااااااااااا مفلفله خخخخخخخخخخخخخخخخ مرسوم ملكي زواج االبنوته البكر بـ 50 الف ريال خخخخخخخخخ زواج الأرمله بـ 20 الف ريال خخخخخخخخخخخ زواج العجوز الي طاقها الصدى خخخخخخ بـ 10 الف ريال خخخخخخخخخخ وش رايكم مهوب حل زين خخخخخخخخخ )))))) هههههههههههههههههه الله يخس عدوك .... الا تاخذ عجوز + وحده مجاناً
  6. السلام عليكم حيالله كل المشاركين من عبوووودي الى ..الى .. الى ... الى عقد اللولو هلا والله مساكم الله بالرضا والعافيه واللي جالس يتابع في النهار صبحكم الله بالخير الى الان وانتم طاقين حنك في هالموضوع ..... تصدقون لو قسمناه طلع ستة مواضيع يالله ان تحييهم وتحييهن ............ انا من موضوع (( رومنسية بنات سدير )) ما سيرت عليكم ... بس شكلكم طمرتوا عشر سطور وانا فاقن خشتي اناظر مدري وش السالفه خلصتوا من (( السواقه )) والا يمديينا نحتسي ؟؟؟؟ والا اقولكم خلونا نطق حنك عن (( غلا المهور )) هذا عبوووودي مهوب سهل .. جالس يطامر بنا من ساقي لساقي وحنا نطافش ... الله يعين الوالده على الغسيل تملينا من الطين . الا المهوووور اعتبرها مهيب غاليه هاليومين خصوصاً بعد المكرمه الملكيه برفع الراتب (( 15% ) يعني الممكن يرفعون معها المهوووور بس شكل شيابنا مادروا عن الموضوع .... الله يبتلهم لا يجيهم ما جاء ابو صعفق . خاطبين منه بنته وجلسنا نساومه على المهر الى ما رسى علينا البنيه على (( 50,000 )) ومن عقب المكرمه اتصل على ابوي وقال ترى المهر زودناه وصار بـ (( 60,000 )) .. زعل عليه الوالد وقال يا ابو صعفق ترانا جالسين نجمع في مهر بنتكم من سنتين ويالله جبنا (( 40,000)) وهالحين تقول بستين ما لك حق تراك جبتلنا الصمرقع ... قال ياخوي تراى الملك الله يحفظه رفع الرواتب (( 15% )) ... يعني وش زودنا والا حقين البقالات احسن منا ؟؟؟ قال الشايب الا انت احسن هم زادوا خمسطعش وانت زدتها عشرين ... بس الله حسيبك المهم طلعت من نفسي بنت ابو صعفق ورحنا لابو نجر ... وابو نجر ما شاء الله عليه يمدحونه ... ومعطيه ربي ما يحب هالخرابيط ... يوم خطبنا بنته قال للوالد تراي انا ما جيت ابيع البنت البنت بنتكم و انتم اهلها بس عن قولة ما عطوكم مهر قلت بس ابي 100 سهم من سابك مهر لبنتي ... ويكفيني علشان تعرف اني مانيب طماع يابو حميان ... ابوي تشقق وطار من الفرحه وجا لمي يمدح في ابو نــجــر .. وهو يقول : تصدق يا وليدي انه ما طلب الا مية سهم من سابك بس شفت يا حميااااان .. انا طاااااااح قلبي وقلت وش اقول لهالشايب اخاف اعلمه كم يسوى سهم سابك يطيح علينا ونبلش به .... المهم قلت يبه ما حاولت تكاسره .. قال : لا الله يهديك يا حميان لا تصير طماع .. واذا صار صاحبك عسل فصك الباب واستريح و تراه ما طلبها الا عن قولة ما عطيناهم مهر علشان الناس ما يحتسون ..... انا فقيت خشتي وطيرت عيوني ... ما دريت الا المطرقه (( قبضة يد الوالد الله يحفظه )) من فوق راسي ولاي عاضن لساني ... قال و ش فيك وجعن يوجعك ... قلت يبه تدري كم يسوى سهم سابك .. قال لا و الله ياوليدي ... الا بكم يسوى ؟؟؟ قلت : تراه هالحين بالف وسبع ميه يعني مهر البنت يسوى (( 170,000 )) ...(( الله حسيبك يابو نجر )) المهم ما نيب مكمل لان الشايب الان في العنايه ابروح ازوره وارجع اكمل لكم
