فيد غانم

المتميزين
  • عدد المشاركات

    289
  • تاريخ الانضمام

  • تاريخ اخر زياره

فيد غانم's Achievements

Newbie

Newbie (1/14)

0

السمعه بالموقع

  1. اييييييييه ياخال بعد الزواج حس الواحد انه انتقل لمرحله ثانيه من عمره وبدت تطري عليه خواطر وذكريات زمان عموما نورت المنتدى ياخال والله يبارك فيك ويجعل هالخير عام على الجميع وبمناسبة الخير بشر عن قنصكم الماضي عساكم توفقتوا بشي يالذيابه
  2. فعلا اخي ذرب ايام جميله والكثير منا يفتقدها عموما اخي ذرب شكرا على المرور والتعليق
  3. السلام عليكم ورحمة الله وبركاته الصراحه انا احترت في اي بوابه احط هذا الموضوع .........المهم اليوم بعد صلاة الجمعه راودتني ذكريات جميله تتعلق بايام الدراسه في المرحله الابتدائيه في حرمه في بداية الثمانينات الميلاديه وكيف كانت ايامنا حلوه ودراستنا ومدرسينا احلى وكلن يعرف الثاني وكما قال ابن حثلين_هذا ابن عم وهذا ابن خال وهذا رفيقا مالقينا مثيله ويقول المثل _اهل قريه كلا يعرف اخيه كنا المدرس والطالب اسره وحده المهم ماعلينا ابذكر لكم بعض الذكريات الجميله الي تبي تذكر بعض الا عضاء باحلا ايام العمر من يتذكر الرحله التي ذهبنا لها نحن ابناء مدرسه حرمه (قبل ان ينضم ابنا حرمه الشرقيه لمدرسه حرمه) مع عدد من المدرسين ومنهم (محمد الامير _الدويسي_الربيع_الشناوي_وبعض العاملين في المدرسه منهم احمد النخيلان رحمه الله والتركي) يوم شروا البربري عشان الغدا وطبخه ربيع الله يعطيه الصحه والعافيه الذكرا الثانيه وهي الاهم على قلبي هي حفله مدرسه حرمه اعتقد انها عام 82او83 اعتقد انها اخر حفله لمدرسه حرمه المهم الحفله كانت قمة الروعه والتنضيم وكانت مصوره بالفديو بالكامل والكل حاضر تلك الليله من الامير ابو سعود الله يعطيه الصحه والعافيه الا اصغر واحد في الديره طبعا انا نجم تلك الليله عندما رشحني الاستاذ الشناوي لاضهر على المسرح وانشد انشوده اني طفلا وغدا رجلا .........المهم (ستار اكاديمي) طبعا انا كنت اغلط في الكلمات ويصححلي الشناوب من ورا الكواليس بعد هالفقره شاركوا كل الشباب في مسرحيه اتذكر ان فيها سيارات لعبه وتصادم طبعا انا اخذت جائزه قلم باركر عطانياه الامير بنفسه _من قدي_ ومازلت احتفض بهذا القلم خلاصة الكلام انا اطلب من اخي راعي حرمه خصوصا طلب صغير ارجو انه يلبيه لي الا وهو تصوير هذه الحفله لان المصور كان المرحوم احمد الماضي واكون لك من الشاكرين
  4. كل عام واهل حرمه الطيبين بخير وتقبل الله منى ومنكم صالح الاعمال
  5. السلام عليكم طموح عالي وافكار نيره ولكن لاحياة لمن تنادي اذا المنتدا والمشاركه فيه صارت صعبه عليهم والواحد (يتعيجز) يفتح موقع ديرته ويكتبله كلمتين حلوه ويحسسنا ان المنتدا مازال يتنفس فما بالك بنقاطك الي ذكرتها في اقتراحك الله يجزيك خير
  6. الله يبارك فيك ياخال ولكن العذر والسموحه طال عمرك لاني متزوج من شهرين سكاتي والعزيمه الي يوم الاربعاء كانت صغيره مره(وانت واحد منا) وابو علي ماقصر نقل شرهتك علي وقلتله تعذرلي منه واجد لانك عزيز يابن الأجواد ملاحضه ياخال: عائله الابراهيم هي عائله مصريه تسكن مدينة طنطا والعائله الي في حرمه اسمها البراهيم ودمتم سالمين