  7. السلام عليكم هــــــــــــلا و غـــــــــلا هلا بحفيدة سوير ...... سلامااااااات عسى ماشر الله يوسع صدرتس بالعافيه و الله يعافيتس وتشكرين على الزياره هذولي اللي يرفعون معنوياتنا ... تسلمين يا الحفيده
  8. السلام عليكم هلا ريـــمــــاس طبعا حنا ما مثلنا في الرومانسيه والدليل : اني ما عمري قمت من جلسه الا اشوف تحتي بقعة رومانسيه ، جسمي يرتعش من الرومانسيه اقول وسعي صدرتس ولا يرتفع ضغطك ..... اللي ما شاف ما يعرف وعلى مــــــــاقـــــــالـــــوا : اللي ما قربش ما يعرفش .... ورأصنا ياقدع .... وبنات اهل سدير يضرب بهن المثل .. وأسألوا القصمان يعلمونكم ... بس هالرومنسيه مدري والله ... (( ردينا .... )) الله يرزقهن عيال الحلال اللي يقدرونهم ...... هاه وش لي يا ريماس
  9. السلام عليكم هــــــــــــلا أبــــونـــــــاصر حـــــــــلوه والسواق هذا منسم .... يبيله رقعه وراكم ما مريتوا علينا ..... مسنتر على عتبة الباب ـــــــــــــ ــــــــــــ ـــــــــــ ـــــــــــــــــــ يعطيك الف عافيه وننتظر المزيد يابوناصر
  10. [align=center] الـــســـــــــلام عـــلــــيــــكم وش ابقووووول نـــــسيت ؟؟؟؟؟ المهم هــــــــــلا بكل اللي حــــظـــــــروووو عــــــــــبـــــــووووودي وش حليلك بس لو انك ما تتغزل في بناتنا جــــــــوووووووري عــــســــــــــــل حـــــرمـــه مــــــزيـــــونة حـــرمـــه أبــــــــو نـــــــــاصـــــــر (( هلا بالغايب الحاضر )) عـــــقــــــد اللـــــولو هلا بهامورة الاسهم شــنـــطة فـــســـــحه مــــــــــــــرتــــــــــــــــاح ........... وش اقوووول مبطين عن شوفتك ريـــــــمـــــــــــاس عبووووودي .... ارفع سجل الحضور والانصراف ترا قرب الراتب ونبي نشوف وش يفذلنا من الخصوماااااات وش قصة بنات سدير مهوب رومانسيات ..... من قالكم تسذا عز الله ما عندكم سالفه الا الرومنسيه تقوطر مقاطر من فوق روسهم انا اعرف لي وحده اتصل عليها رجلها وقــــــــال : ترا نبي اليوم رومـــــانسيه جلست ساعه تفكر وش يبي ذا وش يبي ذا ومير تتصل على امها وتقول ان رجلي متصل ويقول ابي رومانسيه وش يبي ذا ؟؟؟ قالت الام : والله مدري وش يبي بس احتياطا وانا امتس سويله مرقة بطاطس مع الدجاج قالوا مهوب رومانسيات ..... اجل انتم الرومنسيين ..... اما سالفة الاسهم هذي مانيب حاتسي عنها يكفينا موضوع ((( الهامور حميان ))) [/align]
  11. [align=center] الـــســــــــلام عـــلـــيـــكـم اسعد الله ايــــامكم يقولون ان الموضه هاليومين ( الاسهم والمضاربات ) وايوم قصتنا عن الاسهم بس عساااااهااااا تجوز لكم وننثرها عندكم كودكم ترجعون لمنتداكم الهامور (( حميان )) ملك التوصيات حميان طالع من المسجد بعد صلاة العصر ( ناوي يتسنن بس زين انه درى ان مابعد العصر سنه ) المهم عند باب المسجد يمسكه جارهم ابوعلي : هلا بولدنا حميان .. صز الكلام اللي سمعناه عنك اثرك توصي على الاسهم وناسي جيرانك .. مالك حق .. وش رايك وش نشري عقب العصر ابوعلي ابقولك توصية بس لا تعلم احد خذلك في المواشي وكثر و أبشر بسعدك .. تسلم ياولدي يا حميان .. عاد ورا ما تدخل تقهوى معنا .. لا الله يسلمك ابروح الحق على السوق ..................... تلفونه يرن ... الرقم غريب ... بدء حميان يصرف يدخل البيت تمسكه امه شف خالك شامان يقول كل اليوم وهو يتصل عليك و انت ما ترد ؟؟؟ وراك على خالك والله ما شفت اتصال منه طيب وراك ما ترد على اللي يكلمونك يامال الضعفه رد يمكنه خــــــــالك حميان يرد على التلفون : هلا من معي الخال : الله الله ياحميان من معك ما عرفتني ايه يحقلك كابرن راسك ما تكلم الا راعين الدراهم لا والله بس رقمك مهوب مخزن عندي وماعرفتك انا خالك خلخلت حنوتسك( عصبي الخال) ... المهم انا دخلت في الاسهم ويقولون ان عندك علم فيها هـــاه وش نشري وانا خالك حميان ( يفكر في سهم يجيب الهم يبي يخسر خاله) اقول وراك ما تشري التعمير يمدحونها ياخال . الخال : يقولون انهم يسمونها التدمير ذي حميان : لا ما عليك يا خال ... خذ وما جاك علي ......................................... حميان معزوم على عرس يدخل حميااااااان ..... واحد من المعازيم يقول لاخوياه :ما قلتلكم ان حميان يبي يحضر هالمناسبه الثاني : هذا هو حميان يالله شكله ما يأهله يصير هامور هو وهالشماغ اللي يسحب كانه بشت الاول : لا يهمك شكله بس توصياته في الصميم . هاااااه وش رايكم نروح نكلمه ؟ يرد الثاني : اصبر خل الزحمه تروح ونكلمه والا اذا خلصنا من العشاء الثالث : الحقوووو عليه لا تخلص التوصيات ............... المعـــرس : يا نـــــاس مـــنـــهو هاللي دخل وأخذ الجو مني يوم عرسي ؟؟؟ والله مدري هو انا والا هو المعرس هذا حميان بن بيتش راعي الاسهم ..... هللي يقولون توصيته في الصميم ما يوصي الا على النسبه يا ما ناس صاروا مليونيريه من توصياته ... وش تحسب يا بو يقوم المعرس من مكانه ويتجه له .... هلا والله بحميان هلا بالغالي .... تعال جنبي ابيك يدردش المعرس مع حميان ... وحميان كسر القفص الصدري وهو يطق على صدره : مــــا عـــلــيك خذ في الموشي على مسؤليتي ما تجي من شهر العسل الا وراس مالك متدبل ثلاث مرات وش تبي اكثر ؟؟؟؟ ....... يطلع من العرس .. ويمسكونه الناس عند المواقف : هـــاه وش توصي عليه يا حميان اقولكم خذوا المواشي يقولون يبي ينزل عليها خبر يطيرها فوق وش خبره يا حميان الخبر !!! هـــــــــــاه !!! ابقولكم بس تحلفون ما تعلمون احد ... جـــعــلنا لــــ جــــغ و جـــغ ,, اذا قلنا لاحد بس علمنا الله يرحم والديك المهم يقولون انه يبي يرفع راس ما له دبل ( كيك ) ويمنح اربع اسهم لكل سهم لا وازيدكم من الشعر بيت يبون يغيرون اسمها من المواشي لــ الحواشي اجل نشري وحنا مغمضين اشتروا وانتم تمشون بالريوس .. ( ويضرب في صدره ) وهو يقول على مسؤليتي بس شهر متدبل ست مرات طيب اللي ما عنده فلوس يا حميان وش يزين ؟؟؟ تسلف اسرق دبر نفسك بس لا تفوتك المواشــــي ......... يمر على البقاله اللي عند بيتهم عطنا كرتون بيبسي وعشرة تونه ومربى جح وقشطة التاج راعي البقاله : اهلا هميان كي هال .. انتا ميه ميه اصهم انا ما فيه مشكل كلوا انتا يبقا ما في فلوس ... انا سديك يبقا توصيه كتير مزبوط حميان : هــــــــاه (حتى انتم دخلتوا الاسهم) .. خذ هالتوصيه يا صديق : اشتر المواشي وانت ماشي ايس كلام مواسي ... ما فيه مزبوط لا بالعكس يقولون المواشي يبون يقلبونها حــــــــواشـــــي شكرا مدير هميان انا فيه كلام كفيل كلوا فلوس مواسي .................. بعد شهرين مناسبه عرس حميان داخل وهو متلطم مجموعه من المعازيم : منهو ذاك اللي متلطم الاول : ما عرفتوه هذا راعي المواشي ( حميان) لا عادها الله من توصيه ضيعنا اللي ورانا ودونا على توصياته الثاني :حرام عليكم مسكين يبي يساعدكم بس حظه ردي الثالث : اي ردي اي خرابيط الناس راحت فيها اللي باع بيته واللي تسلف له مليون واللي رهن عمارته واللي رهن عياله وهق الناس الله يوهقه الرابع : اقول اشوف الناس مجتمعه عليه ....يؤ يؤ يؤ تبون نطلب الاسعاف حمياااااان من تحت الانقاض يقول ... ابعوضكم في سهم تدبيله اصبروا علي بس شوي والناس طايحه طق فيه حمياااااان : خذوا الغذائيه عوضوا فيها خــال حمــيااان .. يشيل حميان من الانقااااض ويقول الله يسلمك يا وليدي والله يا كسبنا في هالتعمير [/align]