  7. كلام جميل والكاتب اجمل الله يعطيك العافيه على هذا الجهد اخوي راعي النزيه فعلا معلومات ثريه عن حرمه واهلها وتاريخها((((وتاريخها))))!!!!!!!
  8. اولا شكرا على هذا الموضع ياخالي ثانيا انا اايد كلامك بس بطريقه اخرى لإن حلك حلم مستحيل يتحقق(يامعود ماحطوا شي داخل حرمه عشان يحطونه خارجها) قل وين اللجنه الي سمعنا عنها وجايه من الرياض عشان هذا الموضوع وين الدراويز اللي سمعنا عنها للدخول والخروج من غاليتنا حرمه وين لوحات البدايه والنهايه وعلى طاري الكاشات ابقولك مثل عندك (كاشات) اهل شقراء ماشاء الله عليهم شف وش حطوا في ديرتهم واهل وشيقر بس ربعنا الله يخلف
  9. شعر بدوي صادق قالت ترى منت بحلو قلت رجـال والزين ماهو من شروط الرجولـه الزين يلقى عنـد لباسـة الشـال والرجل زين ان كان زانت فعولـه ******** قالت علامك تلبس شماغ وعقـاال انت بدوي؟ قلت بدوي ومن حموله ما ألبس بناطيل لها الوان واشكال وامتر الشارع بعرضـه وطولـه ******** قالت اجل راعـي معاميـل ودلال شرب القهاوي تحسبونـه بطولـه كيفي يابنت الحضر دلـه وفنجـال وحليب خلفـه بالمـراح معقولــه وحب الكرم والجود وعلوم الابطال مغروس فينا من زمـان الطفولـه ******** قالت ترى بنت البدو حظهـا مـال قلت احذري حذرا تكوني جهولــه بنت البدو يابنت مضرب للامثـال فوق الجمال وطاعة الله خجولــه ماحطة اصباغ ولا حطـت ظـلال ولا سيرة بالسوق سيـر مهبولـه هي مهرة تصعب على كـل خيـال وانتي ومثلك عسفهن بالسهولــه ******** قالت تغزل بي وشف حبة الخــال ناظر عيوني والرموش الكسولــه قلت العفو مايجتمع حـب وهبـال ولكـل ذوق فالمزاييـن جـولـه ******** قلتي وقلت وكلمة الصـدق تنقـال الزين ماهو من شروط الرجولــه منقــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــول
  10. مشكورين على هذه الحماسه والمتابعه والتعليق وهذا يدل على حرصكم على منتداكم واخوانكم الأعضاء نداء خاص ارجوا من كل من يعرف عضوا من قريب او بعيد سواء كان صديق اوجار ان يبلغه تحيات المنتدى واشتياقه لللأيام الخوالي وان يطمنا على صحتهم واحوالهم < وان حصل سبب العزوف عن المشاركه>
  11. شكرا لكم اخواني على متابعه الموضوع والتعليق عليه وهذا ان دل على شيء فهو يدل على حرصكم وغيرتكم على منتداكم اما بالنسبه لسبب التغيب فارجو ان يكون اي سبب ماعدى ان يكون طفره ومرت على المنتدى ولا راح ترجع شكرا لكم
  12. السلام عليكم كل سنه وانتم بخير عندي سؤال واحد فقط وين اختفيتوا ياشباب منتدانى الغالي وين الناس اين راعي حرمه والمسفهل والزير وفتاة سوق السبت والمسلهمه وبقيه الأعضاء النشطين في جميع البوابات بدون استثناء حال المنتدى يظيق الصدر مره هل الإجازه لها دور في اختفاء الأعظاء ام هناك خلافات لا اعلم عنها ام هي طفره وانتهت في كل صباح ادخل على المنتدى لعلي ارى ما اعتادت عيني على روئيته من مشاركات جديده وتعليقات مثيره ارجوا ان يكون هذا الوضع هو الهدوء الذي يسبق العاصفه ودمتم سالمين اخوكم اللي ضايق صدره