  12. [align=center]السلام عليكم هذا موضوع طرحته جريدة عكاظ ...خلونا نقراه سواء ... حادث ومولود في حائل[/align] [align=center]نجح وانيت مسرع في تعديل وضع جنين داخل رحم امه ليخرج الى الدنيا بولادة طبيعية رغم تأكيدات الاطباء على انه لا مجال لانقاذ حياته وامه الا بعملية قيصرية. وكانت ســيــارة الاسـعـــاف التي تحمل السـيـدة وزوجـهـا انـطـلقـت من احد الـمـستشفيات الاهـليـة في حائل ( والعقال مـايل ) بعد توصية الاطباء بضرورة نقلها سريعا لمستشفى الولادة لخطورة الوضع على الام والجنين, واشاروا الى الحاجة لاجراء عملية قيصرية لولادة الطفل ( اقول الله يجعل والدينا في جنات نعيم ) . وفي الطريق وما ان تجاوزت سيارة الاسعاف الاشارة المرورية (الحمراء) حتى اصطدم بها وانيت مسرع( شكله مشغل الونان و مطفي النور ويا ويلك ياللي قدامي ) ومع طرقعة الاصطدام ( حلوه طرقعة ) تعالت صرخات الطفل الذي تفاجأت امه وابوه بولادته طبيعيا داخل سيارة الاسعاف ( مهوب فاضي يحتري المرور الين ما يجي ) ولم يتمالك الاب نفسه فهرع الى سائق الوانيت حتى ظن ( ظن تكتب بالظا والا الضا ؟؟؟ شكل اللي كاتبها راسب في الجغرافيا ) شهود العيان أن المشهد سيتحول الى دماء من اثار المضاربة, لكن الاب بدأ يقبل رأس الشاب الذي صدم بسيارته الاسعاف بل قرر تسمية مولوده محمد على اسم صاحب الوانيت المصدر: جريدة عكاظ (( تبون الجد يستاهل ... مدررري .. يقولون ان عنده اخو قبله اسمه محمد )) ما قالوا .. وش سوا راعي الاسعاف لراعي الونيت ؟؟؟؟ وش تعليقاتكم على هالموضوع ؟[/align]
  13. السلام عليكم انا اليوم جيت ابحطلي موضوع ... ومستعجل قلت اسير عليكم واسلم عليكم ونتقهوا وانا لابد نتعشى معكم واذا لزمتوا علينا نمرح امرحنا عندكم بس الان انا ابروح انزل الموضوع قبل ماتظلم الدنيا يالله نشوفكم على خير سلامي على كل الشله :- عبووووودي عقد اللولو جوري ريمااااااس راعية اخر موضه والابلى : سـكر زياده عاااااد زورونا في قصه وتعليق
  14. [align=center] السـلام عــلــيــكم هلا باللي جالسن بـ ( صدر المجلس ) وهلا بالي حوله ..... سجلوني معكم ..... عبووودي .... سكر زياده .... عقد اللولو ..... ريماااااس ... واللي يبون يجون بعدهم نــســيـت وش ابقوووول ... الا وش اخباركم عبوووودي تبي تسوي انقلاب انت ..... وعيني عينك ... اجل افطن لنفسك اذا تزوجت ... ابعلق واحدن في حلقك كل مادخلت بيت هو يجي عقبك ويشرشحك . المهم هالحين قل اتوب وما عاد اعودها وجعلي جغ وجغ اذا عتها : : : اسمحولي الان وابجي اكمل مرتن ثانيه اكرمك الله يا عبودي وسلامي للحاضرين [/align]
  15. [align=center]الـسلام عليكم حــــيالله (( الزميله )) وابحط تحتها عشر خطوط ســكر زيــاده ابلى العربي ... عندنا فيذا ... قيام يا شباب ... جلوس ... شرفتينا يا مشرفتنا درس قواعد على الطاير ...ذكرتيني برابعه جيم على مروركم وشرطتكم[/align]